James 4:1 - Syin Chin Bible

¹ Note sungah kihauna le kidona teng sia koisung pan hong pai ziam? Na sungah a kido tawntung leitung nopna na deina uhte pan hong pai ahi hi.

James 4:1 Iomraidhean Croise

Jeremiah 17:9

“Akua in mihingte thinsung tel thei ziam? tuabangza a ngualtheam thei dang bangma om ngawl hi; a natna sia nasia leih ahikom dam thiang zo ngawl tu hi.

Matthew 15:19

Banghang ziam cile a thinsung panin, ngitlo ngaisutnate hong pai a, ama sia mihing thalup natu, palngul natu, numei le pa khial natu; sutol natu, leilot natu le ngual min siatsak natu, in lamlak ahi hi.

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

Romete 7:23

Ahihang ka pumpi sungah ngeina dangkhat in na hong seam hi — ka thinsung ii dik a sak ngeina sia a langpan ngeina khat sia ahi hi. Ka pumpi sung a na hong seam mawna taw kisai thukham ii thongtaakpa hong suaksak hi.

Romete 7:5

Banghang ziam cile mihing pianzia bangin ih nuntak laitakin Thukham ii holna taw maw nopnate in ih pumpi sungah na hong seam a, tuaciang thi theina nasepna sungah eite ih kiva mama hi.

Romete 8:7

Tua ahiciang mihing khat sia mihing pianzia in a uk le Pathian ngal suak hi; banghang ziam cile ama in Pathian thukham ni ngawl hi, a tatakin ni thei ngawl hi.

Galatia te 5:17

Banghang ziam cile ih mihing pianzia ii deite sia Thaa ii deite taw kilangpan hi, tuaciangin Thaa ii deite sia mihing pianzia ii deite taw kilangpan hi. Hite nii in kingal hi, na ngamtat nop uh bangin na ngamta thei bua uh hi a cinopna hi.

Colossae te 3:5

Note in na sungah na hong seam leitung deinate na thisak uh kul tu hi, tuate sia numei le pa khialna, kiihuai ngamtatna, cii le sa deina zui nopna, ngamtat sia tatnopna, duhopna (duhopna sia milim biakna nam khat ahi hi) te ahi hi.

2 Timothy 2:23

Ahihang mawmawthuai le telmeal om ngawl kam kinialnate na pial in, tuate sia kihauna taw tawp ahi sia na heak ahi hi.

Titus 3:3

Banghang ziam cile, eima zongh khatvei lai in, a mawmaw, thu ni ngawl le a khial thei mi ih hi ngei hi. Ci le sa deina le nopsakna namcin ii sila ih hi ngei hi. Ih nuntakna sia hazatna le eenna taw ih zangh hi; ngual in hong ensan a, tuaciang ei zongh in ih ensan hi.

Titus 3:9

Ahihang a mawmawthuai kam kinial nate, taanghpupite khang simna saute, kihauna le thukham huvau khat le khat kinialna te na pial tavun. Tuate sia phattuamna om ngawl a, man nei ngawl hi.

James 1:14

Ahihang mihingte sia, amate ii a pha ngawl deinate in kai a, a awk ciang, ze etna thuak ahi hi.

James 4:3

Tuaciangin na nget uh ciang, na nga bua uh hi, banghang ziam cile na niimnate pha ngawl hi; noma nopsak natu sung bek ah na zak tu uh nate na ngen uh hi.

1 Peter 1:14

Pathian thu ni vun, tuaciang bangma na heak ma na nei uh, deinate in na nuntakna uh uksak heak vun.

1 Peter 2:11

Hi leitung ah khualmite le ngaltaite ahi no ka lawmte tungah hi bangin, kong thuum nuam hi! Na pumpi cii le sa deinate zawp heak vun, tuate in thaa taw kido tawntung uh hi.

2 Peter 2:18

Amate in kiphatsakna le mawmawt kamte pau a, tuaciangin khialna sung pan a suakta tu a kipan tuungte zongh pumpi lungngul khialnate zanghin aitaa uh hi.

2 Peter 3:3

A masa phitin, hi hun khakbel sungah, a nuntakna uh pumpi deinate ii a uksak mihing pawlkhat hong pian tu sia na heak tu ka dei hi. Amate in hong nunau tu a,