James 5:5 - Syin Chin Bible

⁵ Hi leitung ah na nuntakna uh sia a liap a vaal nate le nopsakna taw kidim hi. Hong kingaw lup ni ciang na thau natu in noma le noma na kivaak zo uh hi.

James 5:5 Iomraidhean Croise

Psalm Late 17:14

hi leitung nuntakna sungah a dei uh po a neite khut sung panin hong hun ta'n. Amate atu na khealsia ngimnate taw amate daan pia in; tua daante sia a tate atu zongin kicing lai tahen a, a tate ii tate dong pawlkhat khomsuan lai tahen.

Psalm Late 73:7

amate thinsung in ngitlona pusua in, a thinsung uh sia seksol tupnate taw komla uh hi.

Paunakte 17:1

Thinngimna taw kidim inn khat sung anneakpoai ah anneak sangin anluum ko bekkhat thinnuam a, neak sia phazaw hi.

Paunakte 7:14

“Tuni in biakpiakna ka vawt a, sangaw biakpiakna pan sa zongh ka nei hi.

Thuhilsya 11:9

Khangnote awng, na khangmoi hun nuamsa vun. Na khanmoi lai in lungdam vun. Na vawt nop po vawt vun a, na lungngulna bangin ngamta vun. Ahihang Pathian in na vawtna tungah thu hong khen tu cisia ciamtee tavun.

Isaiah 22:13

Tua taangin note nuiza in poai na vawt uh hi. Neak tu in tuu le khuite na ngo uh a, sapittui na dawn uh hi. Noma in, “Ei teng zongh ne in dawnin ih om thei tha tu hi! Zing ciangin a thi tu ih hi hi,” na ci uh hi.

Isaiah 3:16

Topa in, “En vun Jerusalem numeite kiphasak mama hi! Amate vandak sa in lampai uh hi. Amate sikvil tawntung hi. Amate a kal tomsakin pai vakhiangh a, a siakmit tungah haakte ngingsak vasial hi.

Isaiah 47:8

“Nopsakna bek dei in, muanhuai in bit a kisa sia awng, hi thu ngai in. Pathian za in lian na kisa hi — Nang taw a kibang kuama dang khat zongh om ngawl hi, na ci hi. Nangma in meingong nu ka suak ngei buatu hi, ahibuale ka tate thina bona a thuak ngei buatu hi ci in na ngaisun hi.

Isaiah 56:12

Hi sapittui khamte in, ‘Sapittui tawm la sin tawng i, tuaciang ih dawn zawkza dawn tawng! Tuni sangin zing ciang nuam zaw kan tu hi!’ ci uh hi,” ci hi.

Jeremiah 12:3

Ahihang, Topa awng, kei nong he a; ka nasepna le bang zata nang kong it zia na mu hi. Tuute ngaw tu a, a kikaikeak bangin hi mi ngilote kaikeak in; amate a kithalup tu hun dong keamcing in.

Jeremiah 25:34

No lampuite awng, kap vun, ka mite a cing a keamte awng, a ngingin kap vun! Tau in leivui sungah liik vun. Note hong kithalup tu hun hong theng zo a, tuutalte bangin note hong kisem tu hi.

Ezekiel 16:49

Ama le a tanute sia kiphasak hi, banghang ziam cile amate in neak tu hau mama a, ngal kilemin dai takin nungta uh hi, ahihang amate in mizawngte le a hamsia mite a awlmaw bua uh hi.

Ezekiel 39:17

Vaanglianpipa Topa in kei tungah, “A thithei mihing awng, amate atu ka vawt sangaw biakpiakna sate ne tu in, kiim le paam theampo pan vacim le nganhingte theampo hong pai natu in sam in. Tua in Israel mual tungah poaipi khat hi tu a, tua munah sa ne in chi dawn thei tu uh hi.

Amos 6:1

Samaria ah ngammuang kisate le Zion ah nuntakna ol a sate — hi Israel ngamlian sung a, ngual ii hu hong kingetna, no lampui uliante atu in bangza in lauhuai ziam!

Luke 16:19

“Khatvei lai in sumhau khat om a puansilh manham tatakte silh in, ni simin nuamsa mama in nungta hi.

Luke 16:25

Ahizong Abraham in, ‘Na nuntak lai in nang sia na pha theampo hong kipia zo a, Lazarus ahile a sia theampo thuak hi. Tua thu phawk ta'n. Ahihang tu in ahile nang ii natna satna na thuak laitak ama in hi munah nuamsa in om hi.

Romete 13:13

Sun khuavak sungah a teangte bangin, eite a kilawmin ih ngamta tu hi — Lawplaina, zukhamna, a maizumhuai ngamtatna, kihauna tua ahibuale ki eennate ih vawt buatu hi.

1 Timothy 5:6

Ahihang meingong khat ama le ama cii le sa nopsakna sungah a kidia khat sia nungta napi a thisa ahi hi.

2 Timothy 3:4

muan thamman ngawl, lopthop, tuaciangin kisak theina taw kidim tu uh hi. Pathian sangin pumpi nopsakna deizaw tu uh hi.

2 Peter 2:13

tuaciang amate in mihingte ngim thuaksak ahikom, ngim thuakna taw ma in kithuk kik tu hi. Ci le sa deina a thaisak tu ngamtatna khat pawpo suntangin a vawtna sia, amate nopsakna hi; ngualtheam a nuntakziate nuamsa ahikom, ankuang na uumpui tu zongh maizumhuai a, mindai huai hi!

Jude 1:12

Amate sia a maizumhuai neakna dawnna taw ngualnuamin om uh a, noma ii kipawlkhop anneakpoai uh hong nokkhaksakte ahi hi. Amate in a kaangsung atu bek kin hi. Amate sia vui ii seam nguatui a paai ngawl meeikaaite taw kibang hi: tangngam hun dongin a nga mama a nga ngawl thingkungte le a kizunglok a thicip sa thingkungte taw kibang hi.

Thupualaakna 18:7

A minthanna le a nopsaknate ama le ama a kipiakna taw kizui in, ngimna le heena na thuaksak in. Banghang ziam cile ama in: ‘Hi sungah kei sia kumpinu in to khi hi! Kei sia meingong hi ngawl khi hi. Khuangai ngeingawl tu khi hi!’ a kici hi.

1 Samuel 25:36

Abigail sia kumpipa khat atu a kilawm poai khat, a inn ah a khaam Nabal kungah ciakik hi. Zu khamin maimua nuamin om a, tua ahikom a zingsang ciang mateng ama ii munah bangma son ngawl hi.

1 Samuel 25:6

Ama in Nabal tungah amate pau natu teng hil a: “David in hong nukset hi, ka lawmpa awng, nangma atu, na innkuan bup atu le na neisa theampo atu in, a phabel deisakna hong zasak hi.