James 5:10 - Syin Chin Bible

¹⁰ Ka suapuite awng, Topa min suangin a pau kamsaangte phawk vun. Thuakna sungah thinsau takin a thuak zo amate ii thuak zawk hatna sia ettee in nei tavun.

James 5:10 Iomraidhean Croise

2 Khangtaanghthu 36:16

Ahizong amate in Pathian ii kamtaite nunau in, a kammalte awlmawk ngawl a, kamsaangte nuisan uh hi, a khakbel ciang a mite tungah Topa thin uukna nasia tatak ahikom suatak natu lampi om ngawl hi.

Isaiah 39:8

Hezekiah kumpipa in ama ii nuntak sung tengin thinnopna le ngammuanna om tu hi, a cinopna ahi hunlam tel ahikom, “Topa kung pan hong pai nong thupuak sia pha hi,” ci in zo kik hi.

Jeremiah 2:30

Keima in no, daan kong pia hi, ahihang bangma phatuam ngawl hi; keima ii no kong puua tu nuam ngawl nu hi. Tawpi kitom khat bangin, na kamsaangte uh na thatlum zo uh hi.

Jeremiah 23:22

Amate in ka ngaisutna thuku te he hi thong ka pole ka thupuak sia ka mite tungah thangsak zo tu uh a, nuntakna siate le a seksol ngamtatna te nusiasak siat zo tu hi.

Jeremiah 26:16

Tuaciang ngam lampuite le mihonte in thiampite le kamsaangte tungah “Hisia pa in Topa ih Pathian min suangin ei tungah thu hong son hi; ama kithatlum ngawl tu hi,” ci uh hi.

Luke 13:34

“Jerusalem, Jerusalem awng! Nang in kamsaangte na thatlum a, Pathian kamtaite na deanglum uh hi! Akpui in a note a tha nuai ah a huai bangin, tamvei ma na mite ka huai nuam hi. Ahizong nong oai bua hi.

Luke 6:23

Tuabangin thu hong pian ciangin lungdam vun a, lawpna taw na diang vun, banghang ziam cile no atu vantung ah thaman lian khat kikoisak hi. Banghang ziam cile amate ii taanghpupite zongh in kamsaangte tungah tuabang ma in, na ngamta uh hi.

Sawltakte 3:21

Pathian kamsaang thiangthote ii khuangei hunlai a, a sonkhol sa bangma in, na theampo a kithaksua siat dong, ama in vantung ah om hamtang tu hi.

Sawltakte 7:52

Na taanghpupite ii a vawtsiat ngawl kamsaang khat beak om ngei kana ziam? Khuangei pek panin, Pathian ii a thutang Naseampa hong pai natu a sonkhol, Pathian kamtaite na thatlum uh hi. Tu in, note in ama leeheak a, suamlum nu hi.

Hebrew te 13:7

No tungah Pathian thu hong son na lampui masate phawk vun. Amate bangbangin nungta a, bangbangin thi ziam ci in ngaisunin, amate upna bang na ettee tavun.

James 4:11

Ka suapuite awng, khat le khat na kisonsia heak vun. Tapidaw suapui khat a sonsia ahibuale a tung a thu a khen sia in, Thukham sonsia a thukhen ahi hi. Thukham tungah thu na khen le, Thukham a zui nawn ngawl, Thukham tungah thukhenpa na hi uh hi.

James 5:13

A ngim nga khat po no sungah na om uh ziam? Thungen tahen. A lungdam khat po na om uh ziam? Ama in pokna late sa tahen.

James 5:7

Tua ahikom, ka suapuite awng, Topa hong pai mateng in, na thin uh sausak vun. Lothopa khat in, leitang tung pan an manpha hong pian natu sia, bangza in thinsauna taw ngak ziam en vun. Amate in khuapi ngua le tuk ngua sia thinsau takin ngak hi.

James 5:9

Ka suapuite awng, note khat le khat tungah lungkim ngawlna taw na kiphunsan heak vun, tua hile Pathian in no tungah thu hong khen ngawl tu hi. Thukhenpa sia hong nai zo a, hong kilangh tu in kithoai zo hi.