Jeremiah 10:6 - Syin Chin Bible

⁶ Topa awng, nang taw a kibang kuama om ngawl hi; nang na thahat a, na min lian in vaang nei hi.

Jeremiah 10:6 Iomraidhean Croise

2 Samuel 7:22

Bangza in lian ni ziam, Vaanglianpipa Topa awng! Nang taw a kibang khat zongh om ngawl hi; nangma bekma Pathian na hi sia kong he tawntung uh hi.

1 Khangtaanghthu 16:25

Topa sia lian a, nasia tak pok tu ahi hi; ama sia pathiante theampo sangin patoai zawk tu ahi hi.

Nehemiah 4:14

Mite thinngimna ka mu ciang amate tung, a lampuite tung le uliante tungah, “Ih ngalte kiita heak vun. Topa bangza lian a bangza kiitakhuai ci sia phawk vun a, na ngammipuite atu, na tate atu, na zite atu le na bangkuate atu in ngalsim tavun,” ka ci hi.

Nehemiah 9:32

“Oh, Pathian, kote Pathian awng, bangzata lian ni ziam! Bangzata kiitakhuai a, bangzata na vaanglian ziam! Na thuciamte thumaan takin na len hi. Assyria kumpite ii kote hong nencip hun pan kipan, tu dong ciang ngawngawn bangzata ngimna thuak khu ziam! Koma ii kumpite, lampuite, thiampite le kamsaangte, taanghpupite le mite theampo in ngimna thuak uh hi. Bangzata ngim nga zo khu ziam hong phawk ta'n!

Psalm Late 145:3

Topa sia lian ahikom, nasia takin pok tu ahi hi; ama ii letna in tel zawk ahi bua hi.

Psalm Late 147:5

A lian a thakho sia eite Topa hi; ama ciimna in kitee thei ngawl hi.

Psalm Late 35:10

Topa tungah “Nang bang ahi kuama om ngawl hi; a hatte khut sung pan a thazawmte na sungsia a, a zawngte sia a zothawte khut sung pan na hung hi” ka thin theampo taw ka ci tu hi.

Psalm Late 48:1

Topa sia lian a, ih Pathian khuapi sung le a mual thiangtho tungah nasia takin pok tu ahi hi.

Psalm Late 96:4

Topa sia lian a, nasia tatakin pok tu ahi hi; pathian dang theampo sangin ama vaang piak zawk tu ahi hi.

Pusuana 15:11

“Topa awng, pathiante sung pan akua in nang taw kibang ziam? Nang taw a kibang, a thiangtho, a lamdang akua om ziam? Akua in nangma aa bangin nalamdang laknate le a nasia sepnate seam thei ziam?

Pusuana 8:10

Kumpipa in, “Zing ciangin thu hong ngetsak ta'n,” ci in zo hi. Moses in, “Nong sawl bangin ka seam tu a, tuaciang kote Pathian Topa taw a kibang pathian dang a om ngawl hunlam he tu ni hi.

Pusuana 9:14

Leitung theampo ah keima taw kibang khat beak a om ngawl hunlam na heak natu in tu tungin na uliante le na mihingte bek daan pia ngawlin nangma zongh daan kong pia tu hi.

Isaiah 12:6

Zion ah a teang mi theampo au in lasa tahen! Israel te ii a thiangtho Pathian sia lian a, ama in a mite sungah teang hi.”

Isaiah 40:18

Pathian sia akua taw kitee ngat thei tu ziam? Ama sia bang taw kibang hi ci in bangbang na son thei tu uh ziam?

Isaiah 40:25

A thiangtho Pathian sia akua taw kitee ngat thei tu ziam? Ama taw a kibang akua dang om ziam?

Isaiah 46:5

“Akua taw hong tee ngat tu nu ziam?” Topa in ci hi. “Kei taw a kibang akua dang om ziam?

Isaiah 46:9

Nidang lai a, a piang thute phawk vun; keima bekma Pathian hi a, kei taw a kibang kuama dang om ngawl a hina thu phawk tavun.

Jeremiah 10:16

Jacob ii Pathian sia amate bang hi ngawl hi; ama in na theampo a vawt pa hi a, ama mi tatak tu in Israel mite teal zo hi. Ama min sia Vaanglianbelpa, Topa ahi hi.

Jeremiah 32:18

Mihing tul tampi te tungah tawntung itna na lak zo a, ahihang a nu a pate ii mawna khialnate hu in mihingte daan na pia si hi. Nangma in a lian, a vaang nei Pathian na hi a; Vaanglianbelpa Topa na hi hi.

Daniel 4:3

“Pathian ii eite hong lak nalamdangte lian lawlawm hi! A vawt nalamdang laknate vaang nei lawlawm hi! Pathian sia a tawntungin kumpi hi a; ama in a tawntungin uk tu hi.

Daniel 4:34

Kumpipa in, “Kum sali a cin zawkciang van ka ento a, ka thin hong ciim kik hi. Lianbel Pathian ka pok a, a nungta tawntung pa khat tungah zatakna le minthanna ka pia hi. “Ama in a tawntungin uk tu a, a kumpi ngam sia kip tawntung tu hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

1 Corinth te 8:6

eite atu in Pa ahi Pathian khat bek om hi, ama sia na theampo a Bitphuapa hi a, ama atu in eite a nungta ih hi hi; tuaciangin Topa khat bek ahi Jesus Christ om a, ama tungtawnin na theampo kibitphua a, ama tungtawnin eite ih nungta hi.

Thuhil kikna 32:31

A ngalte in amate ii pathiante thazawm a, a thahat Israel te ii Pathian taw a kiban ngawlna thu he uh hi.

Thuhil kikna 33:26

Israel mite awng, noma hong hu tu in meei tungah a to, a vaangletna taw van kaantan in a pai Noma ii Pathian taw a kibang pathian peuma om ngawl hi.