Jeremiah 1:13 - Syin Chin Bible

¹³ Tua zawkciang Topa in, “A dang bang na mu ziam?” ci in kei hong dongh leleau hi. Keima in, “Sak sangah tuibeal a so khat, hi sangah hong puk dektak khat ka mu hi,” ci in ka zo hi.

Jeremiah 1:13 Iomraidhean Croise

Pianciilna 41:32

Mang nii a kipee in na matna sia Pathian in hi thu kipsak zo a, hai ngawlin tungsak tu cinopna ahi hi.

Isaiah 55:11

Keima pau kammal sia zongh tuabang ma hi tu a — sep tu a ka ngealna bangin taangtung a; ka sawl teng theampo seam tu hi.

Jeremiah 24:3

Tua zawkciang Topa in keima tungah, “Jeremiah awng, bang na mu ziam?” hong ci hi, “Theinga ka mu hi. A phate sia pha mama a, a siate ahile sia leilam ahikom neak thei tu hi ngawl hi,” ci in ka zo hi.

Ezekiel 11:3

Amate in ‘Eite in hai ngawlin innte ih sa kik tu hi. Khuapi sia an huanna beal bang hi a, tuaciangin, ei sia a sungah a omsa taw ih kibang hi. Ahihang tua beal in ei sia meisa panin hong dal hi,’ a ci uh hi.

Ezekiel 11:7

“Tua ahikom hisia Keima Vaanglianpipa Topa in nangma tungah kong son hi. Hi khuapi sia an huanna beal hi takpi hi, ahihang tua sa sia bang sa ziam? Na thalup sate ii luangte ahi hi! Hi lai ah om ngawl tu nu hi — Khuapi pua sangah hong vawk tu khi hi!

Ezekiel 12:28

Tua ahikom, amate tungah va son ta'n, Keima, Vaanglianpipa Topa in hi bangin ci zo khi hi: Haisaang nawn ngawl tu hi. Ka sonsate kiseam tu hi. Kei, Vaanglianpipa Topa in son zo khi hi!” hong ci hi.

Amos 8:2

Topa in, “Amos awng, bang mu ni ziam?” ci in hong dongh hi. “Thingnga a dim khum khat” ci in ka zo kik hi. Topa in kei tungah, “Israel ka mite atu in a tawpna hong theng zo hi. Amate daan ka piak tu huvau ka thin ka kheal kik buatu hi.

Zechariah 4:2

“Bang na mu ziam?” ci in hong dongh hi. “Khamh taw a kivawt meivak khuam khat hi. A dawn ah sathau koina kuang khat om hi. Meivak khuam tungah meiinn sali om a, a simin meivakkhau koina nei tek hi.