James 4:9 - Syin Chin Bible

⁹ Heena, kaana, tauna taw om vun; na nuina uh sia kaana taw laih tavun a, na lungdamna uh sia, maikhinna taw laih tavun!

James 4:9 Iomraidhean Croise

Nehemiah 8:9

Mipite in Thukham ii tangkalte a zaak uh ciang a thin suu in kap uh hi. Tua ahiciang ngamukmangpa Nehemiah, thiampi le Thukham he mipil Ezra le mipite tungah Thukham a thiangson Levi te in mite theampo tungah, “Tuni sia na Pathian, Topa atu in thiangtho ahikom, khuangai in a kap tu na hi bua uh hi.

Job 30:31

Khatvei lai in a zaaknop huai music la awte ka zaakna munah tu in khuangai in mauna le kaana aw bek ka za hi.

Psalm Late 119:136

Mihingte in na thukham hong zui ngawl hu in ka thitui ngun bangin luang hi.

Psalm Late 119:67

Daan nong piak ma in ka pai khial bul hi, ahihang tu in na pau kong ni hi.

Psalm Late 119:71

Daan ka thuakna in kei atu in pha hi, banghang ziam cile na thupiakte hong hesak hi.

Paunakte 14:13

Nuina in heena seal thei hi. Lungdamna a bo zawkciang heena sia tua munah om tawntung hi.

Thuhilsya 2:2

Nuina in mawmawthuai a, nopsakna in bangma phattuamna hong pia ngawl ci sia ka mu hi.

Jeremiah 31:13

Tuaciang ngaknute laam a, lungdam tu uh hi, tuaciang pasal, khangmoi, khanghaam te lawp in om tu hi. Amate ka heeneam tu a, a kaana te thinnopna, a heenate lungdamna ka suaksak tu hi.

Jeremiah 31:9

Ka mite lampui in ka heakpui kik laitak amate kap kawm, thungen kawmin hong heak kik tu uh hi. Tui omna lui ah amate lam ka pui tu a, lam nuamna ah amate lutu ngawl tu uh hi. Keima in Israel te ii pa khat bang ka hi a, Ephraim sia ka tapa lianbel ahi hi,” ci hi.

Kaa late 5:15

Kote nuntakna sungah lungdamna bo zo a; kote ngualnop lapna teng sia khuangaina taw kilaih zo hi.

Ezekiel 16:63

Na khialnate theampo kong maisak tu a, ahizong, na khialnate phawk kik in, maizum leilam in na kam zongh na kaa ngam buatu hi.” Vaanglianpipa Topa in son zo hi.

Ezekiel 7:16

Pawlkhatte sia leikuamte pan a lau vakhute bangin mual tungah suakta to tu hi. A mawna uh hu in amate theampo mau tu uh hi.

Matthew 21:41

“Ama in tua misiate thatlum nanak tu a, a hun zui in, thaw ante, ama saan tu bangin a pia tu ngualdangte tungah sapithuan sia saapthaw tu in aap tu hi,” ci in zo hi.

Matthew 5:4

“A thuum a taute in mihing lungdamte ahi uh hi! Pathian in amate heeneam tu hi.

Luke 16:25

Ahizong Abraham in, ‘Na nuntak lai in nang sia na pha theampo hong kipia zo a, Lazarus ahile a sia theampo thuak hi. Tua thu phawk ta'n. Ahihang tu in ahile nang ii natna satna na thuak laitak ama in hi munah nuamsa in om hi.

Luke 6:21

“Tu laitak a ngilkialte in a lungdamte na hi uh hi; na ngil uh a va tu hi! “Tu laitak a kapte in a lungdamte na hi uh hi; na nui tu uh hi!

Luke 6:25

Tu laitak no a ngilvate atu in bangza in lauhuai ziam; na ngil uh kial tu hi! “Tu laitak no a nuite atu bangza in lauhuai ziam; tau in na kap tu uh hi!