Jeremiah 1:15 - Syin Chin Bible

¹⁵ banghang ziam cile saksang ah a teang minamte theampo hong pai tu in ka sam hi. Amate ii kumpite in a kumpi tokhumte uh sia Jerusalem kongpite le, luphung kiimkot ah ahizong, Judah khuapi dangte ii kiimkot ah ahizong phut tu uh hi.

Jeremiah 1:15 Iomraidhean Croise

Isaiah 22:7

Lei pha mama Judah kuamte sia siphu ngalleangte taw kidim hi; siphu ngalkapte Jerusalem kongpite mai ah ding uh hi.

Jeremiah 10:22

Ngai vun! Thu khat hong theng zo hi! Saksang ngam khat sungah buaina lian khat om hi; a ngalkaphon in Judah ngam khuapite sia ngiate teenna sennealngam suaksak tu hi,” ci in ka zo hi.

Jeremiah 10:25

Na thin uukna sia nang hong bia ngawl minamte tung le nang hong nial mite tungah tungsak in. Amate in na mite that a; ko hong susia cipin ko ngam a sia sa in nusia uh hi.

Jeremiah 13:20

Jerusalem awng, en in! Na ngalte uh sia saksang pan hong paisuk uh hi! Nangma ii kep tu a hong kipia mihingte, na kiphatsak pui ahi na mite koisungah om ziam?

Jeremiah 25:28

Amate in na khut tung panin hai la nuam ngawlin a dawn nuam bua uh le a dawn nanak uh kul lai tu hi, Vaanglianbelpa Topa in a ci sia amate son in.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 33:10

Topa in, “Mihingte in hi mun sia, mihing zongh nganhing zongh ii teen ngawlna senneal ngam taw kibang hi ci uh hi. Amate ci bang hi peu hi; Judah khuate le Jerusalem khua lampite awngthong a; tua munah mihing zongh nganhing zongh teang ngawl hi. Ahihang hi munte ah,

Jeremiah 34:1

Babylon kumpipa Nebuchadnezzar, ama ngalkaphonpi le amate a hu a khutnuai ah a om minamte theampo ii ngalkapte in Jerusalem le a naina khuate a sim uh lai in Topa in keima hong paupui hi.

Jeremiah 34:22

Keima in thu ka pia tu a, hi khuapi ah amate hong heak kik tu uh hi. Amate in tua khuapi simin la tu a, mei taw haltham tu uh hi. Keima in Judah ngam khuate sia kuama ii teen ngawlna sennealngam khat bang ka suaksak tu hi. Keima, Topa in ka son zo hi,” hong ci hi.

Jeremiah 39:3

(Jerusalem khuapi a kilaak ciang Babylon kumpipa ii uliante theampo hong pai in Kongpi Laita ah mun hong la uh hi. Tuate sungah Nergal Sarezer, Samgar Nebo, Sarsechim le Nergal Sarezer dangkhat kihel hi.)

Jeremiah 4:16

A khuala ngam khat panin ngalte hong paina thu, Jerusalem tungah son tu le minamte kidop natu hilkhol tu in amate hong pai uh hi. Hi ngalte in Judah ngamsung khuapite ausan tu uh a,

Jeremiah 4:6

Zion paina lampi hil vun! Na suatak natu in tai vun! Haisaang heak vun! Topa in saksang panin tuasiatna le suksiatna lian hong puak hi.

Jeremiah 43:10

Tua zawkciang, Vaanglianbelpa Topa Israel ii Pathian, keima in, ka naseam Babylon kumpipa Nebuchadnezzar sia hi munah kong puak tu a, ama in tua na phum suangtumte tungah a kumpi tokhum koi tu hi, a kumpi puanbuk sia tuate ii tung ma ah phalh tu hi, ci sia amate tungah son in.

Jeremiah 44:6

Tua ahikom ka thin uukna le ka thinsona sia Judah ngam khuate le Jerusalem lampite tungah ka buak a, tuate sia mei taw ka hal hi. Tuni a na mu uh bangma in tuate sia a kisiacip in om a, a lipkhaphuai suak hi.

Jeremiah 46:24

Egypt mite sia maizum ngasak a; saksang mite in amate zothal uh hi. Keima, Topa in ka son zo hi,” hong ci hi.

Jeremiah 5:15

Israel mihingte awng, ngam khuala pan no hong sim tu in Topa in minam khat hong paipui hi. Tua minam sia a thahat le taanghlai minam khat hi a, a kam na heak ngawl uh minam khat ahi hi.

Jeremiah 6:22

Topa in, “Saksang ngam khat panin mite hong pai hi; a khuala na pan a thahat ngam khat sia ngal sim tu in kithawthoai hi.

Jeremiah 9:11

Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Kaa late 5:11

Zion Mualtung mama ah koma ii zite hong buansak uh a; Judah ngam khuano theampo ah koma ii tanute zothaw in khialpui uh hi.

Ezekiel 32:30

“Saksang kumpipa tate theampo tua munah om a, Sidon te zongh tua mun ma ah om uh hi. A thahatna in khatvei lai in ngual liinglawngin lausak ngei hi, ahihang tu in amate sia ngalsung a thite taw vunteap at ngawlin mindai in kiphum khawm uh hi. Amate in mithi khua ah a paisukte taw a kibangin mindaina thuak khawm uh hi.

Joel 2:20

Saksang pan hong pai khaumaw honpite ka heam tu a, pawlkhatte sennealngam sungah ka hawlkeak tu hi. A mai dok ngual teng Tuipi Thi sungah, a nung ngual teng Mediterranean tuipi sungah kihawlkeak tu hi. A thisate muat in ui tu hi. Note tungah hong vawtnate hangin tuate ka susia tu hi,

Zechariah 6:6

Siphu vomte ii kai leang sia saksang Babylon zuan tu a, siphu kaangte nitumna sang zuan tu hi, siphu pawl tiptepte thangsang ngam zuan tu uh hi.