Jeremiah 10:9 - Syin Chin Bible

⁹ A milimte sia Spain ngam pan a piang ngunn taw, Uphaz ngam pan a piang khamh taw kituam a, limsuai thiamte ii vawt veu hi siat hi; tuate sia thiamtak thiamte ii a taa puan sandupciik le puan sandupte kisilhsak hi.

Jeremiah 10:9 Iomraidhean Croise

1 Kumpite 10:22

Ama in tuipi teambaw hon nei a, Hiram ii teambaw hon taw paikhawmsak hi. Kum thum simin ama teambaw hon sia heak kik in, khamh, ngunn, saiha, zawng te le mei nei ngawl zawngku puite ciapui hi.

2 Khangtaanghthu 9:21

Solomon in Hiram kumpipa ii teambawte taw a paikhawm tuipi teambaw honkhat nei hi. Kum thum simin ama teambawte hong heak kik ciang khamh, ngunn, saiha, mei nei ngawl zawngpuite le zawngte hong pua uh hi.

Psalm Late 115:4

Amate ii pathiante sia ngunn le khamh taw kivawt a, mihing khutte taw kivawt hi.

Psalm Late 72:10

Spain le tuikulhte kumpipate in ama letsong pia tu uh hi; Arabia le Ethiopia kumpipate in ama tel pia tu uh hi.

Isaiah 23:6

No Phoenicia mite awng, he in kap vun! Na suatak natu in Spain ngam zot tu hanciam vun!

Isaiah 40:19

Ama sia thikseakte khutthiamte ii vawt, ngunn huanna sungah a sun suk khamh taw a zut milim taw kibang ngawl hi.

Ezekiel 27:12

Spain ngam ah sum na vawt a, ngunn, thik, daan le haakte la in, vanh tam mamate thena in na nei hi.

Ezekiel 27:7

Na teambaw puankhak uh sia puanneal taw kivawt hi, Egypt pan a kitak a kingelh puan hi. A khuala na panin ol takin kitel thei paih hi. Na tuipuante sia puan phabel taw kivawt a, Cyprus tuikulh pan puan sandupte ahi hi.

Daniel 10:5

Ka etto le puannealte silh a, khamh ciitak kawngkhau a thua mihing khat ka mu hi.

Hosea 8:6

Israel mi khut thiam khat in milim vawt a, tua in pathian khat hi vet ngawl hi! Samaria ah a kibia khamh khuital sia a bebekin kisutham tu hi!

Jonah 1:3

Ahihang Jonah in Topa a pial thei natu in a kisawlna sangah pai ngawlin a leelam sangah pai hi. Ama Joppa ah pai in, tua munah Spain ngam ah a pai tu teambaw khat mu hi. Teambaw saapna sum a piak zawkciang Topa taw a kikhuala natu mun Spain ngam ah pai tu in teambaw hawlte taw teambaw tungah kaa hi.

Habakkuk 2:19

Nang a lal na hi zo hi! Thingbek khat tungah “Khanglo in!” tua ahibuale suangtum khat tungah “Tho in!” ci ni hi. Milim in na khat pawpo hong lak thei ziam? Khamh le ngunn taw kituam tha tu hi, ahizong a sungah nuntakna om ngawl hi.