James 3:5 - Syin Chin Bible

⁵ Leei zongh tuabang ma ahi hi: tuasia in no ahihang, na liante huvau ah kisuangtaak thei hi. Meikuang no khat taw, duipui khat a kihal theina thu ngaisun vun!

James 3:5 Iomraidhean Croise

Job 22:17

Hi mite sia Pathian a nialte le Pathian in amate bangma law zo ngawl tu in a um mite ahi hi.

Psalm Late 10:3

A seksol pa in ama ii a sia deinate kiphatsak pui hi, a duhop pa in Topa haamsiat in nial hi.

Psalm Late 17:10

amate in mulkimna nei ngawlin kiphatsak kam pau uh hi.

Psalm Late 39:1

“Ka sep po kidawmin seam tong tuaciang ka leei zongh in mawna vawtsak bua tong; mihing ngilote hong nai laitakin bangma pau bua tong” ka ci hi.

Pusuana 15:9

A ngalpa in, “Amate ka del tu a, ka pha tu hi; a hauna teng ka hawm tu a, ka dei theampo ka la tu hi; Ka namsau ka dok tu a, a nei theampo ka la tu hi,” ci hi.

Pusuana 5:2

Kumpipa in, “Topa sia akua ziam? Banghangin ama thu ngai in Israel te paisak tu khi ziam? Tua Topa ka he bua hi; Israel te ka paisak buatu hi,” ci hi.

Paunakte 12:18

Ngaisun phot ngawl a, pauna in namsau taw saat bangin thuk bunin liamsak thei hi, ahihang ciim kampauna in damsak thei hi.

Paunakte 15:2

Mihing ciimte a pau uh ciang heakna deihuaisak a, ahihang mihing mawmawte in nawnsan thu son nuam uh hi.

Paunakte 18:21

Na kampauna in nuntakna hong keam thei a, tua ahibuale zong hong lalsak thei hi; tua ahikom na kammal tung pan a piang thute lungkimin na thuak kul hi.

Paunakte 26:20

Thing om buale mei mit hi; thu nawnsan om buale kihauna bo hi.

Jeremiah 18:18

Tuaciang mite in, “Jeremiah taw kisai in na pawlkhat seam sin tawng! Hong hil tu in thiampite, ngaisutna hong pia tu in miciimte le Pathian ii thupuak a thangsak tu in kamsaangte om tawntung tu hi. Ama tungah thu ih vawt tu a, ama thuson peuma ih ngai buatu hi,” ci uh hi.

Ezekiel 28:2

Ama in, “A thithei mihing awng, Tyre khua ukpa tungah Keima, Vaanglianpipa Topa ii ka ci teng son in: Kiphatsakna taw kidimin, pathian khat ka hi na ci hi. Tuipite kiim uum kumpi tokhum tungah pathian khat bangin ka to hi, na ci hi. Nang sia pathian khat bangin kiheang hikale te, tuabang hi ngawl ni hi, thithei ni hi, pathian pianzia na nei bua hi.

Ezekiel 29:3

Hi thu Vaanglianpipa Topa ii Egypt kumpipa tungah a ci ahi hi: Ngun sungah a om awle pui awng, kei sia nangma ii ngal ka hi hi. Nile ngun sia nangma vawt sa hi a, nangma neisa hi na ci hi.

Daniel 3:15

Tua ahiciang tu in lemlete, oboe te, liamlo te, zither te, tengtonghte le a dang tum thei tuatuam theampo ii aw na zaak po uh ciang kun in tua milim bia vun. Na bia bua uh le, thakhat thu in a lingh meiphual sungah hong kikhia tu hi. No hong hun zo tu pathian khat pawpo om tu in um nu ziam?” ci hi.

Daniel 4:30

ama in, “En vun, Babylon khua bangzata lian ziam! Ka vaangletna, ka thahatna, ka minthanna le ka letnate lak natu ka khuapi in ka sa hi,” ci hi.

James 3:4

Tua ahibuale teambaw khat ngaisun vun: tuaza in lian a, a thahat vui ii a seamna taw kihawl hikale, a heakna no mama khat taw kiheak zo hi, tuaciangin teambaw hawlpa ii paisak nopna pawpo ah pai hi.

2 Peter 2:18

Amate in kiphatsakna le mawmawt kamte pau a, tuaciangin khialna sung pan a suakta tu a kipan tuungte zongh pumpi lungngul khialnate zanghin aitaa uh hi.

Jude 1:16

Hi mihingte in a tawntungin, phunin ngual veu mawsiat uh hi; amate in a ngitlo nopna thinpuakte zui uh hi; amate le amate kisuangtaakin, a dei uh sia a nga thei natu in, ngualdangte sialpok uh hi.