Jeremiah 10:7 - Syin Chin Bible

⁷ Minam theampo ii kumpipa ahi nang sia, akua in zakta ngawlin a om tu ziam? Nang sia zatakna piak tu in na kilawm hi. Minamte ii mipilte theampo sung pan hikale amate ii kumpite sung pan hikale nang taw a kibang kuama om ngawl hi.

Jeremiah 10:7 Iomraidhean Croise

2 Kumpite 17:39

Keima Topa, na Pathian ii thu nong ni tu uh a, tuasia ciang, na ngalte kung pan kong suatak tu hi,” ci in thupia hi,

1 Khangtaanghthu 16:25

Topa sia lian a, nasia tak pok tu ahi hi; ama sia pathiante theampo sangin patoai zawk tu ahi hi.

Esther 1:13

Tu in upadi zui natu ngeina huvau thudokna a pian ciang, ama in a pil a thiamte ngaisutna a dok tu sia kumpi ngeina ahikom ama in bang vawt tu ci a he, ngaisutna a piate sam hi.

Psalm Late 147:5

A lian a thakho sia eite Topa hi; ama ciimna in kitee thei ngawl hi.

Psalm Late 22:28

Topa sia kumpipa hi a, ama in ngam theampo uk hi.

Psalm Late 47:3

Ama in mihingte tungah zawna ei hong pia hi; minamte hong uksak hi.

Psalm Late 72:11

Kumpipa a kici theampo in ama mai ah kun tu uh a; minam theampo in ama atu sepsak tu uh hi.

Psalm Late 76:7

Ahihang Topa awng, nang sia a kuama theampo in hong kiita hi. Na thin uuk ciang na mai ah kuama ding zo ngawl hi.

Psalm Late 86:8

Topa awng, nang taw a kibang pathian om ngawl hi, nang sep bang a seam kuama om ngawl hi.

Psalm Late 86:9

Na bitphua sa minam theampo hong pai in na mai ah kun tu hi; amate in na letna hong pok tu hi.

Psalm Late 89:6

Topa awng vantung ah nang taw a kibang kuama om ngawl hi; vantung mi a minpiang nang taw a kibang kuama om ngawl hi.

Pusuana 8:10

Kumpipa in, “Zing ciangin thu hong ngetsak ta'n,” ci in zo hi. Moses in, “Nong sawl bangin ka seam tu a, tuaciang kote Pathian Topa taw a kibang pathian dang a om ngawl hunlam he tu ni hi.

Pusuana 9:14

Leitung theampo ah keima taw kibang khat beak a om ngawl hunlam na heak natu in tu tungin na uliante le na mihingte bek daan pia ngawlin nangma zongh daan kong pia tu hi.

Isaiah 2:4

Ama in minam liante sungah thu nawngkaite khensat tu hi. Amate in a namsaute lo thawna tumanh le a teite thingbaak heuna namte in seak tu uh hi. Ngam khat le ngam khat kido kik ngei nawn ngawl tu a, ngal sim tu in kithoai kik nawn ngawl tu hi.

Jeremiah 10:6

Topa awng, nang taw a kibang kuama om ngawl hi; nang na thahat a, na min lian in vaang nei hi.

Jeremiah 5:22

Keima in Topa ka hi hi; banghang hong kiita ngawl nu ziam? Banghang ka mai ah liing ngawl nu ziam? Tuipi ii ngamngi tu in sen ka koi a, tui ii kaantan zawk ngawl a tawntung a kho ngamngi ahi hi. Tuipi a kilok hial zong kaantan zo ngawl tu a; tuihualte a hawk ngawp zong phultan zo ngawl tu hi.

Daniel 2:27

Daniel in, “Kumpipa awng, tuasia hong son thei tu in, bum lei aitoai, mitbum thiam, aisaan thiam ahibuale aksi en thiam kuama om ngawl hi.

Daniel 2:28

Ahihang thutumdangte a pualaak vantung ah Pathian khat om hi. Ama in maisang thupiang tute, Nangma Kumpipa tungah hong hil zo hi. Na mut laitak a na mu kholna, tua mang sia tu in kong son tu hi.

Habakkuk 3:2

Topa awng, na sep na vawtte ka za zo a, zakta in lamdang ka sa mama hi. Tu in ko hun sung zongh ah nasep lianpi na sep ngeite hong seam kik ta'n. Na thin uuk ciang zong hesuakna hong nei ta'n.

Zechariah 2:11

Tua hun ciang minam tam mama Topa kungah pai tu a, ama mite suak tu uh hi. Ama in note sungah hong teang tu a, no kungah kei hong puak hunlam na he tu uh hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

Luke 12:5

Kiitak tu akua ziam ci sia kong lak tu hi. Pathian na kiita vun, ama in a thalup zawkciang meikuang sungah bum thei lai hi. Hong um tavun, na kiitak tu uh sia ama ahi hi!

1 Corinth te 8:6

eite atu in Pa ahi Pathian khat bek om hi, ama sia na theampo a Bitphuapa hi a, ama atu in eite a nungta ih hi hi; tuaciangin Topa khat bek ahi Jesus Christ om a, ama tungtawnin na theampo kibitphua a, ama tungtawnin eite ih nungta hi.

Joshua 4:24

Hi sia hu in leitung mi theampo in Topa ii vaangletna sia bangza in lian ci in he tu a, tuaciang note in Topa na Pathian sia a tawntungin na zatak vawt tu uh hi,” ci hi.

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.

Thupualaakna 15:4

Topa awng nang lamdang hong sa ngawlin akua ding tu ziam? Akua in na letna a thansak tu nial ngam tu ziam? Nangma bek na thiangtho hi. Minam theampo hong pai in nang hong bia tu hi, banghang ziam cile, thumaanin na ngamtatnate mihing theampo in hong mu siat uh hi,” ci hi.