Jeremiah 10:12 - Syin Chin Bible

¹² Topa in a vaangletna taw leitung vawt a; a ciimna taw leitung bitphua in vantungte zalh hi.

Jeremiah 10:12 Iomraidhean Croise

Pianciilna 1:1

A kipatciilin Pathian in vaannuai bup bitphua hi,

Pianciilna 2:5

leitung ah thingkung lopate om ngawl a, thaicii a po zongh om ngawl hi, banghang ziam cile ama in nguazusak ngawl a, lotho tu khat zongh om ngawl hi,

1 Khangtaanghthu 16:26

A dang minam theampote ii pathiante sia milim bekma hi a, ahihang Topa in vantungte bitphua hi.

Job 26:7

Pathian in van saksang teng phalh a, tuaciang leitung sia mun awngpi sungah kaaisak hi.

Job 37:18

Pathian in van zalh in tua sia thik taat sa bang, a sak in a vawt lai, nang hu thei ni ziam?

Job 9:8

Pathian ii vantungte a phalh ciang ahizong tuipi nganhing pui sia ii thibin a totcip ciang ahizong kuama in hu ngawl hi.

Psalm Late 104:2

nangma in puan bangin na silh hi; Nangma le nangma khuavak taw na kituam hi. Vantungte tuipuan buk khat bangin na phalh hi.

Psalm Late 104:24

Topa awng, nangma in na tam mama na vawt zo hi! Ciimna taw tuate theampo na vawt hi! Simlei sia na bitphua nuntakna neite taw kidim hi.

Psalm Late 119:90

Na thumaanna sia khang theampo dong kikhomsuan hi; nangma in simlei sia a om natu munah na nga a, tuabang ma in om top hi.

Psalm Late 24:2

Ama in tuipi taw ah, inn tawdap pha a, leinuai tuithukpite tungah sa hi.

Psalm Late 33:6

Topa in a thupiakna taw vantungte bitphua hi, ni, tha le aksite a kammal taw piangsak hi.

Psalm Late 65:7

Nangma in tuipite hawkna le tui kihual ngingte na thimsak hi; nangma in mihingte ii ngamlumna na thimsak hi.

Psalm Late 78:69

Ama in vantung a om a inn taw a kibang Biakinn sia tua munah sa hi; A tawntung a kho tu in tuasia leitung taw ma kibangin ama in kipsak hi.

Psalm Late 93:1

Topa in kumpipa hi. Ama in uk zawkna le thahatna sia puan bangin silh hi. Leitung sia a omna munah kho takin kiphut a, kikhiin thei ngawl hi.

Paunakte 3:19

Topa in simlei sia ama ciimna taw bitphua hi; ama heakna taw van sia a omna munah koi hi.

Paunakte 30:4

Akua in vantung thu heaknate a cingin nei ngei ziam? A kua in vui sia, a khut sungah man ngei ziam? Tua ahibuale tui sia puanbek taw tun ngei ziam? Tua ahibuale leitung ngamngite phut ngei ziam? Na he le, ama akua ziam? Ama ii tapa sia akua ziam?

Isaiah 37:16

“Cherubim tungah a to, Vaanglianbelpa Topa Israel ii Pathian awng, nangma bekma Pathian hi a, leitung kumpi ngam theampo na uk hi. Nangma in lei le van na bitphua hi.

Isaiah 40:22

Tuasia in van kalh ah a om leitung ii tungsia ama kumpi tokhum tungah a to pa ii vawt sa ahi hi; a nuai ah om mite sia mitsa nocik bang ahi hi. Puan dalna khat a kikhak bang le a sungah teen natu in puanbuk khat a kiphal bangin Ama in van a phalh hi.

Isaiah 42:5

Pathian in vantungte bitphua in, phalhkeak hi; ama in leitung le leitung ah a teangte theampo vawt hi; leitung mite theampo tungah nuntakna le husanna pia hi. Tuaciang tu in, Topa Pathian in a naseampa tungah,

Isaiah 44:24

“Keima in Topa, nang hong ngumpa ka hi hi. Keima in nang hong bitphuapa ka hi hi. Keima in Topa, na theampo A bitphuapa ka hi hi. Keima nguakin vantungte ka zalhkeak hi; leitung ka vawt lai in, kuama in kei hong hu ngawl hi.

Isaiah 45:12

Keima in leitung a vawtpa le tua tungah a teang tu minam a bitphuapa ka hi hi. Ka vaangletna taw vantungte ka phalhkeak a; ni, tha le aksite ka uk hi.

Isaiah 45:18

Topa in vantungte bitphua a — ama sia Pathian ahi hi! Ama in leitung lemh in vawt a — a kip a kho suaksak hi. Ama in leitung a awngthong ngamkol khatin vawt ngawl a, mihing teenna mun tu in piangsak hi. “Keima in Topa ka hi a, Pathian dang om ngawl hi,

Isaiah 48:13

Leitung tawdapte sia ka khut taw ka vawt a, vantungte ka phalhkeak hi. Lei le van ka sap ciang, thakhat thu in hong pai in ka mai ah ding uh hi.

Isaiah 49:8

Topa in a mite tungah, “Note ngup tu hun hong thet ciang, maipha kong pia tu a, hu ngenin nong auna awte kong zo tu hi. Note kong cing kong keam tu a, note tungtawnin mite theampo taw thuciamna khat ka vawt tu hi. Tu laitakin a tulsa ngam sungah, note khatvei kong teangsak kik tu hi.

Jeremiah 10:13

Ama ii thupiakna taw in van ii tungsia ah a om tuite hawk hi; ama in leimong panin meeite hong paipui hi. Ama in nguatui sungah khualeng sakin a vanh kholna sung panin vuivasak hi.

Jeremiah 10:16

Jacob ii Pathian sia amate bang hi ngawl hi; ama in na theampo a vawt pa hi a, ama mi tatak tu in Israel mite teal zo hi. Ama min sia Vaanglianbelpa, Topa ahi hi.

Jeremiah 14:22

Minamte ii milimte in nguazusak thei ngawl hi; van in ama ii thu taw nguazusak thei ngawl hi. Topa kote Pathian awng, hite a vawt pa nangma na hikom nang sungah lametna kong nei uh hi.

Jeremiah 27:5

“Ka vaangletna le ka thahatna taw in leitung mihing nam le leitung ah a teang nganhingte theampo ka bitphua a; tuate sia ka piak nop pawpo tungah ka pia hi.

Jeremiah 32:17

“Vaanglianpipa Topa awng, nangma in lei le van sia na vaangletna le na thahatna taw na vawt hi; nang atu in a haksa lei bangma om ngawl hi.

Zechariah 12:1

Hi thupuak in Israel taw kisai vante a phalh, lei a bitphua, mihing nuntakna a pia Topa tung pan ahi hi. Ama in,

John 1:3

Ama tungtawnin Pathian in na theampo piangsak hi; a kibitphua theampo ama ngawl taw a kipiangsak na khat beak a om bua hi.

Colossae te 1:16

Banghang ziam cile vantung leitung na theampo, a kimu thei le a kimu maw nate thaa taw kisai vaangletna neite, tote, a ukte le thuneite theampo sia ama tungtawnin Pathian in bitphua hi. Pathian in ama tungtawnin vaannuai buppi ama atu in bitphua hi.