Jeremiah 1:6 - Syin Chin Bible

⁶ “Vaanglianpipa Topa awng, kei thusonzia tu he bong; moi lei lai ing,” ci in ka zo hi.

Jeremiah 1:6 Iomraidhean Croise

Pusuana 4:1

Tuasia ciang Moses in Topa tungah, “Ahizong Israel te in kei hong um ngawlin ka thuson hong ngai ngawl tu ci tawng. Amate in nang tungah Topa hong kilangh ngawl hi, hong ci thong le bangbang hi tu khi ziam?” ci in zo hi.

Pusuana 6:12

Ahizong Moses in, “Israel te ngawngawn zongh in ka thuson hong ngai ngawl tu ci leang bangbangin kumpipa in hong ngai tu ziam? Kampau thiam ngawl mama pa ka hi hi,” ci kik hi.

Pusuana 6:30

Ahizong Moses in, “Nong heak bangin kampau ka thiam bua hi; banghangin kumpipa in ka thuson hong ngai thong tu ziam?” ci in zo hi.

Isaiah 6:5

Keima in, “Kei atu bangma lam et om ngawl hi! Kei a lal hi ing, banghang ziam cile ka muk pan a pusuak kammal sim sia mawna veu hi a, a kampau sim mawna veu ahi mite sungah ka teang hi. Tuabang teng ahitazong, Kumpipa, Vaanglianbelpa Topa sia ka mittang vateak taw ma in ka mu zo hi,” ka ci hi.

Jeremiah 14:13

Tuaciang keima in, “Vaanglianpipa Topa awng, kamsaangte ii hi ngam ah ngal kidona ahibuale kialpi tunna om ngawl tu hi, banghang ziam cile nangma in ih ngam sungah kilemna bek om tu in hong kamciam ci in mipite tungah a son sia na he hi,” ka ci hi.

Jeremiah 32:17

“Vaanglianpipa Topa awng, nangma in lei le van sia na vaangletna le na thahatna taw na vawt hi; nang atu in a haksa lei bangma om ngawl hi.

Jeremiah 34:6

Tuaciang hi thu sia Jerusalem khua sung Zedekiah kumpipa kungah ka puak hi,

Jeremiah 4:10

Tuasia ciang keima in, “Vaanglianpipa Topa awng, Jerusalem mite theam vawk zo ni hi! Kilemna om tu hi ci zo ni hi, ahihang amate ii longtawl ah namsau khat na tuuk nginge hi,” ka ci hi.

Ezekiel 4:14

Ahihang ka zo kik a, “Vaanglianpipa Topa awng, hi ngawl hi, tuabang hong hisak heak in! Bangma hun in keima le keima kininsak ngeingawl khi hi. Ka no a kipan, ama thu in a thi thawthong nganhing sa ahibuale ngamsate thalup peuma ii sa ka ne ngei bua hi. A nin in a kingaisun an peuma ne ngawl khi hi,” ka ci hi.

Zechariah 2:4

A masa sia in a dang khat sia munah, “Zia sung a pikhau toai khangmoipa kungah va tai ta'n a, Jerusalem ah mihing le ngannote tam leilam tu ahiciang luphung taw uum tu in lian lei tu hi.