James 4:5 - Syin Chin Bible

⁵ Laithiangtho sungah, “Pathian ii ih sungah hong koisak thaa sia a nasia mama lungngulnate taw kidim hi,” a ci sia thumaan ngawlin ngaisun heak vun.

James 4:5 Iomraidhean Croise

Pianciilna 26:14

Banghang ziam cile ama in tuuhon, khuihon le naseam tam mama nei ahikom Philistine te in ama eang uh hi.

Pianciilna 30:1

Ahihang Rachel in Jacob taw ta khat zongh nei ngawl hi, tua ahikom ama in a suapuinu Leah eangin Jacob tungah, “Ta hong pia tan tua ahibuale ka thi tu hi,” ci hi.

Pianciilna 37:11

Joseph ii suapuipate in ama eang uh hi, ahizong a pa in hi thute theampo a thinsung ah ngaisun nginge hi.

Pianciilna 38:9

Ahizong Onan in a tate sia ama aa ahi ngawl tu he ahikom a upa zi taw a omkhop simin, a suapuipa atu ta kuama a pian ngawl natu in a bawtui lei ah taaksak hi.

Pianciilna 6:5

Leitung ah mihing theampo bangzata seksol a, khua ngaisut a sia bebek a nei tawntungna thu Topa in a mu ciang,

Pianciilna 8:21

Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi.

Psalm Late 106:16

Tua sennealngam sungah amate in Moses le Topa ii a thiangtho naseampa Aaron a eang uh hi.

Psalm Late 37:1

Mihing seksolte hangin thinngim heak vun; khialna a vawtte eang heak vun.

Paunakte 21:10

Mi seksolte in ngilkial andu bangin siatna vawt nuam hi; amate in kuama tungah hesuakna nei ngawl hi.

Thuhilsya 4:4

Mihingte in ngual a zaw natu in banghangin nasia tak na seam ziam ci zongh ka tel zo hi, banghang ziam cile a innpaamte a een hang ahi hi. Ahihang tuasia in a luithawthong ahi hi. Tuasia in vuiva del taw kibang hi.

Isaiah 11:13

Israel kumpi ngam in Judah ngam eang nawn ngawlin, Judah te sia Israel te ngal hi ngawl tu hi.

Mi Simna 11:29

Moses in, “Kei ngaisut tu teng hong thinnuammaw ni ziam? Topa in a mite theampo tungah a thaa pia in, kamsaangte bangin amate theampo ausak le ka uuk hi,” ci in zo hi.

Mi Simna 23:19

Pathian sia a leilot thei mihingte taw kibang ngawl a; Ama sia a thin a kheal papai mihing hi ngawl hi. A kamciamna babang seam a; A pau bangin taangtung hi.

John 10:35

Laithiangtho ii ci sia a tawntungin maan hi, ci in ih he hi; tuaciang Pathian ii thupuak a nga tua mite sia ‘pathiante’ ci hi.

John 19:37

Laithiangtho mundang khat ah, “Mihingte in amate ii holletpa sia a en tu uh hi,” ci si hi.

John 7:42

Laithiangtho ii ci bangin Messiah sia David Kumpipa suan hi tu a, David teenna khua ahi Bethlehem ah suak tu hi,” ci uh hi.

Sawltakte 7:9

“Jacob tate in a suapui Joseph sia eang uh a, Egypt ah sila in na zuak uh hi. Ahihang ama taw Pathian omkhawm hi.

Romete 1:29

Amate in ngitlona, siatna, duhopna le kilalsak theina namcinte taw kidim a; ki eenna, kisuamlupna, kihauna, ngualtheamna le siatvawt nopna thin taw kidim uh hi. Amate nawnsan a,

Romete 9:17

Banghang ziam cile Laithiangtho in Egypt kumpipa tungah a cina pan, “Hi tupna hang le ka vaangletna lak in, leitung theampo ah ka min a kiheak natu in, kumpi kong suaksak a nang kong zangh hi,” ci hi.

1 Corinth te 6:19

Na pumpi uh sia Pathian hong piak, note sungah a teang Thaa Thiangtho ii biakinn ahi hunlam he ngawl nu ziam? Note pumpi sia noma neisa hi ngawl a, Pathian neisa ahi hi;

2 Corinth te 6:16

Pathian ii biakinn sia doai biakna milimte taw bangbangin thukimna vawt thei tu ziam? Banghang ziam cile eite sia a nungta Pathian biakinn ih hi hi! Pathian in: “Ka mite sungah ka inn ka vawt tu a, amate sungah ka teang tu hi; keima in amate Pathian ka hi tu a, amate in keima mihingte ahi tu uh hi,” ci hi.

Galatia te 3:8

Pathian in Gentile te sia upna tungtawnin thutang suaksak tu hi ci in laithiangtho in sonkhol hi. Tua ahikom laithiangtho in Lungdamna Thupha sia Abraham tungah, “Nang tungtawnin Pathian in mihing nam theampo thupha pia tu hi,” ci in son hi.

Titus 3:3

Banghang ziam cile, eima zongh khatvei lai in, a mawmaw, thu ni ngawl le a khial thei mi ih hi ngei hi. Ci le sa deina le nopsakna namcin ii sila ih hi ngei hi. Ih nuntakna sia hazatna le eenna taw ih zangh hi; ngual in hong ensan a, tuaciang ei zongh in ih ensan hi.