James 4:10 - Syin Chin Bible

¹⁰ Topa mai ah noma le noma kiniamkhiak tavun, tua hile ama in hong laamto tu hi.

James 4:10 Iomraidhean Croise

2 Khangtaanghthu 7:14

amate in kei tungah thungenin kisiik kikin a tatsiat ngamtatnate a nungngat le, tuaciang a thungetnate vantung pan ka za tu a, a mawnate maisak in a ngam a lei ngamnuam ka suaksak kik tu hi.

Job 22:29

Pathian in a kiphasakte khia suk a, a kiniamkhiakte hun hi.

Job 5:11

Hi hi, a kiniamkhiakte a laamto le, a khuangai theampo lungdamna a pia sia Pathian hi.

Psalm Late 113:7

Ama in leivui sung panin mizawngte phongto hi; a kitasamhte a lungmanna panin laamto hi,

Psalm Late 147:6

Ama in a kiniamkhiak te laamto a, ahihang a seksolte lei ah sucip hi.

Psalm Late 27:6

Tua ahikom ka kiim a ka ngalte tungah zawna mualsua na ka nei tu hi. Lungdamna taw au in a Biakinnpi sungah sangaw biakpiakna ka pia tu a; lasa in Topa ka pok tu hi.

Psalm Late 28:9

Topa awng, na mite hun in a, nangma neisate thupha pia in. Amate ii tuucingpa hi in a, amate keamcing tawntung in.

Psalm Late 30:1

Topa awng, Nangma in kei hong hun zo na hikom, Nang kong pok hi, tuaciang kei tungah ka ngalte in nong enthawsak bua hi.

Pusuana 10:3

“Tua ahiciang kumpipa kungah Moses le Aaron pai in, “Topa, Hebrew te ii Pathian in, ‘Kei tungah nong kiniamkhiak tu, bang tanvei hong nial lai tu ni ziam? Kei hong biak thei natu in, ka mite paisak in.

Paunakte 29:23

Kisaktheina in, kiamsukna sung hong then tu a, ahizong na kiniamkhiak le hong kizakta tu hi.

Ezekiel 21:26

Keima, Vaanglianpipa Topa in son zo khi hi. Na kumpilukhu le na dialkhip suut in. Khat zongh a ngei bang hi kik ngawl tu hi. Mizawngte a vaang nei tu in laamto in! A uk uliante khiasuk in!

Matthew 23:12

Akua po ama le ama a kiliansak sia kiniamsak tu a, a kuama po a kiniamkhiak sia, thupi in kikoi tu hi.

Luke 1:52

Ama in kumpi liante a tokhum uh panin khiasuk a, a niamte laamto hi.

Luke 14:11

Banghang ziam cile ama le ama a kiliansakte kiniamsak tu a, ama le ama a kiniamkhiak te kiliansak tu hi.”

Luke 18:14

A tatak ka ci ciang, Pharisee pa bang hi ngawlin shiadongpa sia mipha tangin cia hi. Mihing simin a kiliansakte kiniamsak tu a, a kiniamkhiakte a thupi in kikoi tu hi,” ci hi.

1 Peter 5:6

Pathian ii thahatna khutnuai ah kiniamkhiak vun, tua hile ama ii hunpha hong tun ciangin ama in hong laamto tu hi.

1 Samuel 2:7

Ama in mihing pawlkhat zawngkhalsak a, pawlkhat hausak hi; pawlkhat sia ama in kiniamkhiaksak a, pawlkhat liansak hi.

1 Samuel 2:9

“Ama in a thumaan a mite ii nuntakna dal hi, ahihang a seksolte sia khuazing sungah mang hi; mihing khat in ama hantang tha ngum hatna taw mualsuak zo ngawl hi.