James 3:8 - Syin Chin Bible

⁸ Ahihang kuama in leei sia a zualsak zo ngei bua hi. Leei sia, sia a, uk thei hi ngawlin, thi theina nguu taw kidim hi.

James 3:8 Iomraidhean Croise

Psalm Late 140:3

Amate ii leeite sia hong thisak thei ngulte taw kibang a; amate kammal in ngulsok ii nguu bang ahi hi.

Psalm Late 55:21

A kammal ahile noaidiat sangin neal zaw ahihang, a thinsung ah etsatna om hi; a kammalte sia sathau bangin neal a, ahihang tuate in namsau hiamte bangin bantan hi.

Psalm Late 57:4

Ngalte in kei hong kiim uum a, amate sia mihing sa a du tawpite bang ahi uh hi. Amate ii hatangte sia tei bang thaltang bang ahi uh hi; amate ii leeite sia a hiam namsau bang ahi uh hi.

Psalm Late 58:4

Amate sia ngulte bangin nguu taw kidim hi; amate in ngulsok nangong bangin a bil uh huh hi,

Psalm Late 59:7

Amate ii hong selnonate le hong tawnnate ngai in. Amate ii kam sungah om a leei sia namsau taw kibang ahitazong, kuama in amate pau za ngawl tu in um uh hi.

Paunakte 17:20

A sia vive ngaisun a, a paute in a pha mu tu lamet thei om ngawl a — siatna bek mu tu hi.

Thuhilsya 10:11

Ngul zol thiam napi na tusak masa le ngul zol na thiam sia a phat tuamna om ngawl hi.

Romete 3:13

A kampau te in thi theina kitheamna thu taw kidim a; a leei uh panin leilot thu pusuak hi, a lauhuai tawnnate ngulnguu bangin a muk uh panin pusuak hi;

Thuhil kikna 32:33

sapittui sia ngulngu taw vawt bang ahi hi.

James 3:6

Tuaciang leei sia meikuang taw kibang hi. Ama sia khialna omna leitung hi a, ih pumpi sungah mun la in hong om a, ih pumpi bup tungtawnin thusia kizelsak hi. Hell pan a hong pai meikuang taw in nuntak sung tawntung hong hal hi.

James 3:7

Mihing in a nungta dang theampo — duisung nganhingte, vacimte, awmtaalin a vakte le, ngasate zualsak thei zo hi.

Thupualaakna 12:9

Tua ciangin taangh ngulpui lian Doaimangpa ahibuale Satan a kici leitung bup a theampa ngulpui lian mama sia, ama ii lalang theampo taw leitung ah hong kisepsuk hi.