Jeremiah 10:4 - Syin Chin Bible

⁴ ngunn le khamh taw zeam hi. A puk ngawl natu in thikpim taw kilh hi.

Jeremiah 10:4 Iomraidhean Croise

Psalm Late 115:4

Amate ii pathiante sia ngunn le khamh taw kivawt a, mihing khutte taw kivawt hi.

Psalm Late 135:15

Tua minamte ii pathiante sia mihingte ii khut taw a vawt tawm khamh le ngunn taw a kivawtte ahi hi.

Isaiah 44:12

Thik seakpa in thikbek khat la in meikam tungah pum taw zaap hi. Ama ii a thahat khut taw ama dei bang lim a sua natu in, sek vikin seak hi. Ama in na a sep ciang, ngilkial dangtaak in toi hi.

Isaiah 46:6

Mihingte in a dangka ipte hongin khamhte suakeak hi; khaikhin taw ngunnte tee uh hi. Amate in pathian khat vawt tu in khamh seak khat cial hi; tuaciang amate kunin tuasia bia uh hi!

Isaiah 46:7

Amate in a liangko tungah suanhto in pua uh hi; Ama ii a om natu munah koi in, tualai ah om a, tua mun pan koima dangah kin thei ngawl hi. Khat pawpo in ama tungah thungen le ama in zo thei ngawlin, ahibuale tuasiatna panin ngum thei ngawl hi.

Hosea 13:2

Mihing ngaisutna le mihing khut taw a suai ngunn milimte — thik milimte a biak tu in a vawtna taw amate maw thua seseam uh hi. Tuasia zawk ciang amate in, “Tuate tungah sangaw biakpiakna pia vun!” ci hi. Bangbangin akua in tua milimte — khuital lim a, a kivawtte — namh thei tu ziam!

Habakkuk 2:19

Nang a lal na hi zo hi! Thingbek khat tungah “Khanglo in!” tua ahibuale suangtum khat tungah “Tho in!” ci ni hi. Milim in na khat pawpo hong lak thei ziam? Khamh le ngunn taw kituam tha tu hi, ahizong a sungah nuntakna om ngawl hi.