James 5:4 - Syin Chin Bible

⁴ Na lo sungah naseam mihingte ii thaman na pia bua uh hi. Amate ii phunnate ngai vun! Na an uh hong laksakte ii auna sia Topa Vaanglianbel Pathian bil sungah theng zo hi.

James 5:4 Iomraidhean Croise

Pianciilna 4:10

Tuasia ciang Topa in, “Banghangin hi bang a, a sia mama na seam thong ni ziam? Phula nuam a, a au aw khat bangin na suapuipa chisan in lei pan kei hong biakpui hi.

Job 34:28

Amate in mizawngte sia zawthawk thu taw ausak in Pathian kosak hi, tuaciang Pathian in hu ngenin a au nate za hi.

Job 7:2

sila khat ii nilim vot a lungngul bang, naseampa khat ii a thasum ngakin a om bang ahi hi.

Psalm Late 9:12

Pathian in a ngimngate phawk a, a kaana aw a mangil bua hi; tuaciang amate tungah a khialte daan pia hi.

Pusuana 22:27

banghang ziam cile a khualumna tu in a neisun sia tua puanvan bek ahi hi. Ama bangdang silhin mutthip thei tu ziam? Ama in kei tungah hu ngen a, hong au ciang zo tu khi hi, banghang ziam cile ngual hesuak thei khi hi.

Pusuana 3:9

Ka mite kaana aw ka za takpi zo a, Egypt te ii a zawthawk vawtzia zongh ka mu zo hi.

Isaiah 1:9

Vaanglianbelpa, Topa in mi pawlkhat hong nungtasak lai buathong le, Sodom le Gomorrah bang keakma in Jerusalem kilalsak siat zo tu hi.

Isaiah 5:7

Israel sia Vaanglianbelpa Topa ii sapithuan hi; Judah mite sia ama suan sa sapitkungte ahi hi. Topa in amate a pha vawt tu in muangmaw a, ahihang amate in tual that zaw uh hi. Ama in amate sia a maan bang seam tu in muangmaw a, ahihang amate ii a vawtsiatte in thumaanna dei in kap uh hi.

Isaiah 5:9

Vaanglianbelpa Topa in, “Hi a lian a pha inn theampo a hawm suakin lal tu hi.

Jeremiah 22:13

Thumaan ngawlna taw a inn a sa pa, a inn a peam pa; a ngammite a thawthong in a na seamsak a, a thaman a pia ngawl pa in siatna thuak ahi hi.

Thiampite 19:13

“Noma meet natu in midangte vanh suttol heak vun. Noma cial sa mihing khat ii thamante, zan khat bek zongh khak heak vun.

Habakkuk 2:11

Luphung suangte ngawngawn in hong langpanin au a, zawlsaute zongh in tua aw thangko ma hong hawl kik hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Matthew 9:37

Tua ahikom nungzuite munah, “Anlaak tu tam mama a, ahihang lo sungah anla tu, mi tawm hi.

Luke 18:7

Tua ahile Pathian in ama ii mihingte, sun taw zan taw hu ngen in a au te ii phat tuam natu in thukhensak ngawl tu ziam? Amate a hu tu sia a haisaang tu ziam?

Romete 9:29

Isaiah in a masa in hi bangin ci hi. “Vaanglianbelpa Topa in suan le paal tawm hong kheetsak ngawl hi kapo le, eite Sodom bang ih hi tu a, Gomorrah bang ih suak tu hi.”

Thuhil kikna 15:9

Leiba maisak kum nai ahitazong sumpuk nuam ngawlin om heak vun. Tuabang khua ngaisutna siate na thinsung uh ah tumsak heak vun. Sum na puk nuam bua uh le amate in note hong langpanin Topa tungah ko tu a, tuaciang no a maw na suak tu uh hi.

Colossae te 4:1

To ahite awng, na sila te tungah dikna le thutang taw na ngamta vun. Vantung ah note zongh in Topa khat na nei uh hunlam phawk tavun.