Jeremiah 1:10 - Syin Chin Bible

¹⁰ Minamte le kumpi ngamte a longhkeak tu le a kaikeak tu, a susia tu le a lawnthal tu, a sa tu le a suan tu in thu neina, tuni in nang kong pia hi” hong ci hi.

Jeremiah 1:10 Iomraidhean Croise

1 Kumpite 17:1

Gilead ngam Tishbe panin Elijah a kici kamsaangpa in Ahab kumpipa munah, “A na ka sepsak Israel te ii a nungta Pathian, Topa min taw keima in nang tungah kong sonna pan keima ii kong son kik mateng kum nii ahibuale kum thum sung daaitui ahizong, nguatui ahizong hang tu hi,” ci hi.

1 Kumpite 19:17

Hazael ii thalup natu pan a suakta a om le Jehu in thatlum tu a, Jehu ii thalup tu pan a suakta a om le Elisha in thatlum tu hi.

Thuhilsya 3:3

thalup tu hun le damsak tu hun, phelthap tu hun le sakto tu hun ciangtan hi.

Jeremiah 1:5

“Nuntakna kong piak ma in kong tealtuam zo a, na nu sung pan na sua ma in minamte tungah kamsaang khat tu in kong teal hi,” hong ci hi.

Jeremiah 24:6

Amate ka en tu a, hi ngam ah ka ciapui kik tu hi. Amate ka laamto tu a, ka khiasuk buatu hi; amate ka suan tu a, ka botkeak buatu hi.

Jeremiah 25:13

Jeremiah tungtawn a ka son lai in minamte tungah ka thengsak tu ci a ka tawnna tuasiatnate theampo — hi laibu sungah a kikhum tuasiatnate theampo taw Babylon daan ka pia tu hi.

Jeremiah 31:28

Kidawm takin amate ka zunglok, ka kaikeak, ka lotthal, ka suksiat le ka lalsak lai bangma in kidawm takin amate ka suan kik tu a ka laamto kik tu hi.

Jeremiah 31:40

Mithi phumna le ninteak vawkna leikuam buppi le Kidron lui tungsia ah lote theampo, nisuana sang Siphu Kongpi ciang dong, keima a tu in mun thiangtho hi tu hi. Khuapi sia kipheltham, kisusia kik ngei nawn ngawl tu hi,” ci hi.

Jeremiah 36:2

“Laizial khat la in a tua tungah Israel le Judah le minamte theampo ii thu kong sonte at in. Josiah kumpi a sep lai in, na tungah kong son masak phit pan kipan tuni dong kong sonte theampo at in.

Jeremiah 44:27

Note a nuamsa ngawlin kong vawt tu hi, bek dom ngawlin kong susia tu hi. Note khat zongh kikhe ngawlin, ngal taw ahizong, natna taw ahizong na lalcip tu uh hi.

Jeremiah 45:4

“Ahihang, Keima, Topa in ka sak sate ka baltham tu a ka phu sate ka botkeak tu hi. Leitung buppi sia hi bangin ka vawt tu hi.

Ezekiel 21:19

Ama in, “A thithei mihing awng, Babylon kumpipa a namsau taw hong pai thei natu lampi nii teptee sa in koi in. A nii ngealin, ngam khat sung panin kipan khawm tu hi. Lamkaabom ah lamlakna khuam khat phut in.

Ezekiel 23:36

Topa in kei tungah, “A thithei mihing awng, Oholah le Oholibah tungah thukhen tu in na kinging ziam? A kiihuai a ngamtatna te taw amate mawsiat in,

Ezekiel 32:18

Ama in, “A thithei mihing awng, a tam mama Egypt mi theampo atu in khuangai in na om in. Amate sia a thahat minamte taw mithi khua ah puaksuk in.

Ezekiel 36:36

A bo ngawl a taanglai na ngampaamte in Keima, Topa sia a kikhul sa lote ah an ciing kikin, a lalsa khuapite a pua kik Topa ka hi hunlam hong he tu uh hi; Keima, Topa in hi teng vawt tu in kong kamciam zo a — ka vawt tu hi,” ci hi.

Ezekiel 43:3

Hi mukholna in Pathian ii Jerusalem khua siasak tu hong pai lai in ka mu sia le Chebar ngunhui ah ka mu mukholna khat taw kibang hi. Tuaciang, keima le keima ka khup lamin lei ah ka bok hi.

Hosea 6:5

Tua hu in no kungah thukhenna le lalsakna thu puakin ka kamsaangte kong paisak zo hi. Note tung pan ka dei thu sia thiang a kitel sinsen hi:

Amos 3:7

Vaanglianpipa Topa in a naseam kamsaangte tungah a tupna kilanghsak phot ngawlin bangma seam ngeingawl hi.

Amos 9:11

Topa in, “Inn zaancip sa khat taw a kibang David kumpi ngam ka puuaphat kik tu ni khat hong theng tu hi. A luphung pangte pua kikin ka phasak kik tu hi. Tuasia ka sa kik tu a, nidang tawngh lai bang ka hisak kik tu hi.

Zechariah 1:6

Na taanghpupite tungah ka naseam kamsaangte tungtawnin thupiaknate le kidop natu thute ka pia hi, ahihang amate in tuate thusim ngawl a, a ngamtatna taw a kizui in ngimna thuak uh hi. Tuasia ciang amate kisiik kikin, keima, a Vaanglianbelpa Topa in amate taw a kiphu bang le ka sep tu tatak a ka khensat bangin daan ka piak hunlam hong tel uh hi,’ ” cisak hi.