Jeremiah 11:10 - Syin Chin Bible

¹⁰ Amate in ka thu hong nial, a taanghpupite ii mawna khialna teng ma vawt kik uh hi; Amate in pathian dangte bia uh hi. Israel le Judah mite in a taanghpupite taw ka vawt khop thuciamna paltan zo uh hi.

Jeremiah 11:10 Iomraidhean Croise

Psalm Late 78:57

ahihang amate sia a taanghpupite bangma in, langpan nopna thin le thumaan nop ngawlna thin nei uh a, thaltang koai khat bangma in muanhuai ngawl hi.

Isaiah 24:5

Mihingte in Pathian thukhamte paltan na taw le a tawntungin a kikhomsuan tu a vawt thuciamna a siatsakna taw leitang ninsak uh hi.

Jeremiah 13:10

Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi.

Jeremiah 17:23

A taanghpupite in ka thu hong ngai ngawl, hong nadon ngawl hi. Amate a thin pui a; ka thu hong ni zaw ngawlin ka hilnate saang nuam ngawl pumsai uh hi.

Jeremiah 22:9

Tuasia ciang na Pathian, keima taw na kiciamna uh nusia in pathian dangte bia in a na na sepsak uh hang hi, ci in amate in zo tu uh hi,” ci hi.

Jeremiah 31:32

Tua thuciamna sia a taanghpupite a khut uh pan kai in Egypt ngam pan ka pusua pui lai a, a taanghpupite taw ka vawt uh thuciamna lui taw kibang ngawl tu hi. Keima sia amate ii a pasal bang hi napi amate in tua thuciamna zui ngawl uh hi.

Jeremiah 44:16

“Topa min suangin thu nong sonte hong ngai nuam ngawl khu hi.

Jeremiah 44:5

Ahihang note in ngai ngawlin nadon ngawl nu hi. Pathian dangte tungah a sia biakpiakna na vawt uh sia na kheal nuam bua uh hi.

Jeremiah 7:28

Amate Topa Pathian, keima ii thu hong ni ngawl minam hi a, kihil in daan a kipiak hang tel thei tuan ngawl uh hi ci in amate tungah son in. Thumaanna bo a, son zongh in kinei nawn ngawl hi.

Ezekiel 16:59

Vaanglianpipa Topa in, “Na thuciamnate paltan a, na kamciamte ngaingon na hikom nang taw a kiphu bangin kong vawt tu hi.

Ezekiel 44:7

Keima sangaw biakpiakna ii a thau le a chi hong kipiak ciangin amate in ka thu a ni ngawl, vunteap at ngawl ngamdangmite sia Biakinnpi sungah a tumsak hu in ka Biakinnpi ninsak uh hi. Tua ahikom a kiihuai a ngamtatnate taw ka mite in ka thuciamna paltan uh hi.

Ezekiel 5:6

Ahihang Jerusalem in ka thupiakte hong langpan a, a dang ngamte sangin a ngitlo zawkna hong lak a, kiim le paam ngamte sangin thuni ngawl zaw hi. Jerusalem in ka thupiakte nial a, ka thukhamte zui ngawl hi.

Hosea 6:4

Ahihang Topa in, “Israel le Judah awng, bang hong law tu khi ziam? Kei nong itna uh sia zingsang mokkaai bangin manlang tak bo a; ni vaisaang ciang a bo pai daaituite bang ahi hi.

Hosea 6:7

“Ahihang amate in Adam ngam sungah a tum po ciang amate taw thuciamna ka vawt sia paltan uh hi.

Hosea 7:16

Amate kei kung pan kiheak tawntungin vang nei ngawl pathian khat tuu uh hi. Amate sia thalkawng telh khat bangin muanhuai ngawl hi. A lampuite in kisak theina kampau ahikom amate thi ngamin thi tu a, tuaciang Egypt te nui tu uh hi,” ci hi.

Thiampite 26:15

Note taw ka vawt ka thuciam paltan in, ka thukham le ka thupiakte na nial uh le,

Zephaniah 1:6

Kei hong nungngat in, kei hong zui nawn ngawlte, kei tungah lamlak natu ngen ngawl a, hong zuan ngawlte ka susia tu hi,” ci hi.

Zechariah 1:4

Na taanghpupite taw kibang nawn heak vun. Khuangeipi lai in kamsaangte in amate kungah ka thupuak sonin, ngamtat sia, mawna taw a nuntak nawn ngawl natu in thuhil uh hi. Ahihang amate in ka thu hong ngai nuam ngawlin hong mang nuam bua uh hi.

Zechariah 7:11

“Ahihang ka minamte thinpui in hong nangai ngawl uh hi. Amate in a thinsung kongkhate khakin,

Zechariah 7:13

Ka pau ciang hong ngai ngawl uh ahikom, thu hong nget uh ciang ka zo bua hi.

Thuhil kikna 31:16

Topa in Moses tungah, “Thi pal tu ni hi, na thi zawkciang mihingte kei tungah hong thumaan ngawl tu a, amate taw ka vawt thuciamna sia palsat tu uh hi. Amate in kei hong taisan tu a, a tum natu ngamsung doai biate ii pathiante bia tu uh hi.

Thuhil kikna 9:7

“Sennealngam ah Topa na Pathian na thin uuksaknate mangil ngei heak vun. Egypt na nusiat ni a kipan, hi lai na thet uh dong ama langpanin na leedo zo uh hi.

Hebrew te 8:9

Amate ii taanghpupite taw thuciamna ka vawt bang ahi buatu hi. A khut uh pan kai in, Egypt pan ka pusuapui hunlai bang ahi buatu hi. Amate taw ka vawt thuciamnate tungah a thumaan bua uh hi, tua ahikom amate ka awlmawk bua hi.

Thukhente 2:11

Tua zawkciang Israel mite in Topa tungah mawna vawtin, Baal pathiante bia tu in hong kipan uh hi.

Thukhente 2:17

Ahihang Israel te in a lampuite sia awlmawk vawt ngawl uh hi. Israel te Topa tungah thumaan ngawlin pathian dangte bia uh hi. Amate ii pate in Topa thupiakte ni hi, ahihang hi khangthakte in thu ni nawn ngawl paih uh hi.

Thukhente 2:19

Ahihang lampui sia a thi ciangin amate ngamtat ngeite ngamta kik in, a khang masa te sangin a ngamtatna uh sia zaw hi. Amate in pathian dang bia in a na sepsak uh a, amate ii khansiatna te a thasua nuam peuma bua uh hi.

1 Samuel 15:11

“Saul sia kumpipa in ka koi sia khuangai khi hi; ama in kei hong nusia a, tuaciang ka thupiakna hong ni ngawl hi,” ci hi. Samuel thin uuk a, zan khua in Topa tungah pakaai hi.