James 3:16 - Syin Chin Bible

¹⁶ Ki eenna le duhopna omna munah buaina le siatna namcin zongh om hi.

James 3:16 Iomraidhean Croise

Pianciilna 11:9

Tua khuapi sia Babylon ci uh hi, banghang ziam cile Topa in tua munah mihingte theampo ii kampau kitoknoai a, tua mun panin leitung mun theampo ah amate kithethaangsak hi.

Pianciilna 38:9

Ahizong Onan in a tate sia ama aa ahi ngawl tu he ahikom a upa zi taw a omkhop simin, a suapuipa atu ta kuama a pian ngawl natu in a bawtui lei ah taaksak hi.

Mark 3:25

Innkuan khat pawl tuatuamin kikhenin, pawlkhat le pawlkhat kido le tua innkuan sia kitamhtham tu hi.

Sawltakte 19:29

Tua ngamlumna sia khuapi bup kilaw hi. A ngilo nuam mihon in, Paul ii khualhawpui Macedonia te nii Gaius le Aristarchus pummat a, poai lakna inn ah taipui uh hi.

Romete 2:8

Midangte ahile amate atu bek ngaisun in, thumaan nial in a maan ngawl thu zui uh hi; tuate tungah Pathian in a thangsiatna le a thin uukna buak tu hi.

1 Corinth te 14:33

Banghang ziam cile Pathian in note sia ahi bialbual tu in hong dei ngawl a, thu kihual le a kilem tu in hong dei hi. Pathian ii mihingte ii pawlpi theampo te ah a kizangh bangma in,

1 Corinth te 3:3

banghang ziam cile note in hi leitung mihingte nuntak zia taw ma in na nungta lai uh hi. Note sungah ki eenna om a, khat le khat na kihau uh ciangin, hi thu in note leitung neisa na hi na uh le leitung om zia taw nungta na hina uh hong lak hi ngawl ziam?

2 Corinth te 12:20

No kung kong thet ciangin kong dei bang na hi ngawl na uh kong mu tu le, kei zongh nong dei uh bang ka hi ngawlna nong mu tu ka lau hi. Kihauna le ki eenna, thintomna le kaangsung heakna, kiselnona le kingensiatna, kiphatsakna le kilemngawlna te ka mu tu ka lau hi.

Galatia te 5:20

milim biakna le bum le ai toaina te hi. Mihingte khat le khat kingalin kido uh hi; amate ki eangin, thin uukin, ultup uh hi. Amate a pawl a pawlin kikhen hi;

James 3:14

Ahihang na thinsung ah eenna, thin natna le duhopnate a om le, na ciimna na kiphatsakpuina taw thumaan thutak sia langpanin mawna vawt heak in.

1 John 3:12

Eite Cain taw ih kibang buatu hi; ama sia Ngilo Pa ii neisa hi a, a suapuipa tatak Abel thatlum hi. Banghang Cain in ama thatlum ziam? Banghang ziam cile ama ii ngamtatnate sia maan ngawl a, a suapuipa ngamtatnate maan ahihang hi.