James 3:9 - Syin Chin Bible

⁹ Leei sia ih Topa le Pa tungah lungdamkona in ih zangh a, Pathian taw a kisunin a kivawt ih mipuite haamsiatna in ih zangh si hi.

James 3:9 Iomraidhean Croise

Pianciilna 5:1

A nuai a teng sia Adam suan le paalte ahi hi. (Pathian in mihing a bitphua lai in, ama taw a kibangin vawt hi.

Pianciilna 9:6

Mihing sia Pathian taw kibangin kivawt ahikom mihing khat a that pawpo sia ama ii mipuipa in thatlum tu hi.

2 Samuel 16:5

Kumpipa David sia Bahurim a thet ciangin Saul mealheak khat, Gera ii tapa Shimei sia ama taw kisi tu in hong pai in ama haamsiat hi.

2 Samuel 19:21

Zeruiah ii tapa Abishai hong pau a: “Shimei sia thalup tu hi, banghang ziam cile Topa ii kumpi tu in a teal pa haamsiat hi,” ci hi.

1 Khangtaanghthu 29:10

David kumpipa in a kikhawm mihonpi bup mai ah Topa pok hi. Ama in, “Ka taanghpupi Jacob ii Topa Pathian awng, a tawntung a tawntungin nangma kipok tahen!

1 Khangtaanghthu 29:20

Tua zawkciang David in mipite tungah: “Topa na Pathian pok vun!” ci in thupia hi. A kikhawm mihonpi bup in Topa a taanghpupite ii Pathian pok in, a lu uh kun in Topa zatakna pia uh a, kumpipa zongh upatna pia uh hi.

Psalm Late 10:7

A kam uh sia haamsiatna, theamna le ngual tawnna taw kidim a; amate in ngaimawkna le ngitlona kammalte pau memeang hi.

Psalm Late 108:1

Lungmuanna a cingin ka nei hi, Pathian awng! La ka sa tu a, kong pok tu hi! Khanglo in, ka thaa awng!

Psalm Late 145:1

Na letna ka thangsak tu hi, ka Pathian le ka kumpipa awng; a tawntung a tawntungin lungdam kong ko tu hi.

Psalm Late 145:21

Topa ka pok tawntung tu hi; ama bitphua sa nuntakna nei theampo in a min thiangtho a tawntungin pok tahen.

Psalm Late 16:9

Tua ahikom kei sia lungdamko nopna le lungdamna taw ka kidim hi, tuaciangin ngammuanna a cing takin nei ka kisa hi,

Psalm Late 30:12

Tua ahikom ka thim om buatu a, nang pokna la kong sak tu hi. Topa awng, nangma in ka Pathian na hi a, a tawntungin lungdam kong ko tu hi.

Psalm Late 34:1

Topa tungah lungdam ka ko tawntung tu a, ama pokna ka tawlnga ngei buatu hi.

Psalm Late 35:28

Tuasia ciang na thutang ka thangsak tu a, nitangtumin kong pok tu hi.

Psalm Late 51:14

Pathian awng, ka nuntakna hong khoaikhe ta'n a, hong hun ta'n, tuaciang thutang na hina lungdam takin ka thangsak tu hi.

Psalm Late 57:8

Ka thaa awng, khanglo in! Ka tengtongh le ka liamlo awng, hong khanglo tavun. Tung sunni ka phong tu hi.

Psalm Late 59:12

Mawna sia amate muk ah om hi; amate kammal theampo mawna vive ahi hi; a kiphatsakna sungah amate awkvalh tahen! Amate in longsia le leilot thu zangh ahikom,

Psalm Late 62:4

Ama vaang a kipiakna dinmun panin a khiasuk nuam bek hi thong nu hi; note in leilot thusonna sungah nuam na sa uh hi. Thupha piakna kammalte na zak uh hang, na thinsung uh ah ama na haamsiat uh hi.

Psalm Late 63:4

Ka nuntak lai teng lungdam kong ko tu hi; ka khutte laamto in thu kong ngen tu hi.

Psalm Late 71:24

Nitangtum in thutang na hina ka son tu hi, banghang ziam cile kei hong vawtsia nuamte kizo thal zo a, kimaizumsak zo hi.

Thuhilsya 7:22

Nangma zongh in midangte tamvei mama na sonsiat sia kihe nginge ni hi.

Isaiah 29:13

Topa in, “Hi mihingte in kong bia tu uh hi hong ci a, ahihang amate kammalte sia khiakna nei ngawlin, a thinsung in thudang ngaisun hi. Amate biakna sia bangma hi ngawlin, a teptee pak uh mihingte zui tu ngeinate bekma hi lel hi.

Matthew 26:74

Tuasia ciang Peter in, “Thumaan son khi hi, ci in kiciam ing! thumaan son ngawl ka hile Pathian in daan hong pia tahen! Mihing ziasia pa he ngawl khi hi!” ci hi. Tua zawk hiat ciangin ak khuang hi.

Matthew 5:44

Ahihang kei kong cina pan: na ngalte it vun a, hong vawtsiate atu thungetsak vun.

Sawltakte 2:26

Hi thu hangin lungdamna taw ka kidim a, tuaciang ka kammalte in lungdamna taw kidim hi. Tuaciang kei sia a thithei ka hi hangin, muanmawkna sungah, thin muangin ka tawlnga tu hi,

Romete 3:14

a kam uh sia longsia khakngal taw kidim hi.

1 Corinth te 11:7

Pasal khat in a lu seal kul ngawl hi, banghang ziam cile ama in Pathian lim le vaangletnate, ama tung panin kilanghsak hi. Ahihang numei in pasal vaangletna a kilanghsak hi;

Ephesus te 1:3

Ih Topa Jesus Christ ii Pa le Pathian tungah lungdamko tawng! Banghang ziam cile Christ taw kipumkhatna sungah ama in eite sia vantung ngam taw kisai thaa thupha theampo hong pia hi.

James 1:27

Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.

James 3:10

Lungdamkona le haamsiatna kammalte sia kamhawng khat sung panin pusuak khawm hi. Ka suapuite awng, tubang hi tu kilawm ngawl hi!

1 Peter 1:3

Topa Jesus Christ ii Pa le Pathian tungah lungdamko tawng! Hong hesuakna lian ahikomin, Jesus Christ sia thina pan a thawsak kikna taw nuntakna thak eite hong pia hi. Hi sia in a nungta lametna taw hong dimh hi,

Thukhente 9:27

Amate sia a sapithuante sungah pai siat in sapitnga lo a, sapittui a vawt zawk uh ciang poai khaam uh hi. A pathian biakinn sungah amate tumin tua munah ne in dawn in om a, Abimelech simmawkna kam pau uh hi.