James 5:9 - Syin Chin Bible

⁹ Ka suapuite awng, note khat le khat tungah lungkim ngawlna taw na kiphunsan heak vun, tua hile Pathian in no tungah thu hong khen ngawl tu hi. Thukhenpa sia hong nai zo a, hong kilangh tu in kithoai zo hi.

James 5:9 Iomraidhean Croise

Pianciilna 4:7

A maan seam na hile na maitai tu a, ahizong a sia na vawt hu in, mawna in na innkha ah bok nginge hi. Tua in nang hong uk nuam a, ahizong nangma in tuasia na zaw kul tu hi,” ci hi.

Psalm Late 59:15

an zongin a vak uite taw kibang a, an a kicingin mu buale mau uh hi.

Ezekiel 7:12

A hun hong theng hi. Vanh lei vanh zuak sia khiakna a nei nawn ngawl tu ni hong nai hi, banghang ziam cile Pathian ii daan piakna sia a kuama theampo tungah a kibangin tung tu hi.

Thiampite 19:18

Kuama tungah phula heak vun a, kuama ngaimaw top heak vun. Noma le noma na ki it uh bangin na innpaamte it vun. Keima in Topa ka hi hi.

Matthew 24:33

Tuasia bangma in, hite theampo na mu uh ciangin, a hun hong nai a, hong kipapan zo hi, ci in na he tu uh hi.

Mark 13:29

Tuasia bangma, hi thute hong pianna mu uh ciangin, a hun hong nai zo hi, kipapan tu in kithoai zo hi, ci in na he tu uh hi.

Mark 6:19

Tua ahikom Herodias in John tungah lungkim ngawlin, thalup sawm ahihang Herod hu in a that thei bua hi.

1 Corinth te 10:11

Hi thupiang theampo sia ngual ii ettee tu lim hi a, eite kidop thei natu in lai sungah a kiciamtee ahi hi. Banghang ziam cile leitung bo kuan hun sungah eite ih om hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

2 Corinth te 9:7

Tua hi a, mihing sim in ama khensat sa om bangin pia tu a, thinnop ngawlna taw, ahibuale piak nanak kul tu bangin ngaisutna taw pia ngawl tu hi; banghang ziam cile lungdam thinzo takin a pia sia Pathian in diksa hi.

Galatia te 5:14

Banghang ziam cile Thukham buppi sia thupiak khat in kingawm hi: “Nangma le nangma na ki it bangin na innpaamte na it in.”

Galatia te 5:26

Ei sia khat le khat tungah kiphasakin, kitaw in, ih ki eang buatu hi.

James 4:11

Ka suapuite awng, khat le khat na kisonsia heak vun. Tapidaw suapui khat a sonsia ahibuale a tung a thu a khen sia in, Thukham sonsia a thukhen ahi hi. Thukham tungah thu na khen le, Thukham a zui nawn ngawl, Thukham tungah thukhenpa na hi uh hi.

James 4:12

Pathian bekma thukham pia Pa le thukhenpa ahi hi. Ama bek in, ngum thei a, susia thei hi. Na mipuite tungah thukhen tu in nang sia akua kisa ni ziam?

James 5:10

Ka suapuite awng, Topa min suangin a pau kamsaangte phawk vun. Thuakna sungah thinsau takin a thuak zo amate ii thuak zawk hatna sia ettee in nei tavun.

James 5:7

Tua ahikom, ka suapuite awng, Topa hong pai mateng in, na thin uh sausak vun. Lothopa khat in, leitang tung pan an manpha hong pian natu sia, bangza in thinsauna taw ngak ziam en vun. Amate in khuapi ngua le tuk ngua sia thinsau takin ngak hi.

1 Peter 4:5

Ahihang a nungtate le a thisate tungah thukhen tu in a kingingta sa Pathian mai ah amate in thusitna thuak tu uh hi.

1 Peter 4:9

Phun ngawlin khat le khat zin kido thiam tavun.

Thupualaakna 3:20

Ngai vun! Keima in kongkha kungah dingin ka king hi; khat pawpo in ka aw za in kongkha hong hon le, ama ii inn sungah tumin, ama taw an ka nekhawm tu a, ama zongh kei taw an nekhawm tu hi.