Jeremiah 1:16 - Syin Chin Bible

¹⁶ Keima in ka mite daan ka pia tu hi, banghang ziam cile amate in mawna khialna vawt zo uh hi; amate in kei hong nusia zo uh a, pathian dangte tungah biakpiakna pia in, milim vawtin bia uh hi.

Jeremiah 1:16 Iomraidhean Croise

2 Kumpite 22:17

Amate in kei hong nial a, tuaciang pathian dangte tungah sangaw biakpiakna pia zo hi, tua ahikom amate ii sep le vawt theampo in ka thin uukna piangsak hi. Ka thin uukna sia Jerusalem tungah tu hi, tuaciang tua ka thin uukna sia veng ngawl tu hi.

2 Khangtaanghthu 15:2

tuaciang, Azariah sia Asa kumpipa taw kimu tu in pai hi. Ama in, “Asa kumpipa, no Judah mite le Benjamin mite awng, hong ngai tavun! Topa na bel uh laiteng ama in hong ompui tu hi. Ama na zong uh le ama hong musak tu a, ahizong na nungngat uh le ama in hong nusia tu hi.

2 Khangtaanghthu 28:2

Israel kumpite ngamtatna zui zaw hi. Ama in thik taw Baal milimte vawtsak a,

2 Khangtaanghthu 34:25

Amate in kei hong nial a, pathian dangte tungah sangaw biakpiaknate pia ahikom a ngamtatna theampo panin ka thin uukna piang hi. Ka thin uukna sia Jerusalem tungah tu hi, tuaciang tua sia veng ngawl tu hi.

2 Khangtaanghthu 7:19

Ahihang nangma le na mite in nangma tungah kong piak thukhamte le thupiakte zui ngawlin pathian dangte na bia uh le,

Isaiah 2:8

Amate ngam sia milimte taw kidim a, amate khut taw a vawt tawm uhte ma amate in bia uh hi.

Isaiah 37:19

a pathiante — tuate sia pathian tatak hi ngawl het a, khut taw a vawttawm thing le suang po ii limte bek ahi a pathiante a haltumsak sia ka he siat uh hi.

Isaiah 44:15

Mihing khat in thingkung khat sia thingthu tu le milim vawt natu in zangh hi. Ama in thing khen khat sia a meilum oai tu le anluum em natu in zangh hi; khen khat taw pathian vawtin bia hi.

Isaiah 65:3

Amate maizum maw in ka thin hong uuksak tan lai hi. Huan thiangthote sungah amate in doai biakpiakna te vawtin doai biaknataute tungah ngimnamtui hal uh hi.

Jeremiah 10:15

Tuate sia mannung ngawlin kinomu tu hi; Amate thukhenin Topa hong pai ciang amate kisusia tu hi.

Jeremiah 10:3

Hi mite ii biakna sia mannung ngawl hi. Duisung ah thingkung khat kiphuk a; tua sia thingngel thiampa in a hiamh zakte taw sui in

Jeremiah 11:12

Tuasia ciang Judah mite le Jerusalem khua mite sia a piakkhiatna taw a biak a pathiante kungah pai tu a, huna ngenin kap tu uh hi. Ahihang tua pathiante in hi siatna hun a thet ciang amate hun ngawl tu hi.

Jeremiah 11:17

“Keima, Vaanglianbelpa Topa in Israel le Judah ka phut hi; ahihang tu in kong tuasiasak tu hi ci in ka tawng hi. Hi siatna sia amate tungah amate ma in a tungsak ahi hi, banghang ziam cile amate in khialna vawt uh hi; Baal tungah biakpiakna a piak hu in amate in kei hong thin uuksak hi,” ci hi.

Jeremiah 15:6

No, mihingte in kei nong nial zo uh a; nong nungngat zo uh hi, ka thin uukna ka iip na in toi zo ka hikom ka khut zalh in kong susia hi.

Jeremiah 16:11

Tuasia ciang Topa ii hi bangin a ci sia amate tungah va son ta'n hong ci hi, ‘Na taanghpupite in kei kung pan puapial a ngamdang pathiante bia in a na seam uh hi. Amate in kei hong nusia a ka hil thute ni ngawl uh hi.

Jeremiah 17:13

Topa awng, nangma in Israel mite ii lam et pa na hi a; nang hong nusia mihingte theampo a mai uh kizumsak tu hi. Amate sia leivui sungah min ki at te bangin bomang tu uh hi, banghang ziam cile amate in ciktui thiangtho ahi Topa nangma, hong nusiat hang ahi hi.

Jeremiah 18:15

Ahihang ka mite in kei hong mangil zo uh a; milimte kungah ngimnamtui hal uh hi. A tot natu lampi ah lutu zo a, lamluite zui nawn ngawl hi; a kisial ngawl lamzinte tawn uh hi.

Jeremiah 19:4

Hi bangin ka vawt tu hi, banghang ziam cile mihingte in kei hong nusia zo uh a, hi mun sia pathian dangte biakpiakna taw in ninsak zo uh hi — tua pathiante sia amate, a taanghpupite, Judah kumpite ii a thu a heak ngeingawl pathiante ahi uh hi. Amate in hi mun sia a mawbaang ngawl mihingte ii chi taw kidimsak uh hi,

Jeremiah 2:13

banghang ziam cile ka mite in mawna khialna nam nii vawt zo uh hi; amate in a thiangtho ciktui, keima kung pan puapial zo uh hi, tuaciang amate in tui a cing thei vet ngawl a kektham tuikhukte to uh hi.

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 2:28

“Noma atu na vawt sa uh pathiante koisungah om ziam? Ngimna na thuak uh ciang amate in hunsak ve vun — amate in hi thei ahile! Judah awng, khuapi na neiza ma in pathian tam mama na nei uh hi.

Jeremiah 4:12

Topa ii sawlna taw a va vui sia tuasia sangin thahat zaw tu hi! A mite tungah thukhenna a pia sia Topa ama mama ahi hi.

Jeremiah 4:28

Leitung sia naangin kap tu a; van sia zing vanuai tu hi. Topa ii sonsa hi a, a thin kheal kik ngawl tu hi. Ama in a khensat sa hi a, kheal kik ngawl tu hi.

Jeremiah 44:17

Vawt tu ka cite theampo ka vawt tu uh hi. Koma le ka taanghpupite, kumpipa le lampuite in Judah ngam khuate le Jerusalem khua lampite ah ka vawt ngei uh bangma in, kote numeipathian Vantung Kumpinu tungah sangaw biakpiakna pia in, ama tungah biakpiakna sapittui ka buak tu uh hi. Tuasia ciang an hau in, nuamsa in, ngimna ka nei bua uh hi.

Jeremiah 5:29

“Tua ahikom, keima Topa in, hi thute hangin amate daan ka pia tu hi; hi minam tungah phu ka la tu hi.

Jeremiah 5:9

Hi thute hangin amate daan pia ngawl, hi bang minam tungah phula ngawl tu khi ziam?

Jeremiah 51:17

Hisia a mu uh ciang, mihingte khuaphawk ngawlin mawmaw kisa uh hi; Milim a vawtte a thinkiam uh hi, banghang ziam cile amate ii vawt pathiante sia, a maan hi ngawl a, nuntakna nei ngawl hi.

Jeremiah 7:17

Amate in Judah ngam khuapite sung le Jerusalem khua lampite ah bang teng vawt ci sia mu ngawl ni ziam?

Jeremiah 7:18

Patangte in thing tomin, pasalte in meithut a, numeite in Vantung Kumpi nu a ci uh numeipathian atu in moh beang, moh em in om uh hi. Ka thin nat natu in, amate in pathian dangte tungah biakpiakna in sapittui buak si uh hi.

Jeremiah 7:9

Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Ezekiel 16:18

A kizeam puan kong piakte sia tua milimte na silhsak a, olive le ngimnamtui kong piakte milimte na pia hi.

Ezekiel 24:14

Keima, Vaanglianpipa Topa in ka son zo hi. Ka dian tu hun hong theng zo hi. Na maw na khialnate ka koithong buatu hi, ahibuale hesuakna ahizong, mulkimna ahizong kong nei buatu hi. Na ngamtatna sa tungah nang sia daan hong kipia tu hi.” Vaanglianpipa Topa in son zo hi.

Hosea 11:2

Ahihang ama ka sap a tam vaial ciang hong nungngat san vaial hi. Ka mite in Baal tungah sangaw biakpiakna pia hi; amate in milimte atu in ngimnamtui hal uh hi.

Hosea 8:6

Israel mi khut thiam khat in milim vawt a, tua in pathian khat hi vet ngawl hi! Samaria ah a kibia khamh khuital sia a bebekin kisutham tu hi!

Joel 2:11

Topa in a ngalkaphonpi tungah vanto aw taw thupia hi. A thuni ngalkap honte tam a, thahat hi. Topa ni sia bangza in lauhuai ziam! akua suakta zo tu ziam?

Sawltakte 7:41

Tuasia ciangin, amate in khuital khat ii lim taw a kibang milim khat vawt a, sangaw biakpiakna nei in, amate vawttawm vangiat khat sia upat piakna in poaikhaam uh hi.

Thuhil kikna 28:20

“A sia vawtin Topa na nial uh le, manlang takin na lalcip uh dong ama in tuasiatna, buaina le na sepna theampo ah ngimnate tungsak tu hi.

Thuhil kikna 31:16

Topa in Moses tungah, “Thi pal tu ni hi, na thi zawkciang mihingte kei tungah hong thumaan ngawl tu a, amate taw ka vawt thuciamna sia palsat tu uh hi. Amate in kei hong taisan tu a, a tum natu ngamsung doai biate ii pathiante bia tu uh hi.

Joshua 24:20

Tuaciang ngamdang pathiante ii na seam tu in ama na nusia uh le ama in note hong langpan tu a, daan hong pia tu hi. Nidangin no tungah hong dik hikale ama in note hong mon tu hi,” ci hi.

Thupualaakna 9:20

Hi ngimna liante ii thalup mong a taanglai mihingte in amate khut taw a vawttawm uh nate panin a kikheal kik nuam bua uh hi. Doai biakna tawp ngawlin, khamh, ngunn, taau, suang le thing milim khuamu thei ngawl, khuaza thei ngawl, lampai thei ngawlte a biak uh zongh a kheal bua uh hi.