James 3:6 - Syin Chin Bible

⁶ Tuaciang leei sia meikuang taw kibang hi. Ama sia khialna omna leitung hi a, ih pumpi sungah mun la in hong om a, ih pumpi bup tungtawnin thusia kizelsak hi. Hell pan a hong pai meikuang taw in nuntak sung tawntung hong hal hi.

James 3:6 Iomraidhean Croise

2 Samuel 16:20

Tua zawkciang Absalom in Ahithophel sang nga in, “Tu in hi sungah ei teng om ci leang ih ngamtat natu ngaisutna bang hong pia tu ni ziam?” ci in dongh hi.

2 Samuel 19:43

Israel te in, “Ama sia noma mi khat hikale David kumpipa tungtaang ah no sangin koma in see sawm bang a tamzaw in thu nei khu hi. Banghangin hong no mu nu ziam? Kumpipa ciapui kik natu kam a nging phitsak sia koma khu hi, mangil heak vun,” ci in zo kik hi. Ahihang Judah mite ii a cite sia Israel mite kampauna sangin nasia zaw in khalh zaw hi.

2 Khangtaanghthu 13:17

Abijah le a ngalkaphonpite in Israel te zocip a, — Israel ngalkap phabel tul za nga that uh hi.

Psalm Late 140:3

Amate ii leeite sia hong thisak thei ngulte taw kibang a; amate kammal in ngulsok ii nguu bang ahi hi.

Psalm Late 64:3

Amate in a leei uh namsau bangin taat hiam uh a, tuaciang kamsia pau tu in thaltang kap tu bangin eal uh hi.

Paunakte 15:1

Awneam taw kizona in thin uukna thaisak a, ahihang awtawlok in thinsosak hi.

Paunakte 16:27

Mihing ngilote in ngualdangte ngim nga natu in lam zong uh hi; amate kammalte mama ngitlona taw kuang hi.

Paunakte 7:5

Tuate in ngual zite kung panin nang hong keam tu hi, zolna kampau thei numeite kung panin hong keam tu hi.

Isaiah 30:27

Topa ii vaangletna le minthanna sia a khuala panin kimu thei hi. Mei le meikhu in Topa ii thin uukna lak hi. Ama pau a, a kammalte mei taw kibangin kuang hi.

Isaiah 50:11

Ngualdangte lalcipsak tu a sawm note theampo sia noma ii sawmnate in noma hong lalcipsak tu uh hi. Topa ama mama in hi thu piangsak tu hi; thinngim lungmanna na thuak tu uh hi.

Jeremiah 20:10

Mihing theampo kihuau a, “Mun theampo ah launa om hi! Tua ahikom thu neite tungah ama khia tawng!” a ci ka za hi. Ka itbel ka lawmte ngawngawn zongh in ka puk tu bek ngak uh hi. “Kitheam zo tha tu hi; tuasia ciang ih man thei tu a, phu ih lam tu hi,” amate in ci uh hi.

Jeremiah 28:16

Tua ahikom Topa ama mama in nang kong heam tu hi ci hi. Tu kum bo ma in na thi tu hi, banghang ziam cile Topa langpan tu in mipite na son zo hi,” ka ci lai hi.

Mi Simna 25:2

Tua numeite in Moab pathian a kibiakna mun sangaw biakpiakna poai ah amate sam uh hi. Israel te in an ne in,

Mi Simna 31:16

Balaam thu zui in Peor ah mipite Topa mai ah thumaan ngawl a suaksak sia, hi numeite ahi hunlam phawk vun. Tuasia in Topa ii mihonte tungah natsia a kizelsak sia ahi hi.

Matthew 12:24

Pharisee te in hi thu a zaak uh ciang “Doaite a ukpa Beelzebul in ama ii vaangletna pia a tua hu in doaite notkeak thei hi thong zam,” ci uh hi.

Matthew 5:22

Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

Mark 7:15

A pua sang pan hong tum nate bangma in, mihing khat sia zeksa taw kisai in ninsak ngawl hi. A sung pan hong pusuak to sia in mihing khat ninsak hi zaw hi,

Luke 16:24

Tua ahikom ama in biakpui a, ‘Pa Abraham awng! Hong hesuak ta'n. Lazarus ii khutme dawn tui sungah pap in ka leei hong votsak tahen, banghang ziam cile hi mun meikuang sungah ngim nga mama khi hi’ ci hi.

Sawltakte 20:30

Noma pawlsung pan ma in, pawlkhat in thu umte sia leilot thu taw amate a zui tu in, a zol tu hun hong theng tu hi.

Sawltakte 5:3

Peter in, “Ananias awng, banghangin Satan in na thin uksak a, Thaa Thiangtho theam in, na neisate zuak man sum aheap banghangin keam ni ziam?

Sawltakte 6:13

Tua zawkciangin, leilot tetti pang tu in, mihing pawlkhat sungtangsak hi. Amate in, “Hisia pa in, a thiangtho ih Biakinnpi le Moses Thukham sia langpan tawntung hi.

Thuhil kikna 13:6

“Na suapui, na tapa, na tanu, na it na zi, na lawm phabel te ngawngawn in noma le na taanghpupite ii na biak ngeingawl uh pathian dangte bia tu in hong hanthawn ku thei tu hi.

Titus 1:11

Maizum maw in sum nga nopna bek taw, a kilawm ngawl thute a hilna uh taw, innkuan bubup buaisak ahikom, a thuson ih khaktan kul tu hi.

James 2:7

No hong kipiasa tua minphatna a sonsiate sia amate ahi hi.

James 3:7

Mihing in a nungta dang theampo — duisung nganhingte, vacimte, awmtaalin a vakte le, ngasate zualsak thei zo hi.

2 Peter 3:3

A masa phitin, hi hun khakbel sungah, a nuntakna uh pumpi deinate ii a uksak mihing pawlkhat hong pian tu sia na heak tu ka dei hi. Amate in hong nunau tu a,

3 John 1:10

Tua ahikom kong pai ciangin ama ngamtatna theampo: ko thu a cizathuai a hong sonte le a leilotna teng ka pholaak tu hi! Ahihang tua teng bek hi ngawl lai hi; Tapidaw suapuite hong pai ciangin saang nuam ngawlin, tuabang a saang nuamte ngawngawn tho in, biakinn pan hawlkeak tu hanciam lai hi!

Thupualaakna 12:9

Tua ciangin taangh ngulpui lian Doaimangpa ahibuale Satan a kici leitung bup a theampa ngulpui lian mama sia, ama ii lalang theampo taw leitung ah hong kisepsuk hi.

Thupualaakna 13:14

Nganhing masa sia ii mai ah vawt thei natu thu a nga bangin nalamdang laknate taw leitung mihing theampo theam hi. Tua nganhing in namsau taw kiliamsua napi a nungta lai nganhing sia upat natu in milim khat a vawt natu amate sawl hi.

Thupualaakna 18:23

Meiinn taang zongh nang sungah a kimu nawn buatu hi; mo le zi neipa awte zongh nang sungah kiza nawn ngawl tu hi. Na sum vawtte sia leitung theampo ah a hatbelte hi a, na ngual theamna ai taw leitung mihingte theampo na theam siat hi!”

Thupualaakna 19:20

Nganhing le tua nganhing omna mai ah, nalamdang lakna a vawt leilot kamsaangpa kiman khawm hi. (Nganhing tepteena a neite le, nganhing milim a biate sia, nalamdang laknate taw ama in theam zo hi) Nganhing le leilot kamsaangpa sia, kaan meikuang meili sungah a hingtang in kivawk khawm hi.