Jeremiah 1:18 - Syin Chin Bible

^18-19 Jeremiah awng, ngai in! Hi ngam sungah om mihing theampo — Judah kumpite, uliante, thiampite le mipite — in nang hong langpan tu uh hi. Ahihang tuni in amate na nalh zawk natu in thahatna kong pia tu hi; nangma in kulh taw a ki uum khuapi khat bang, thik khuam khat bang le taau luphung khat bang na hi tu hi. Amate in nang hong zo ngawl tu uh hi, banghang ziam cile nang hong dal tu in kong ompui tu hi. Topa keima in ka son zo hi,” hong ci hi.

Jeremiah 1:18 Iomraidhean Croise

Isaiah 50:7

Ahihang amate ii hong selnonate in kei bangma hong tatsak zo ngawl hi, banghang ziam cile Vaanglianpipa Topa in kei hong hu hi. Hong selnonate ka thuak tenton hi. Kei hong kimaimawlsak ngawl tu cisia ka he hi,

Jeremiah 1:17

Jeremiah awng, kithoai in; va pai ta'n a, amate na son tu a kong thupiak theampo va son ta'n. Tu in amate kiita heak in, na kiita ahile amate taw na omkhop ciang kong kiitasak vaial tu hi.

Jeremiah 15:10

A lungdam ngawl pa sia keima ka hi hi! Banghangin ka nu in leitung ah kei hong hing ziam? Ngam sungah mihing theampo taw kihau in thu kinial tu ka hi thong hi. Sum ka pukthaak bua a sum ka pu bua hi; tua hi napi ngual theampo in kei hong haamsiat veve hi.

Jeremiah 15:20

Hi mite taw na kizopna ah taau ciitak taw a kivawt khua uumna dal taw kong kibang sak tu hi. Amate in nang hong sim uh hangin hong zo buatu hi. Nang hong dal tu le hong keamcing tu in nang taw kong omkhawm tu hi.

Jeremiah 20:11

Ahihang Topa awng, nangma in keima sangah nong pang a, na thahat in na vaanglian hi, Kei hong vawtsiate sia ngallel tu uh hi. Amate a min kipaansak tawntung tu uh hi, banghang ziam cile amate taangtun zo ngawl hi. Amate ii minpaanna sia kimangil ngeingawl tu hi.

Jeremiah 21:4

Topa Israel ii Pathian in hi bangin a ci teng Zedekiah tungah son kik in ka sawl hi, “Zedekiah awng, Babylon kumpipa le a ngalkaphonpi a sim, na ngalkapte ka zo tu hi. Na ngalkapte ii ngalhiamte khuapi laizang ah ka seng tu hi.

Jeremiah 26:24

Ahihang keima sia Shaphan ii tapa Ahikam in hong panpui ahikom thalup tu in mipite khut sungah thalup tu hong ki aap ngawl hi.

Jeremiah 34:3

Na suakta buatu hi; hong kiman tu a, ama tungah hong ki aap tu hi. Nangma in ama na mu tu a, maitang kisi in na paupui tu hi, tua zawkciang Babylon ah na pai tu hi.

Jeremiah 37:7

Zedekiah tungah son tu in hi bangin keima hong sawl hi, “Egypt ngalkaphonpi sia nangma hong hu tu in hong pai a, ahihang a ngam ah heak kik tu uh hi.

Jeremiah 38:18

Ahihang na tum bua le, hi khuapi sia Babylon te khut sungah ki aap tu a, amate in haltum in amate ii khut sung panin na suakta buatu hi,” a ci teng ka son hi.

Jeremiah 38:2

Topa in, “Khuapi sungah a om suak peuma ngal taw ahibuale kialpi taw, ahibuale natna taw in thi tu uh hi. Ahihang pusuak in Babylon te khut sungah a tum pawpo kithatlum ngawl tu a; a nuntakna beak peuma suatak tu hi, ci hi,” ci a ka son sia za uh hi.

Jeremiah 42:22

Tua ahikom, hi thu ciamtee vun: noma pai nopna le ten nopna ngam ah ngal ahibuale ngilkialna, ahi buale natna taw in na thi tu uh hi,” ci in ka son hi.

Jeremiah 6:27

Jeremiah awng, leisung sumpiang na sit tu bangin, ka mihingte sit in a, amate bang taw kibang ziam cisia telthiang in.

John 1:42

Tua zawkciang ama in Jesus kungah Simon paipui hi. Jesus in ama en in, “Na min sia Simon hi a, John ii tapa ni hi, ahihang nang sia Cephas hong kina tu hi,” ci hi. (Cephas ii khiakna sia Peter ma hi a, “suangpi khat” a cinopna hi.)

Thupualaakna 3:12

A zo pa sia ka Pathian biakinn khuam ka suaksak tu a, ama in a nusia ngei buatu hi. Ama tungah ka Pathian min le ka Pathian kung vantung pan hong tuaksuk tu Pathian ii khuapi min ahi Jerusalem khuathak ii min ka at tu hi. Ama tungah ka minthak zongh ka at tu hi.