Jeremiah 1:14 - Syin Chin Bible

¹⁴ Topa in kei tungah, “Hi ngam sungah a teang mihingte theampo tungah saksang panin tuiso bangin siatna hong tung tu hi,

Jeremiah 1:14 Iomraidhean Croise

Isaiah 14:31

No Philistine khuapi theampo awng, huna ngenin kapin au vun! Na vekpi uh in lauthawngin om vun! Saksang pan ngalkapte hong paina leivui khu sia meei bang hi a — tua ngalkaphon sungah a lauthauh khat zongh om ngawl hi.

Isaiah 41:25

“Nisuana sangah a teang mihing khat ka teal zo hi; saksang pan a sim tu in ama ka puak tu hi. Beal seakpa khat in tungman a totcil bangin, ama in ngamukte sia buan bangin tuanhcil tu hi.

Jeremiah 10:22

Ngai vun! Thu khat hong theng zo hi! Saksang ngam khat sungah buaina lian khat om hi; a ngalkaphon in Judah ngam khuapite sia ngiate teenna sennealngam suaksak tu hi,” ci in ka zo hi.

Jeremiah 11:17

“Keima, Vaanglianbelpa Topa in Israel le Judah ka phut hi; ahihang tu in kong tuasiasak tu hi ci in ka tawng hi. Hi siatna sia amate tungah amate ma in a tungsak ahi hi, banghang ziam cile amate in khialna vawt uh hi; Baal tungah biakpiakna a piak hu in amate in kei hong thin uuksak hi,” ci hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 31:8

Keima in amate saksang pan ka paipui tu a, leimong pan ka kaikhawm tu hi. Mittaw peangbaite, numei naupaaite le nausuak dektakte zongh amate taw hong pai tu uh hi, Amate sia minam lian khatin hong cia kik tu uh hi.

Jeremiah 4:6

Zion paina lampi hil vun! Na suatak natu in tai vun! Haisaang heak vun! Topa in saksang panin tuasiatna le suksiatna lian hong puak hi.

Jeremiah 46:20

Egypt ngam sia saksang panin hong leang thataa ii a pe khuipui limci khat taw kibang hi.

Jeremiah 47:2

Ama in: “En in! Sak sangah tui khang a, nguntui pawm bangin luang tu hi. Tua tuite in leitung le a tungah a om na theampo, khuapite le a sungah a teang mihingte khuum tu hi. Mihingte in hu ngenin au tu uh a; lei tungah om theampo in nasia takin kap tu hi.

Jeremiah 50:41

“Sak sang ngam panin a khuala ah a om a thahat minam khat hong pai hi; kumpi tam mamate ngal do tu in kithoai uh hi.

Jeremiah 50:9

Sak sangah a om ngam thahat pawlkhat ka thawn tu a Babylon ka simsak tu hi. Amate in tua ngam sim tu in a thuangin kingual tu a, zo tu uh hi. Amate sia thal taw muiliim savai thiamte ahi uh hi.

Jeremiah 6:1

Benjamin mite awng, na kihuuk natu uh in tai vun! Jerusalem khua panin kisuatak tavun! Tekoa khua ah lemle tum vun a, Beth Haccherem khua ah kiheaksakna mei thut vun. Tuasiatna le suksiatna sia saksang pan hong pai tu hi.

Jeremiah 6:22

Topa in, “Saksang ngam khat panin mite hong pai hi; a khuala na pan a thahat ngam khat sia ngal sim tu in kithawthoai hi.

Ezekiel 1:4

Khua ka dakto le saksang pan vuipi suangval hong pai ka mu hi. Meeikaai lian pui khat sung pan khualeng vazak a, a kiimkot van taang hi. Khualeng tee vazalna munah taau bang khat taang hi.

Ezekiel 24:3

Hong langpan ka mite munah Keima, Vaanglianpipa Topa ii amate atu ka sonteena sia va son tan: Mei tungah beal suang vun a tua ii sungah tui dimh vun.

Joel 2:20

Saksang pan hong pai khaumaw honpite ka heam tu a, pawlkhatte sennealngam sungah ka hawlkeak tu hi. A mai dok ngual teng Tuipi Thi sungah, a nung ngual teng Mediterranean tuipi sungah kihawlkeak tu hi. A thisate muat in ui tu hi. Note tungah hong vawtnate hangin tuate ka susia tu hi,

Zechariah 6:6

Siphu vomte ii kai leang sia saksang Babylon zuan tu a, siphu kaangte nitumna sang zuan tu hi, siphu pawl tiptepte thangsang ngam zuan tu uh hi.