James 4:4 - Syin Chin Bible

⁴ Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.

James 4:4 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Psalm Late 21:8

Kumpipa in a ngalte pummat siat tu a, ama a ensan theampo man tu hi.

Psalm Late 50:18

Nguta na mu theampo ii lawm na hi uh a palngul mawneite taw na kipawl uh hi.

Psalm Late 73:27

Nang hong taisante lalcip nanak tu a; nang tungah hong thumaan ngawlte na susia tu hi.

Isaiah 57:3

No, mimawte awng, thu khenna thuak tu in hi munah hong pai tavun! Note in aisaante, nupa kipalngulte, le pumpi zuak numeite sangin na phazaw tuan bua uh hi.

Jeremiah 2:2

“Na khangno lai in na thumaanna ih kiteen sawng lai a kei nong itnate ka phawk hi; sennealngam, an kicing ngawl leitang kaantanin kei nong zui hi.

Jeremiah 9:2

Ka mite taisan thei in sennealngam sungah om natu mun khat nei leng ka uuk hi. Amate sia a thu maan ngawl vive, ngual a leeheak honkhat hi uh hi.

Ezekiel 16:32

Nang sia na pasal na it taangin khualmite taw palngul mawna a vawvawt numei sia taw na kibang hi.

Hosea 3:1

Topa in kei tungah, “Pai kik ta'n a, a lawmpa taw nang hong palngul numei tungah na itna lak ta'n. A milimte sapitnga ko pia thanuam in pathian dangte zuan kale Israel mite ka it veve bangin tua nu it nanak tu ni hi,” hong ci hi.

Matthew 12:39

Jesus in, “Tu hun mihingte sia, bangzata in sia a, Pathian nei ngawl ziam! Nalamdang lakna hong ngen na hi uh ziam? Hong pia ngawl tu khi hi! No tung a hong kipia tu nalamdang lakna in kamsaangpa Jonah, nalamdang lakna sia bek hi tu hi.

Matthew 16:4

Hi hun ah mihingte bangza in khansia a Pathian um ngawl ziam? Nalamdang lakna hong ngen na hi uh ziam? Vawt ngawl tu khi hi! Jonah nalamdang lakna khat sia bekma note tungah hong kipia tu hi,” ci hi. Tuaciang, amate nusia in paisan hi.

Matthew 6:24

“Kuama in to nii ii sal hi thei ngawl hi. Ama in khat ensan tu a, khat it tu hi; khat ii tungah thumaan tu a khat puavawk tu hi. Pathian le sum ii sal na seam khawm thei buatu hi.

Luke 19:27

Tu in a kumpipa tu in hong dei ngawl ka ngalte, hi munah hong paipui tavun a keima mai ah that vun,’ ci hi,” ci in son hi.

John 15:19

Note leitung neisa hi le uhte leitung in ama aituam bangin hong it tu hi. Ahihang hi leitung panin note kong teal zo a, note leitung neisa na hi nawn bua uh hi; tua hu in leitung in note hong ensan hi

John 17:14

Na thupuak amate ka pia a, tuasia ciang leitung in amate ensan hi, banghang ziam cile keima leitung ii neisa ka hi ngawl bangma, amate leitung ii neisa ahi bua hi.

John 7:7

Leitung in note hong ensan thei ngawl tu hi, ahihang kei hong ensan hi, banghang ziam cile, amate ii paiziate pha ngawl hi, ci in ka son tawntung hi.

Romete 5:10

Eite in Pathian ngalte ih hi laitakin, a Tapa thina tungtawnin eite sia ama taw a kilem a lawmte hong suaksak hi. Tu in Pathian lawmte hi zo ih hi le Christ nuntakna in bangza in hong ngum zaw kan lai tu ziam!

Romete 8:7

Tua ahiciang mihing khat sia mihing pianzia in a uk le Pathian ngal suak hi; banghang ziam cile ama in Pathian thukham ni ngawl hi, a tatakin ni thei ngawl hi.

1 Corinth te 1:20

Tua ahile mihing ciimte, pilna saang neite, ahibuale leitung ah thu kinialna a thiamte sia bang suak tu ziam? Hi leitung ciimna sia mawmawtna hi ci in Pathian in lak zo hi!

1 Corinth te 1:21

Banghang ziam cile Pathian in ama ii ciimna hong zangh a, mihingte in amate ciimna taw Pathian a heak zawk ngawl natu in vawt hi. “Mawmawt” thu hi a ci uh kote thuhilna taw, Pathian in thu umte ngup tu in khensat zaw hi.

Galatia te 1:10

Hi bang a ka awsua sia mihingte ii diksak tu hi na sa uh ziam? Hi ngawl het hi! Pathian ii diksak tu bek ka deina hi! Mihingte maipha nga nuamin a hanciam ka hi ziam? Tuabangin hanciam lai ka hile Christ ii naseam khat ka hi buatu hi.

James 1:27

Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.