James 3:17 - Syin Chin Bible

¹⁷ Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

James 3:17 Iomraidhean Croise

1 Kumpite 3:12

nong nget bangin kong pia tu hi. Ciimna le tel theina sia tu masia le maisang zong kuama peuma ii a tamzaw in a nei ngeingawl tu za kong pia tu hi.

1 Kumpite 3:28

Israel mipite in Solomon ii thu khenna a zaak uh ciang ama ii tungah zatakna nasia tak nei uh hi, banghang ziam cile tuasia tak ciang ama sia thu kituu te tang takin a khen thei natu Pathian in ciimna pia hi, ci in he uh hi.

1 Kumpite 3:9

Tua ahikom na mite thutang khenna taw ka uk thei natu le a pha le a sia ka khentel thei natu in ciimna hong pia ta'n. Tua ahibuale bangbangin hi na mihonpite uk thei tu khi ziam?” ci hi

1 Khangtaanghthu 22:12

Israel ngam sia ama Thukham bangin na uk thei natu in Topa na Pathian in a thuk mu tel theina le ciimna hong pia tahen.

1 Khangtaanghthu 22:9

Ahitazong ama in kamciam khat hong pia hi. Ama in, ‘Tapa khat na nei tu a tua na tapa in kilemna taw ngam uk tu hi, banghang ziam cile a ngalte theampo taw ngal kilemna ama ka pia tu hi. Ama min sia Solomon hi tu hi, banghang ziam cile ama kumpi maan hun sung tengin Israel ngam sungah kilemna le ngammuanna ka pia tu hi.

Job 28:12

Ahihang ciimna koisungah kimu thei ziam? Tel thei natu in koisungah ih sin thei tu ziam?

Job 28:23

Pathian bek in a lampi he a, Ciimna a kimuna mun he hi.

Job 28:28

Pathian in mite mun ah, “Na ciim natu uh in, Topa thasia nanak tu nu hi. Na heak thei natu uh in siatna pial hamtang tu nu hi,” ci hi.

Pusuana 36:2

Moses in Bazalel, Oholiab le Topa ii hi theina a piak khutthiamna a nei midangte le nasep a hu nuamte sam a, nasep kipan tu in sawl hi.

Paunakte 2:6

Ciimna a pia sia in Topa hi; ama kung pan heakna le tel theina hong pai hi.

Isaiah 2:4

Ama in minam liante sungah thu nawngkaite khensat tu hi. Amate in a namsaute lo thawna tumanh le a teite thingbaak heuna namte in seak tu uh hi. Ngam khat le ngam khat kido kik ngei nawn ngawl tu a, ngal sim tu in kithoai kik nawn ngawl tu hi.

Isaiah 32:6

Mihing mawmaw khat in mawmawt kam veu pau in, a sia vawt tu vive ngaisun hi. A nasep le a kampau in Topa selnona vive hi a, ama in ngilkial dangtaakte an le tui pia ngeingawl hi.

Isaiah 40:11

Tuucing pa khat taw kibangin ama in a tuuhon keamcing tu hi; ama in tuunote kaikhawmin a baan ah toai a, tuate ii puite dam takin paipui tu hi.

Daniel 1:17

Pathian in tua tangvalno lite sia heak theina, lai thiam pilna le thuthuk ngaisut theinate pia hi. Tua bek dom ngawlin ama in Daniel sia mukholnate pheen theina le mang khiak thiamna pia hi.

Malachi 2:9

Note in ka deina nong ni bua uh a, ka mite na hil uh ciang zong, khat le khat doidan na hi uh ciang, Israel mite in note kong simmawsak kik tu hi.

Malachi 3:3

Ama in ngunn a thiangsak pa khat bangin thukhen tu in hong pai tu hi. Thik seakpa in khamh le ngunn a thiansak bangin a maan biakpiakna te Topa kungah hong paipui natu in, Topa kamtaipa in thiampite thiansua tu hi.

Matthew 23:28

Tuasia bangma in no sia a pua sang panin a kuama po ii muna ah a hoi bang na hi uh hi, ahihang na sungsang uh ahile kihi thepsakna le mawna taw kidim nu hi.

Matthew 5:8

“Thinsung thiangthote in mihing lungdamte ahi uh hi; amate in Pathian mu tu uh hi!

Matthew 5:9

“Kilemna a vawtte in mihing lungdamte ahi uh hi; Pathian in ka tate ci tu hi!

Luke 21:15

banghang ziam cile na ngalte ii hong nial thei ngawl natu le hong nalh thei ngawl natu in, kammalte le ciimnate kong pia tu hi.

Luke 6:36

Na Pa uh sia hesuak thiampa ahi bangma in, no zongh ngual na hesuak tavun.

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

John 1:47

Jesus in ama kungah Nathanael hong pai a mu ciangin, ama thu hi bangin son hi. “Hi sungah, Israel mi tatak khat om hi; ama in paubanna nei ngawl hi!” ci hi.

Sawltakte 11:24

Barnabas sia mihing pha khat hi a, Thaa Thiangtho le upna taw kidim in, mihing tam mama Topa kung then hi.

Sawltakte 9:36

Joppa khua ah Tabitha kici numei khat om a, ama sia thu um khat ahi hi. (Ama ii Greek min sia Dorcas hi a, “sangai khat” cinopna hi) Ama in a hun nei theampo thupha vawtna le, a zawngte huna in zangh hi.

Romete 12:18

Mihing theampo taw kilem a na nuntak thei natu in, noma sang panin na vawt thei theampo na vawt vun.

Romete 12:9

Ki itna in thin tak ahi tu thupi hi. A sia theampo ensan vun a, a pha ci theampo keamcing tavun.

Romete 15:14

Suapuite awng, note phatna taw kidim tu in kong um a, heakna ci theampo zongh nei in, khat le khat kihil thei tawntung tu in kong um hi.

1 Corinth te 12:8

Thaa in mihing khat tungah ciimna taw kidim thu khat pia a, a dang khat tungah tua Thaa ma in heakna taw kidim thu khat pia hi.

2 Corinth te 10:1

Keima Paul in keima aituamin kong thuum hi — Note taw ka omkhop ciangin dikin cingh a, no taw a kikhuala a ka om ciangin hangsan hong kici hi. Christ cikna le thiamna hu in kei zongh note kung kong pai ciangin, ka hangsan a kul tu dong hong kivawt ngawl natu kong thuum hi;

2 Corinth te 6:6

Pathian naseamte ka hina uh sia thiangtho nuntakna, thu heakna, thinsauna le dikna — Thaa Thiangtho taw, ki itna tatak taw,

2 Corinth te 7:11

Na heena uh sia Pathian in bangbang hi ziam ci sia en vun: tuasia in bangzata in nang hong lawpsak a, na maw ngawlna ah bangza in hong panpui nuam ziam! Tuabang thin uukna, patauna, thinsung phaw theinate, thangaina, a khialte daan piak nopna cite piangsak hi! Hi thu theampo ah note pau baang ngawl ci in noma le noma kilak zo nu hi.

2 Corinth te 9:10

Poai tu ancii le neak tu an hong pia Pathian in na kisap thaicii theampo zongh hong pia tu a, tuate po in, anlaak ciang nangma ii ngo tak a na piakna tung panin an na hau tu hi.

Ephesus te 5:9

tua khuavak in na a pha theampo, thutang suana le thumaanna hong puak hi.

Philippi te 1:11

Pathian minthan natu le ama pok natu in Jesus Christ bek ii piansak thei a maan pilna thiamnate taw na nuntakna uh hong kidim tu hi.

Philippi te 4:8

A khakbel kong cinopna ah ka suapuite awng, thupha le a pok huai thute: a thumaan, mipi tan huai, a thutang, a thiangtho, a ithuaite le a thasiahuai nate na ngaisun tavun.

Colossae te 1:10

Tuaciang Topa deina bangin na nungta thei tu uh a, ama ii diksak bangin na vawt tawntung tu uh hi. Na nuntakna in nasep pha theampo piangsak tu a, Pathian heakna sungah na khangto tu uh hi.

1 Thessalonica te 2:7

Christ ii sawltakte ka hina uh taw, ka deina uhte no tung pan kong nget thei uh hi napi, kong ngen bua uh hi. Ahihang note taw ka om uh lai in nu khat ii tate a kep bangin kong khoi uh hi.

1 Timothy 5:21

Na nasep napo kuama nguptuam paihtuam nei ngawlin kong thupiakte na nit natu in Pathian mai, Christ Jesus mai le a thiangtho vantunglalangte mai ah ciliap huai takin kong sawl hi.

2 Timothy 2:24

Topa ii naseampa in ngual taw kihau ngawl tu hi. Ama in mihing theampo tung a thinneam tu a, a thin uai sya pha hi tu hi.

Titus 1:15

Thinsung thiangtho mihingte atu in, na theampo thiangtho hi; ahihang a ninnoite le a um ngawlte atu in, bangma a thiangtho om ngawl hi, banghang ziam cile amate thinsung le a khua ngaisutnate ninnoi hi.

Titus 3:2

Kuama siat son ngawlin, ngual taw kilem a, a kuama theampo tungah, cikna thiamna a lak tawntung natu na son in.

Hebrew te 12:11

Eite daan hong kipiak ciangin, tua hun laitak ih lungdam natu hi ngawlin, ih hee natu hong pia hile kilawm hi. Ahihang nungsang ciangin, tuabang kitekna a thuakte in thumaan thutang nuntakna ii thinnopna thaman nga uh hi.

Hebrew te 12:14

Mihing theampo taw na kilem tu hanciam vun a, a thiangtho nuntakna taw nuntak tu hanciam tavun, banghang ziam cile kuama in tua ngawl taw Topa a mu buatu hi.

James 1:17

A pha tel le ziakte le a cingtaak letsong theampo vantung panin hong pai hi; tua teng sia vantung khuavakte a bitphua, kikheal ngeingawl a, kihei in khua a zingsak ngawl Pathian kung pan hong paisuk hi.

James 1:5

Ahihang note khat po in, ciimna na nei buale, a pia tu pa Pathian tungah thu ngen tahen; banghang ziam cile Pathian in ngo tatak le thuthiam takin, a kuama theampo tungah pia hi.

James 2:13

Banghang ziam cile hesuakna a nei ngawl mihing khat tungah thu a khen ciangin, Pathian in hesuakna a lak buatu hi; ahihang hesuakna in thukhenna zo hi.

James 2:4

tuasia ciangin noma pawlsung mama ah, kidoidanna a piangsak, a sia tupna bulphu in thukhenna taw a maw na hi uh hi.

James 3:15

Tuabang ciimna sia vantung panin hong paisuk hi ngawl hi; tua in leitung neisa hi a, thaa vai hi ngawlin, doai vai ahi hi.

James 4:8

Pathian kungah hong neak tavun, tua hile Pathian in note hong neak tu hi. Na khut uh sil vun, no mawneite awng! Na thinsung uh thiansua vun, no a kihitheamsakte awng!

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 2:1

Tua ahiciang siatna a minpiang vawk siat in; leilotna, kihitheamsakna, ki eenna, ahibuale kiselnona kam note sungah om nawn heak hen.

1 Peter 2:18

No naseamte in a dik thukhual theite bek hi ngawlin, a thuthiam ngawl a thinngam na tote zongh zatakna a cingin pia vun, amate ukna nuai ah na om uh kul hi.

1 John 3:18

Ka tate awng, ih ki itna sia kam le muk bek ih hisak buatu hi; ngamtatna taw a kilangh ki itna takpi ahi kul hi.

1 John 3:3

Christ sia thiangtho ahi bangma Christ sungah hi lametna a nei mihing peuma ama le ama a thiangtho in kikeam hi.