James 4:6 - Syin Chin Bible

⁶ Ahihang Pathian hong piak thuthiamna sia khohzaw kan lai hi. Laithiangtho in “Pathian in a kiphasakte nalh a, ahihang a kiniamkhiakte thuthiamna pia hi,” a ci bangma hi.

James 4:6 Iomraidhean Croise

2 Khangtaanghthu 32:26

Ahizong a khakbel ciang Hezekiah le Jerusalem mite kiniamkhiak kik ahikom Topa in Hezekiah ii thi dong tua mite daan pia ngawl hi.

2 Khangtaanghthu 33:12

Hi bangin a thuakna hu in ama kiniamkhiak in Topa a Pathian zuanin huna ngen hi.

2 Khangtaanghthu 33:19

Kumpipa ii thungetna le Pathian zo kikna, a kisiik kik ma in a vawt mawna khialna — a sia a vawtte, doai sepna munte le numeipathian Asherah lim, tuaciang a biak milimte — theampo sia Kamsaangte Taanghthu sungah kiciamtee hi.

2 Khangtaanghthu 33:23

Ahihang ama ahile a pa bang hi ngawl a, kiniamkhiak ngawlin Topa kung zuan ngawl hi; a pa sang zong mawzaw lai hi.

2 Khangtaanghthu 34:27

tuaciang Jerusalem le a mite daan piak tu ka tawnna na zaak ciang kiniamkhiakna le kisii kikna taw ka mai ah na puansilh eaukeak in kap ni hi. Na thungetna hong za zo khi hi.

Job 22:29

Pathian in a kiphasakte khia suk a, a kiniamkhiakte hun hi.

Psalm Late 138:6

Nang sia tungsang ah, saang mama na hihang, a kiniamkhiakte na khoi a, a kiphasakte sia nang kung panin a buu thei bua hi.

Psalm Late 9:12

Pathian in a ngimngate phawk a, a kaana aw a mangil bua hi; tuaciang amate tungah a khialte daan pia hi.

Pusuana 18:11

Topa sia pathian theampo sangin a let zawkna tu in ka he hi, banghang ziam cile Egypt te in Israel te tua bang a zawnsak vawt ciang Topa in hi bang seam hi,” ci hi.

Paunakte 15:33

Topa thasiana in pilna heakna khat ahi hi. Patoaina na saan thei ma in na kiniamkhiak masak kul tu hi.

Paunakte 18:12

A kiniamkhiak ngawlte kuama in a zakta bua hi; mihing a kisatheite sia lalna lampi zuan ahi hi.

Paunakte 22:4

Topa ii thu ni vun a, kiniamkhiak vun, tua hile hauna, patoaina le khansauna na nga tu uh hi.

Paunakte 29:23

Kisaktheina in, kiamsukna sung hong then tu a, ahizong na kiniamkhiak le hong kizakta tu hi.

Paunakte 3:34

Ama in a kisatheite zangh ngawlin, a kiniamkhiakte maipha pia hi.

Isaiah 2:17

Mihing kiphatsak nate bo tu a, mihing kisakthei nate kilalsak tu hi. Milimte mangthang siat tu a, tua ni in Topa bekma kipok tu hi.

Isaiah 54:7

“Tawmvei no sung nang kong nusia hi; itna lian taw kong pui kik tu hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Matthew 13:12

Banghang ziam cile neisa khat po a nei kholte tungah kipia thua tu hi, tam seseam a nei natu in, kipia thua tu hi; ahihang bangma a nei ngawl khat tung panin a nei sun teng zongh, kilaaksak tu hi.

Matthew 23:12

Akua po ama le ama a kiliansak sia kiniamsak tu a, a kuama po a kiniamkhiak sia, thupi in kikoi tu hi.

Luke 1:52

Ama in kumpi liante a tokhum uh panin khiasuk a, a niamte laamto hi.

Luke 14:11

Banghang ziam cile ama le ama a kiliansakte kiniamsak tu a, ama le ama a kiniamkhiak te kiliansak tu hi.”

Luke 18:14

A tatak ka ci ciang, Pharisee pa bang hi ngawlin shiadongpa sia mipha tangin cia hi. Mihing simin a kiliansakte kiniamsak tu a, a kiniamkhiakte a thupi in kikoi tu hi,” ci hi.

James 4:10

Topa mai ah noma le noma kiniamkhiak tavun, tua hile ama in hong laamto tu hi.

1 Peter 5:5

Tuasia bangma in no khangmoizawte zongh, khanghaamzawte thu na ni vun. Tuaciangin note theampo khat le khat, na na kisepsak thei natu in, kiniam khiakna awmdal sia puan bangin silh tavun; banghang ziam cile, laithiangtho in, “Pathian in a kiphasakte nalh a, a kiniamkhiakte tungah maipha pia hi,” ci hi.

1 Samuel 2:3

Na kisuantaak vazakna uh teng kheal vun; Na kiphatsak kampaute thimsak vun. Banghang ziam cile Topa sia a he a tel Pathian hi a, mihingte sepna vawtna theampo tungah thu khen hi.