James 5:7 - Syin Chin Bible

⁷ Tua ahikom, ka suapuite awng, Topa hong pai mateng in, na thin uh sausak vun. Lothopa khat in, leitang tung pan an manpha hong pian natu sia, bangza in thinsauna taw ngak ziam en vun. Amate in khuapi ngua le tuk ngua sia thinsau takin ngak hi.

James 5:7 Iomraidhean Croise

Jeremiah 5:24

Keima in a hun ciangin tuuk ngua le khaal ngua hong zusakin kum simin anlaak hun hong pia hi napi in kei zatak tu na ngaisun ngei bua uh hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Joel 2:23

“Zion mite awng, lungdam vun, Topa na Pathian ii note atu a sep sate hu in lungdam vun. Ama in tangngam ngua a khombek khat in hong pia a; ama in phalbi nguate no atu hong buaksuk in, khuapi ngua zongh hong piak ngei bang hong pia hi.

Zechariah 10:1

Khaal kipat hunin Topa tungah nguatui ngen vun. Ngua a paai meeikaai hong puak a, ngua zusak in, kuama theampo atu lote a hingsak pa sia Topa ahi hi.

Matthew 16:27

Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 16:28

A tatak kong ci ciang, hi lai ah a om mihing pawlkhatte ahile, Mihing Tapa Kumpipa in hong pai a mu mateng in a thi buatu hi,” ci hi.

Matthew 24:27

Banghang ziam cile Mihing Tapa sia van buppi ah nisuana pan nitumna dong a kaantan khualeng taang bangin hong pai tu hi.

Matthew 24:44

Tua ahiciang no zongh, a tawntung kinging sa in om vun, banghang ziam cile Mihing Tapa in na muanmawk ngawl hun laitakin hong pai tu hi.

Luke 18:8

A maan tak ka ci ciangin, amate sangah pangin, a manlang takin thu khensak tu hi. Ahitazong Mihing Tapa ii hong pai kik ciangin leitung ah upna a mu tu ziam?” Topa in ci thua hi.

Luke 21:27

Tuaciang Mihing Tapa hong kilangh tu a, vaangletna le minthanna taw meeikaai sungah hong pai tu hi.

Luke 8:15

Leiphana ah a tu thaiciite sia a thu za a, thunitna thinsung pha taw keamcing a, a ngate a nga dong a zomto suakte ahi uh hi.

John 21:22

Jesus in zo kik a, “Kong pai kik dong ama nungta in ka oai le zong nang bang nuam maw ni ziam, kei hong zui ta'n!” ci hi.

John 21:23

Tua ahikom tua nungzuipa thi ngawl tu hi, ci in Jesus nungzuite sungah thu kizel hi. Ahihang Jesus in ama a thi buatu hi, a ci hi ngawl hi; ama in “Kong pai kik dong nungta in ka oai le zong bang nuam maw ni ziam?” a ci ahi hi.

Romete 15:4

Eite thin sauna le hanthotna tungtawn a, upna ih nei natu in, Laithiangtho sungah a ki atte theampo in eite hong hil natu a ki at ahi hi.

Romete 2:7

Mihing pawlkhat in nasep pha seam zomin minthanna, upatna le thi mawk nuntaknate Pathian kungah zong uh hi. Tuate tungah Pathian in tawntung nuntakna pia tu hi.

1 Corinth te 1:7

ih Topa Jesus Christ hong kilangh tu ngakin na om laitakin, thupha khat beak zongh na taan bua uh hi.

Galatia te 5:5

Kote ka hi uh le ka lam etna uh sia Pathian in thutang hong suasak tu ci thu ahi hi; hi thusia ka upna uh tungtawnin Pathian ii Thaa vaangletna taw hong seam tu hi ci in ka ngak uh sia ahi hi.

Galatia te 6:9

Tua ahikom na pha sepna sungah toi kisa bua tawng; banghang ziam cile thinkiam in tawp bua po leang ih anlaak tu hun hong theng tu hi.

Thuhil kikna 11:14

Tuabang na hi uh le, Topa in na ngam sungah a kisap ciangin tuuk ngua, khaal ngua hong zusak tu a, note atu in antang, sapittui le olive thaute,

Colossae te 1:11

Na theampo thinsauna taw na thuak zawk natu uh in, ama ii minthang vaangletna in note hong thahatsak tahen.

1 Thessalonica te 1:3

Upna na zakzia uh, itna na nei uh hu a, nasia takin na nasepna zia le ih Topa Jesus Christ sungah na lametna uh a kipzia sia ih Pa Pathian mai ah kong phawk uh hang ahi hi.

1 Thessalonica te 2:19

A huamin ci leang, note sia — ngualdang hi ngawl! — note sia kote lametna, lungdamna le zawna ka nga uh hu in Topa Jesus hong pai ciang, ama mai ah ka kisuantaakna na hi tu uh hi.

1 Thessalonica te 3:13

Hi bangin ama in no hong thahatsak tu a, ama ii neisa mihing theampo taw Topa Jesus hong pai ciang, ih Pa Pathian omna ah sit baang ngawlin na thiangtho tu uh hi.

Hebrew te 6:15

Abraham sia a thinsau ahikom Pathian ii kamciam teng a saang hi.

James 4:11

Ka suapuite awng, khat le khat na kisonsia heak vun. Tapidaw suapui khat a sonsia ahibuale a tung a thu a khen sia in, Thukham sonsia a thukhen ahi hi. Thukham tungah thu na khen le, Thukham a zui nawn ngawl, Thukham tungah thukhenpa na hi uh hi.

James 5:10

Ka suapuite awng, Topa min suangin a pau kamsaangte phawk vun. Thuakna sungah thinsau takin a thuak zo amate ii thuak zawk hatna sia ettee in nei tavun.

James 5:3

Na khamhte le na ngunnte sia eakseau zo hi. Tuaciang hi a eakseaute in, no langkhat panin tetti hong hi tu a, meikuang taw kibangin, na sa uh hong ne khawng tu hi. Hi ni tawpkhak hun sungah, note in haunate na khol zo uh hi.

2 Peter 3:4

hi bangin, hong dongh tu uh hi. “Hong pai kik tu ci in kamciam hong pia ahi bua ziam? Ama koisung om ziam? Ih taanghpupite sia thi siat zo hi, ahihang simlei kibitphua lai pan bangma in, na theampo kibang lai hi!”