James 4:8 - Syin Chin Bible

⁸ Pathian kungah hong neak tavun, tua hile Pathian in note hong neak tu hi. Na khut uh sil vun, no mawneite awng! Na thinsung uh thiansua vun, no a kihitheamsakte awng!

James 4:8 Iomraidhean Croise

Pianciilna 18:23

Abraham in Topa neak a, “A mawbaang ngawlte a mawte taw susia khawm takpi tu ni ziam?

1 Khangtaanghthu 28:9

Tua ciang Solomon tungah ama in, “Ka tapa awng, na pa ii Pathian sia thusim in a, lungkaa ngawlin uuk tatakna taw ama na seam in. Ama in ih thinsung tawngh le ih ngaisutna theampo he siat hi. Ama kung na zuan le ama in nang hong saang tu a; na taisan le a tawntungin nang hong nungngat tu hi.

2 Khangtaanghthu 15:2

tuaciang, Azariah sia Asa kumpipa taw kimu tu in pai hi. Ama in, “Asa kumpipa, no Judah mite le Benjamin mite awng, hong ngai tavun! Topa na bel uh laiteng ama in hong ompui tu hi. Ama na zong uh le ama hong musak tu a, ahizong na nungngat uh le ama in hong nusia tu hi.

Job 16:17

ahihang ngongtat mawna khat zongh ka vawt bua hi, tuaciang Pathian tungah thin tak taw thu ka ngen hi.

Job 17:9

Zatakhuai khu hi a kicite in amate ngaisutna maan kisa vaial uh hi.

Job 9:30

Ka mawnate hong silthiang zo tu satpia om ngawl hi.

Psalm Late 119:113

Nang tungah a pha tak hong thumaan ngawlte ka ensan hi, ahihang na thukham ka it hi.

Psalm Late 145:18

Ama a kote, thintak taw a samte nai ah ama om hi.

Psalm Late 18:20

Topa in kei thaman hong pia hi banghang ziam cile a maante sep le vawtin ka nei hi; ama in keima thupha hong pia hi, banghang ziam cile kei mawna ka nei bua hi.

Psalm Late 24:4

Ngaisutna le ngamtatna a thiangthote, milim a bia ngawlte tua ahibuale a maan ngawl kamciam a vawt ngawlte pai thei tu hi.

Psalm Late 26:6

Topa awng, mawbaang ngawl ka hi hunlam ka khut silin kong lak a, na biaknatau kiim ah pai in kong bia hi.

Psalm Late 51:10

Pathian awng, ka sungah thin thiangtho hong bitphua ta'n a, a thak le a thumaan thaa hong nguan ta'n.

Psalm Late 73:13

Tua ahile a thiangtho in kikeam a, mawna ka vawt ngawl sia a luithawthong ahi tu ziam?

Psalm Late 73:28

Ahihang kei ka hile, Pathian nai ah ka om tu, Topa Pathian ka belh tu le ama ii vawt sate theampo ka thansak tu sia bangza in pha ziam!

Isaiah 13:15

Mat a thuak pawpo kihollum tu hi.

Isaiah 29:13

Topa in, “Hi mihingte in kong bia tu uh hi hong ci a, ahihang amate kammalte sia khiakna nei ngawlin, a thinsung in thudang ngaisun hi. Amate biakna sia bangma hi ngawlin, a teptee pak uh mihingte zui tu ngeinate bekma hi lel hi.

Isaiah 58:2

Amate in ka pai ziate heak tu le ka thukhamte zui tu sia ka lawp uh ci in ni simin kei hong bia uh hi. Amate in kei hong biak sia nuamsa a, tuaciang a maan thukhamte ka piasak nuam uh hi ci hi,” ci in son hi.

Jeremiah 4:11

Vui a sa mama khat sennealngam panin Jerusalem mite sangah hong va tu hi cina thu sia Jerusalem mite tungah a kison tu hun hong theng zo hi. Tua vui sia anvaaite a mut keak vui bang bek hi ngawl tu a —

Jeremiah 4:14

Jerusalem awng, na thinsung panin ngitlona silthiang in, tua hile nang hong kingum thei tu hi. Na thinsung ah maw nopna thin bang tanvei ngaisun tu ni ziam?

Kaa late 3:57

Nong zo a, lau heak in nong ci hi.

Ezekiel 18:31

A sia a kha na vawt uh theampo kheal vun a, thinthak lungthak na nei tavun. No Israel mite banghang thi nuam nu ziam?

Zechariah 1:3

ahihang tu in no tungah kong ci hi, ‘Kei kungah hong heakkik tavun, tuaciang keima no sangah kong kiheak tu hi.

Malachi 3:7

Note, na taanghpupi masate bangin ka thukhamte pan na puapial uh a, na zui bua uh hi. Kei kungah hong heak kik tavun, tua hile kei zongh no sang kong nga tu hi. Ahizong ‘Nang kung kong zot kik natu in bang ka sep uh kul tu ziam?’ ci in nong dongh uh hi.

Matthew 12:33

“Thingnga pha a pian natu in, thingkung ciidam kul hi; thingkung ciidam ngawlte panin thingnga mannung ngawlte piang hi. Thingkungte a nga panin kihe hi.

Matthew 15:2

“Banghangin na nungzuite in ih taanghpupite hilnate ni ngawl ziam? A anneak ma in a ngeina bangin a khut sil ngawl hi!” ci in dongh hi.

Matthew 27:24

Pilate in tubang taw kinga zo ngawl tu hi ci a mu ciangin, ngamlumna piang thei tu hi, ci a mu manin tuidam tawm la in, mipite mai ah a khut sil a, “Hisia ii thina taw kisai kei hang hi ngawl hi! Hisia in noma ngamtatna hang ahi hi!” ci hi.

Sawltakte 15:9

Ama in ei le amate hong doi tuan ngawl hi. Amate in um ahikom a mawnate maisak hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

1 Timothy 2:8

Pawlpi sungah biakpiak simin, thin uukna le kinialna om ngawlin, a khut laamin thungen thei a, Pathian tungah a kipumpiak pasalte ii thu a nget tu ka dei hi.

Hebrew te 10:22

Tua ahikom thintak le upna maan taw mawna kithasunna pan, a kithiansua sa lungtang le tuithiang taw a kisil sa pumpite taw Pathian kung zuan tek tawng.

Hebrew te 7:19

Banghang ziam cile Moses thukham in bangma a cialcingsak thei bua hi. Tu in Pathian taw ih kinai thei natu lametna phazaw khat hong kipia zo hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 3:21

tua tui sia tu in note hong kingupna lim a lak, tui kiphumna ahi hi. Pumpi tung ciniinte silthiangna hi ngawlin, thinsung khentel theina pha taw Pathian tungah kamciam piakna ahi hi. Tua in Jesus Christ thawkikna tungtawn a note hong ngum hi,

1 John 3:3

Christ sia thiangtho ahi bangma Christ sungah hi lametna a nei mihing peuma ama le ama a thiangtho in kikeam hi.

1 Samuel 14:35

Saul in Topa atu biaknatau khat sa a, a masabel a vawt biaknatau ahi hi.