James 4:3 - Syin Chin Bible

³ Tuaciangin na nget uh ciang, na nga bua uh hi, banghang ziam cile na niimnate pha ngawl hi; noma nopsak natu sung bek ah na zak tu uh nate na ngen uh hi.

James 4:3 Iomraidhean Croise

1 Kumpite 3:11

tua ahikom ama munah, “Nangma atu in khansauna ahizong, hau natu ahibuale na ngalte thi natu ahizong, hong ngen ngawlin thutang takin uk thei natu ciimna hong ngenzaw na hikom,

Job 35:12

Amate hu ngenin au ahihang Pathian in zo ngawl hi, banghang ziam cile amate a kiphasak misiate ahi hi.

Psalm Late 18:41

Amate in hu ngenin au ahihang kuama in amate hun ngawl hi. Amate in Topa biakpui hi, ahihang Ama in a zo bua hi.

Paunakte 1:28

Tuaciang ciimna nong kan tu a, ahihang kong zo buatu hi. Mun theampo ah hong zong ka lete zong nong mu buatu hi.

Paunakte 15:8

Mihing phate thunget ciang Topa lungkim hi; ahihang mihing seksolte hong paipui sa ngaw biakpiaknate ensan hi.

Paunakte 21:13

Mizawngte auna aw ngai tu na nial le, hu tu dei a, nangma ii hu ngetna aw hong kizaaksak ngawl tu hi.

Paunakte 21:27

Mihing seksolte ii sangaw biakna a piak ciang, a tuanin ngitlo thin taw a pia le Topa in huatsa hi.

Jeremiah 11:11

Tua ahikom tu in, keima, Topa in amate tungah siatna ka tunsak tu le kuama a suatak ngawl natu in thu ka sonkhol hi. Amate kapin huna hong nget ciang zong ka ngai buatu hi.

Jeremiah 11:14

Jeremiah awng, hi mihingte taangin kei tungah thu hong ngen heak in a, hong pakaai heak in. Amate sia ngim nga in a hu tu in kei hong sap ciang amate ka ngai buatu hi,” hong ci hi.

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Micah 3:4

Topa tungah na ko tu hun hong theng tu a, ahihang ama in hong zo ngawl tu hi. Note thungetna ama in hong ngai ngawl tu hi, banghang ziam cile a sia na vawt uh hi.

Zechariah 7:13

Ka pau ciang hong ngai ngawl uh ahikom, thu hong nget uh ciang ka zo bua hi.

Matthew 20:22

Tapate nii munah Jesus in, “Na nget uh sia bang ziam ci in tel ngawl nu hi. Hi thuakna hai ka dawn tu sia dawn zo natu nu ziam,” ci hi. “Dawn zo tu khu hi,” ci uh hi.

Mark 10:38

Jesus in amate munah, “Nong nget uh sia bang ziam ci in na tel bua uh hi. Ngim thuakna hai ka dawn tu sia dawn thei natu nu ziam? Kei ii ki baptize bangin, no zongh ki baptize thei natu nu ziam?” ci hi.

Luke 11:10

Banghang ziam cile a ngente theampo in nga tu a, a zongte theampo in mu tu hi; a king pawpo tungah kongkha kihon tu hi.

Luke 15:13

Ni tawmvei zawkciangin, a tapa nozaw sia in, ama ii neisa teng zuak siat a, inn nusia in a sum teng taw pusuak hi. Ngam khualana khat ah pai a, tua munah a sum teng zangh maai siat hi.

Luke 15:30

Ahihang hi na tapa in pumpi zuak numeite tungah a sum teng zangh tum siat a, tuaciang inn hong thet ciangin khuino thau sia ngaw ni hi!’ ci hi.

James 4:1

Note sungah kihauna le kidona teng sia koisung pan hong pai ziam? Na sungah a kido tawntung leitung nopna na deina uhte pan hong pai ahi hi.

1 John 3:22

Ama thupiakte zui a, ama diksak bang ih ngamtat manin, ama tung pan ih nget pawpo ih nga hi.

1 John 5:14

Eite in Pathian mai ah thinhanna ih nei hi, banghang ziam cile ama deina taw kisi in bang khat po ih ngen le ama in hong za hi, ci in ih muang hi.