James 4:16 - Syin Chin Bible

¹⁶ Ahihang no, tu in kiphasak a, kisuangtaak nu hi; tuabang kisuantaakna theampo sia maan ngawl hi.

James 4:16 Iomraidhean Croise

Psalm Late 52:1

Milian pa awng banghangin na siatna kiphatsak pui ni ziam? Pathian thumaanna sia a tawntungin kip hi.

Psalm Late 52:7

“En vun, ngammuan natu Pathian a suang ngawl, hi sungah mihing khat om a, ama in a nei a lamh tampite suang a, seksol ngamtatna taw ngammuanna zon a sawm zaw hi,” hong ci tu uh hi.

Paunakte 25:14

Piak tu kamciam napi a pia ngeingawlte sia nguatui paai ngawl meeikaai le vuite bang ahi hi.

Paunakte 27:1

Zing ciang thu taw kisai in kisuangtaak khol heak vun. Tua hun le tu kilaklaw bang piang tu ziam na he bua uh hi.

Isaiah 47:10

“Na phat ngawlnate sungah nangma le nangma na thin na muang a; kuama in hong mu thei buan te ci in ngaisun ni hi. Na ciimna le na pilna in nangma lam hong pialsak a, Nangma le nangma, ‘Keima in Pathian ka hi hi — kei bang a dang khat zongh om ngawl hi,’ na kici hi.

1 Corinth te 5:6

Note na kiphatsak thei natu bangma om ngawl hi! Kam teptee khat ah “Tol tawmno khat in anvuinoai bup pawmsak hi,” ci hi.

James 3:14

Ahihang na thinsung ah eenna, thin natna le duhopnate a om le, na ciimna na kiphatsakpuina taw thumaan thutak sia langpanin mawna vawt heak in.

1 John 2:16

Leitung neisa ahi — hong mawsak thei eima atu lungngulnate, mite ii mit taw mu in a dei sia le mihingte kiphatsakpui leitung na theampo — hite sia khat beak zongh Pa kung pan hong pai ahi bua hi; a vekpi in leitung pan hong pai ahi hi.

Thupualaakna 18:7

A minthanna le a nopsaknate ama le ama a kipiakna taw kizui in, ngimna le heena na thuaksak in. Banghang ziam cile ama in: ‘Hi sungah kei sia kumpinu in to khi hi! Kei sia meingong hi ngawl khi hi. Khuangai ngeingawl tu khi hi!’ a kici hi.