James 5:11 - Syin Chin Bible

¹¹ Amate sia mihing lungdamte hi ih ci hi, banghang ziam cile amate in thuak zo uh hi. Job ii thin sauna te na za zo uh a, a tawpna ah Topa ii piakkikna thu na he zo uh hi. Banghang ziam cile, Topa sia hesuakna le ciliapna taw kidim hi.

James 5:11 Iomraidhean Croise

1 Khangtaanghthu 21:13

David in Gad tungah, “Ka ci ka law he ngawl khi hi! Ahihang mihingte ii daan hong piak tu ka nuam bua hi. Kei daan hong pia tu sia Topa ama ma hi tahen, banghang ziam cile ama hesuakna thin nei hi,” ci in zo kik hi.

2 Khangtaanghthu 30:9

Topa na zuan kik uh le na mealheakte, thong a taaksakte in amate khuangai huai sa in inn ah hong ciasak kik tu hi. Topa note Pathian dikin, ngual hesuak thei a, ama na zuan kik uh le ama in hong saang tu hi,” ci hi.

Nehemiah 9:17

Na thu ni nuam ngawl a; na nasep sate theampo amate in mangil uh hi, na vawtsa nalamdang laknate mangil uh hi. Saltanna Egypt ah a heakpui kik tu in, kiphatsakna taw amate in lampui khat teal uh hi. Ahizong nangma in maw maisak Pathian na hi a; thuthiamna le itna nei in na thin uai hi. Na hesuakna lian a; amate na nusia bua hi.

Nehemiah 9:31

Ahitazong na hesuakna lian ahikom amate na nusia bup bua a, na lalsak bua hi. Nang sia hesuakna le thuthiamna a nei Pathian na hi hi!

Job 1:1

Uz ngam ah a teang Job kici mi khat om a, ama in Pathian bia in, ama ii tungah thumaan hi. Ama mihing pha khat hi a, siatna peuma a vawt ngawl natu in kidawm hi.

Job 1:2

Ama in tapa sali le tanu thum nei a,

Job 2:10

Job in, “A lui thawthongin pau ni hi! Pathian in napha khat po hong puak ciang lawp takin ih saang hi. Ngimna hong puak ciang banghangin phun thei tu hi ziam?” ci in zo hi. Hite theampo a thuak kawm sung panin, Job in Pathian tungah kam ngaldo bangma pau ngawl hi.

Job 23:10

Tua hi napi Pathian in ka kalsuanna theampo he hi; Ama in kei hong sit le a thiangin hong mu tu hi.

Psalm Late 103:13

Pa khat in a tate tungah dik ahi bangma Topa sia ama a zaktate tungah dik hi.

Psalm Late 103:8

Topa in hong hesuak a hong it in, thin uuk hak a, itna kip taw kidim hi.

Psalm Late 116:5

Topa sia hesuak thei a, pha hi; ih Pathian in khuangai huai hong sa thei hi.

Psalm Late 119:132

Kei sang hong nga ta'n a, nang hong itte theampo tungah na ngamtat bangmain kei hong hesuak ta'n.

Psalm Late 145:8

Topa in itna le hesuakna nei a, thinsau in itna kip taw kidim hi.

Psalm Late 37:37

Mihing pha pa en vun a, thutang pa entel vun; kilemna a nei mihingte in suan le paal nei hi,

Psalm Late 51:1

Pathian awng, nong itna kip hu in kei hong hesuak ta'n, A lian na hesuakna hu in ka mawnate hong melsak ta'n!

Psalm Late 78:38

Ahihang Pathian in ama mite hesuak hi. Amate mawna maisak a, a susia bua hi. Ama in tamvei mama a thin uukna iip in a thinsona vei kenkon hi.

Psalm Late 86:15

Ahihang Topa awng, nang sia, a hesuak thei le a it thei Pathian na hi a, a thin uai tawntung, a dik tawntung le a thumaan tawntung na hi hi.

Psalm Late 86:5

Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

Psalm Late 94:12

Topa awng, nangma ii na lamlakte, nangma ii na thukham na hil mite in bangza a lungdamte ahi ziam!

Pusuana 34:6

Topa in Moses mai kaantan a, tuaciang ama samin, “Keima in mulkimna le hesuakna taw a kidim Topa Pathian khat ka hi hi, ka thin uuk hakin, itna lian le thumaanna a lakpa ka hi hi.

Thuhilsya 7:8

Na khat pawpo ii a tawpna sia a kipatna sangin phazaw hi. Thin sauna sia kiphatsakna sangin phazaw hi.

Isaiah 63:7

Topa ii a kip a kho hong itna thu ka son tu hi; Ei atu in ama hong sep sakte theampo hangin ama ka pok hi. Ama ii hesuakna le tawntung itna hangin Israel mite ama in thupha tam mama pia zo hi.

Isaiah 63:9

a thuakna theampo panin, ngum hi. Amate a ngum sia vantunglalang khat hi ngawl a, Topa ama mama ahi hi. A itna le a hesuakna taw amate suatak hi. Ama in a bosa hun sungah amate keamcing tawntung hi,

Kaa late 3:22

A kiam ngeingawl Topa ii hong itna le hong hesuakna kizom suak lai a;

Daniel 9:9

Kote in nang hong langpan zo ka hita uh zongin nang in nong hesuak a, nong maisak hi.

Joel 2:13

Na thin tapthapna taw in na heena lak vun; na puansilh balthapna bek sia kicing ngawl hi,” ci hi. Topa na Pathian kungah pai kik vun. Ama cingh a, hesuakna taw kidim hi; ama a thinsau a, a kamciam len hi; ama in khialna mawna maisak tu le daan piak ngawl tu in kinging tawntung hi.

Jonah 4:2

Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Mi Simna 14:18

‘Keima Topa sia thin uuk hak a, itna lian le thumaanna a lak, mawna le leedona a maisakpa ka hi hi. Ahizong a pate mawna hangin tate le tute tungah khang thum, khang li dongin daan ka pia tu hi’ ci in nong ciamsate taangtungsak in.

Matthew 10:22

Kei hangin a kuama theampo in, hong ensan tu hi. Ahihang a tawp dong a thuak zo sia kihun tu hi.

Luke 1:50

khang khat pan khang khat, Ama a patoaite tungah hesuakna pia hi.

Luke 11:10

Banghang ziam cile a ngente theampo in nga tu a, a zongte theampo in mu tu hi; a king pawpo tungah kongkha kihon tu hi.

Luke 6:36

Na Pa uh sia hesuak thiampa ahi bangma in, no zongh ngual na hesuak tavun.

Romete 2:4

Tua ahibuale ama ii cikna, thiamna le dual zawknate zawnsak vawt na hi uh ziam? A tatakin Pathian cingh mama hi, banghang ziam cile na kisiik kik natu in ama in hanciam in lam hong pui hi.

Ephesus te 1:6

A minthang a thuthiamna hu le a it a Tapa sungah eite a thawthongin hong piak letsong hu in, Pathian pok tawng.

Ephesus te 2:4

Ahihang Pathian ii hesuakna sia kicing lawlawm a, tuaciang eite hong itna sia lian mama hi.

Hebrew te 10:39

Eite in heak kik a, a mangthangte ih hi bua hi. Ei sia upna nei in a kingumte ih hizaw hi.

Hebrew te 3:14

Banghang ziam cile a kipat pan ih nei kimuanna sia a tawp dongin ih kholet le ei theampo sia Christ taw a kikopte ih hi hi.

Hebrew te 3:6

Ahihang Christ sia Pathian inn uk Tapa bangin thumaan hi. Eite in, ih lametnate sungah thinletna le kimuanna ih kholet le ama inn ih hi hi.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

James 1:2

Ka suapuite awng, ze etna namcin na thuak uh ciangin hampha in na kingaisun tavun,

1 Peter 1:13

Tua ahikom a diang tu in, na thin sung uh ah kingin khol tavun. Jesus Christ hong kilangh ciangin, note hong piak tu thupha tungah lametna a cingin nei tavun, na kipilvangsak vun.

1 Peter 3:14

Ahihang thumaan nasepna na sep uh ciang ngawngawnin na thuak uh le, bangza in lungdam tu nu ziam! Kuama kiita heak vun a, thinngim heak vun.

2 Peter 2:9

Tua ahikom Topa in Pathian ii dei bang a nungtate, haksatnate pan bangbang suatak tu ci thu, mihing seksolte Thukhenna Ni ciang bangbang daan thuaksak tu ci sia le