Jeremiah 10:3 - Syin Chin Bible

³ Hi mite ii biakna sia mannung ngawl hi. Duisung ah thingkung khat kiphuk a; tua sia thingngel thiampa in a hiamh zakte taw sui in

Jeremiah 10:3 Iomraidhean Croise

Psalm Late 115:4

Amate ii pathiante sia ngunn le khamh taw kivawt a, mihing khutte taw kivawt hi.

Isaiah 45:20

Topa in, “Ngam tuatuam pan mite awng, a lal kumpi ngamlian pan a suakta mite theampo awng, hong pai tek tavun; thu sit thuak tu in noma na ki aap vun! A thing milimte taw thuangsia khawmin amate a ngum thei ngawl pathian tungah thungen mite — tua mite in bangma heak nei ngawl uh hi!

Jeremiah 1:16

Keima in ka mite daan ka pia tu hi, banghang ziam cile amate in mawna khialna vawt zo uh hi; amate in kei hong nusia zo uh a, pathian dangte tungah biakpiakna pia in, milim vawtin bia uh hi.

Jeremiah 10:8

Amate theampo ngoai in mawmaw uh hi. Thing taw kivawt milimte kung pan amate in bang sin thei tu ziam?

Jeremiah 14:22

Minamte ii milimte in nguazusak thei ngawl hi; van in ama ii thu taw nguazusak thei ngawl hi. Topa kote Pathian awng, hite a vawt pa nangma na hikom nang sungah lametna kong nei uh hi.

Jeremiah 16:19

Topa awng, nangma in kei hong dal a thahatna hong pia pa na hi hi; ka ngim nga laitakin nong hu hi. Leimong panin minamte nang kungah hong pai tu uh a, “Ka taanghpupite in pathian maan ngawlte le kimanna a nei ngawl milimte simngawl bangma dang nei ngawl hi.

Jeremiah 2:5

Topa in: “Na taanghpupite in kei hong langpanin bang hong mawsiat ziam? Kei kung pan amate a puapialsak sia a bang ziam? Amate in a man nei ngawl milimte bia in amate mama a man nei ngawl suak uh hi.

Thiampite 18:30

Tuaciang Topa in, “Kong thupiakte zui in hi ngam le lei ah note mai a teang masate ii ngamtat luheaknate na zui heak vun a, hi bang khat pawpo vawtna taw na kininsak heak vun. Keima in Topa note ii Pathian ka hi hi,” ci hi.

Matthew 6:7

“Thu na nget uh ciangin, doai biate bangin, khiakna nei ngawl kammal tam mamate zangh heak vun, amate in thunget sau thethei a zak uh ciangin, a pathiante in za tuan tu in um uh hi.

Sawltakte 19:26

Tu in hi Paul a ci sia pa ii ngamtatna babang noma tek in mu thei a, za thei nu hi. Ama in khut taw vawttawm pathian in pathian hi peuma ngawl hi ci a, hi sung Ephesus khua le Asia ngamkhen bup phialma ah mihing tam tatak umsak zo hi.

Romete 1:21

Amate in Pathian he ahihang a upat tu bangin upat ngawl uh a, ama tungah lungdam a ko tu bangin ko ngawl uh hi. Amate khua ngaisutna mannung mama ngawl a, amate thinsung hawmin, khuazing taw kidim hi.

1 Peter 1:18

Banghang ziam cile na taanghpupite pan na luasuk uh, a mannung ngawl nuntakzia pan na suatak natu in, note bang taw hong tan ci thu na he uh hi. Ngunn le khamh bangin a kisia thei thilte taw hong kilei hi ngawl hi;