James 4:2 - Syin Chin Bible

² Nate dei a, na nga thei ngawl uh ciangin, ngual thatlum tu in na kingingta uh hi; nate nasia takin na dei uh a, ahizong na nga zo bua uh hi, tuasia ciangin na kihau uh a, na kido uh hi. Na dei uhte na nga ngawl uh sia, banghang ziam cile Pathian munah na ngen bua uh hi.

James 4:2 Iomraidhean Croise

1 Kumpite 21:6

Ama in, “Naboth ii kei tungah hong ci teng hang hi. A sapithuan lei tu in ka paupui a, a uuk le zong huan dang khat piak tu in ka ci hi, ahihang ama in tua huan sia na neisa suak thei ngawl tu hong ci hi!” ci in zo hi.

Paunakte 1:19

Mihing suamna in a suamte nuntakna siik kik vaciat hi, ngoltolna taw a nungta khat pawpo tungah tuabang ma in tung hi.

Thuhilsya 4:8

Hi sungah ama nguakin a teang khat om hi. Ama in tapa le nei ngawl, suapui le nei ngawl hikale ama sia na seam tawntung a, bangma hunin a hauna taw lungkim ngeingawl hi. Ama le ama nopsaknate nialin, akua atu in nasia takin na seam ziam? Tuasia zongh luithawthong hi a, tuaciang a ngim huai mama nuntakzia ahi hi.

Isaiah 7:12

Ahaz in, “Limlakna ngen ngawl tu khi hi. Topa ze et nuam ngawl khi hi,” ci in zo hi.

Habakkuk 2:5

Hauna in hong theam thei hi. A duhop a huaiham mihingte kiphasakin thim om thei ngawl hi — thina mama taw kibangin amate lungkim hun nei ngawl hi. Tua hu in amate in ngam khat zawkciang ngam khat amate atu in suanthal hi.

John 16:24

Tuciang dong kei min suangin, bangma na ngen bualai uh hi; na lungdamna uh a pawlcin thei natu in, ngen vun na nga tu uh hi.

John 4:10

Jesus in, “Pathian in bang teng pia a, nang tungah tuineak tu hong ngen sia akua ziam, ci thu tel thong lete nangma in ama munah na ngen tu hi, tuaciang ama in nuntakna tui hong pia tu hi,” ci hi.

James 1:5

Ahihang note khat po in, ciimna na nei buale, a pia tu pa Pathian tungah thu ngen tahen; banghang ziam cile Pathian in ngo tatak le thuthiam takin, a kuama theampo tungah pia hi.

James 5:6

Mawna nei ngawl mihingte mawsak in, na thatlum zo uh hi, tuaciang amate in no hong nalh ngawl uh hi.

1 John 3:15

Ngualdang a ensan peuma sia mihing that hi a, mihing that khat in, ama sungah tawntung nuntakna nei ngawl hi ci in na he uh hi.