Jeremiah 10:16 - Syin Chin Bible

¹⁶ Jacob ii Pathian sia amate bang hi ngawl hi; ama in na theampo a vawt pa hi a, ama mi tatak tu in Israel mite teal zo hi. Ama min sia Vaanglianbelpa, Topa ahi hi.

Jeremiah 10:16 Iomraidhean Croise

Psalm Late 119:57

Topa awng, ka dei theampo sia nangma na hi hi; na thukhamte zui tu in kong kamciam hi.

Psalm Late 135:4

Ama in ama atu in Jacob teal a, ama aituam tu in Israel mite teal hi.

Psalm Late 142:5

Topa awng, nang tungah hu ngenin kong au hi; Topa, nangma in kei hong dalpa na hi hi; hi nuntakna sungah ka dei theampo kicinna in nangma na hi hi.

Psalm Late 33:6

Topa in a thupiakna taw vantungte bitphua hi, ni, tha le aksite a kammal taw piangsak hi.

Psalm Late 73:26

Ka khua ngaisutna le ka pumpi thazawm tu hi. Ahihang Pathian sia ka thahatna hi; a tawntungin ka kisap sia ama bekma ahi hi.

Psalm Late 74:2

Khuangei lai pek a, nangma mama atu na tealsa mihingte phawk in, saltanna sung pan nangma minam tu a, na tat sate phawk in. Khatvei lai a, na teenna mun Zion Mual sia phawk in.

Pusuana 19:5

Tu in ka thu hong ni in ka thuciamnate na zui uh le keima aituam mite hi tu nu hi. Leitung buppi keima aa hi a, ahizong note sia keima tealtuam mite na hi tu uh hi,

Pusuana 34:9

Ama in, “Topa awng, kei tungah nong lungkim takpi ahile kote taw hong paikhawm ta'n. Hi mihingte thinpui hi, ahizong kote siatna le mawna hong maisak ta'n a, nangma aituam mihing in hong saang ta'n,” ci hi.

Paunakte 16:4

Topa vawt sa khat simin a tawp natu khat tek om hi; a seksolte tawp natu sia lalna ahi hi.

Isaiah 19:25

Vaanglianbelpa Topa in amate thupha pia in, “Ka mi Egypt te awng; no kong bitphua sa Assyria te awng; tuaciang no kong teal mi Israel te awng, thupha kong pia tu hi,” a ci hi.

Isaiah 45:7

Keima in khuavak le khuazing ka bitphua khawm hi; thupha le tuasiatna ka puak khawm hi. Topa ahi, keima in hite theampo ka vawt hi.

Isaiah 47:4

Israel te ii a thiangtho Pathian in eite hong suaktasak a — Ama min sia Vaanglianbelpa Topa ahi hi.

Isaiah 47:6

Ka mite tungah ka thin uuk hi; ka mi in ka tuat nawn bua hi: Nangma khut sungah amate kong aap a, amate na hesuak bua hi; Khanghaamte ngawngawn na vawtsia hi.

Isaiah 51:15

“Keima in Topa na Pathian ka hi hi; tuipi saukeak in a tuihualte ka hawksak hi. Keima min sia Vaanglianbelpa Topa ahi hi!

Isaiah 54:5

Nangma hong bitphuapa in na pasal bang hong hi tu a — ama min sia Vaanglianbelpa Topa ahi hi. Israel te ii a thiangtho Pathian in nang hong ngum tu a — ama in leitung theampo a ukpa ahi hi.

Jeremiah 10:12

Topa in a vaangletna taw leitung vawt a; a ciimna taw leitung bitphua in vantungte zalh hi.

Jeremiah 10:6

Topa awng, nang taw a kibang kuama om ngawl hi; nang na thahat a, na min lian in vaang nei hi.

Jeremiah 31:35

Topa in sunin khuavaksak tu in ni hong pia a, zan in a taang tu in tha le aksite hong pia hi. Ama in tuipi kiloksak in hawksak hi; ama ii min sia Vaanglianbelpa Topa ahi hi.

Jeremiah 32:18

Mihing tul tampi te tungah tawntung itna na lak zo a, ahihang a nu a pate ii mawna khialnate hu in mihingte daan na pia si hi. Nangma in a lian, a vaang nei Pathian na hi a; Vaanglianbelpa Topa na hi hi.

Jeremiah 33:2

Leitung a vawt, a piangsak le a omna munah a koi Topa in keima hong paupui hi. A min Topa a kici, ama in,

Jeremiah 46:18

Vaanglianbelpa Topa Keima sia kumpipa ka hi hi. A nungta Pathian ka hi hi. Mual dangte sangin Tabor mual a saan zawk bangin, Carmel mual sia tuipi tungah dawk to in a saan bangma in, No hong sim sia pa ii thahatna zongh lian tu hi.

Jeremiah 50:34

Ahihang amate a suatak tu pa sia thahat a — ama min sia Vaanglianbelpa Topa ahi hi. Ama mama in amate vai teng vaansak tu a, leitung ah kilemna thengsak tu hi, ahihang Babylon mite tungah ngimna thengsak tu hi,” ci hi.

Jeremiah 51:19

Jacob ii Pathian sia amate bang hi ngawl hi; Ama sia na theampo a vawtpa hi a, ama mi tatak tu in Israel teal zo hi. Ama min sia Vaanglianbelpa Topa ahi hi.

Kaa late 3:24

Topa bekma ka nei hi a, ama tung bek ah ka lametna ka koi hi.

Amos 4:13

Pathian in mualte a vawt pa le vuite a bitphuapa ahi hi. Ama in a ngaisutnate mihing in hesak hi; ama in sun sia zan suaksak hi. Ama in leitung saangnate tungah vak hi. Hisia ama min hi: Vaanglianbelpa Topa Pathian ahi hi!

Zechariah 2:12

Judah mite khatvei ma ama ngam thiangtho sungah Topa ii nei tuam hong hi kik tu a, Jerusalem khua sia ama itbel khuapi hong hi kik tu hi.

Thuhil kikna 32:9

ahizong Jacob suan le paalte sia ama atu in teal hi.