James 3:14 - Syin Chin Bible

¹⁴ Ahihang na thinsung ah eenna, thin natna le duhopnate a om le, na ciimna na kiphatsakpuina taw thumaan thutak sia langpanin mawna vawt heak in.

James 3:14 Iomraidhean Croise

Pianciilna 37:11

Joseph ii suapuipate in ama eang uh hi, ahizong a pa in hi thute theampo a thinsung ah ngaisun nginge hi.

Pianciilna 38:9

Ahizong Onan in a tate sia ama aa ahi ngawl tu he ahikom a upa zi taw a omkhop simin, a suapuipa atu ta kuama a pian ngawl natu in a bawtui lei ah taaksak hi.

2 Kumpite 10:16

“Keima taw paikhawm tawng, Topa tungah bangza in kipia khi ziam nangma ma in hong mu ta'n,” ci in son kawm hi. Tuaciang amate Samaria ah leang taw paikhawm uh hi.

2 Kumpite 10:31

Ahihang Jehu in a thin theampo taw Topa Israel te ii Pathian thukhamte ni ngawl a, ama in Israel te mawna sungah a then Jeroboam ngamtatna zuizaw hi.

Job 5:2

Thin natna teng taw na thi dong na thinngim tu sia mawmawt huai hi, khiakna om ngawl ngamtatna hi.

Paunakte 14:30

Thinnopna in pumpi ciidamsak hi, ahihang eenna thin in cancer natna taw kibang hi.

Paunakte 27:4

Thin uukna sia tatkha a, lalna piangsak thei hi, ahihang ki eenna sia bangma taw kiteengat thei ngawl hi.

Isaiah 11:13

Israel kumpi ngam in Judah ngam eang nawn ngawlin, Judah te sia Israel te ngal hi ngawl tu hi.

Habakkuk 1:3

Tuabang ngimnate banghangin hong musak ni ziam? Tuabang tatkhialnate en in bangbangin thuak zo ni ziam? Siatna le ngongtatnate ka kiimkot ah om a, kihauna le kidona mun theampo ah om hi.

Matthew 27:18

Jew mi thuneite in, Jesus eang ahikom ama ii khut sungah aap ahi hunlam sia Pilate in tel hi.

John 16:2

Note synagogue pan hong kihawlkhia tu a, tuaciang note hong thatlum khat po in tuabang a ngamtat sia Pathian atu naseam in a kingaisut hun hong theng tu hi.

Sawltakte 13:45

Jew te in mihonpite a mu ciangin, eenna thin taw kidim uh a; Paul thusonte nialin, selno uh hi.

Sawltakte 26:9

Keima mama in Nazareth mi Jesus thu langpanin ka sep thei za in seam tong a ci pa ka hi hi.

Sawltakte 5:17

Thiampi Lianbelpa le a pawl a lawm theampo, le tua mun a om Sadducee pawlte in sawltakte sia nasia takin eang uh hi; tua ahikom thu vawt tu in khensat uh hi.

Sawltakte 7:9

“Jacob tate in a suapui Joseph sia eang uh a, Egypt ah sila in na zuak uh hi. Ahihang ama taw Pathian omkhawm hi.

Romete 1:29

Amate in ngitlona, siatna, duhopna le kilalsak theina namcinte taw kidim a; ki eenna, kisuamlupna, kihauna, ngualtheamna le siatvawt nopna thin taw kidim uh hi. Amate nawnsan a,

Romete 13:13

Sun khuavak sungah a teangte bangin, eite a kilawmin ih ngamta tu hi — Lawplaina, zukhamna, a maizumhuai ngamtatna, kihauna tua ahibuale ki eennate ih vawt buatu hi.

Romete 2:17

No, Jew te ka hi uh a cite awng, note sia Thukham suangin Pathian huvau ah a kisuangtaakte na hi uh hi;

Romete 2:8

Midangte ahile amate atu bek ngaisun in, thumaan nial in a maan ngawl thu zui uh hi; tuate tungah Pathian in a thangsiatna le a thin uukna buak tu hi.

1 Corinth te 13:4

Itna in thin uai a, dik hi; itna in ki eenna nei ngawl a, kisathei ngawl, kiphasak ngawl hi;

1 Corinth te 3:3

banghang ziam cile note in hi leitung mihingte nuntak zia taw ma in na nungta lai uh hi. Note sungah ki eenna om a, khat le khat na kihau uh ciangin, hi thu in note leitung neisa na hi na uh le leitung om zia taw nungta na hina uh hong lak hi ngawl ziam?

1 Corinth te 5:2

Tua ahile bangbangin kiphasak thei tu nu ziam? Tua ci thada, na khuangai mama natu uh hi a, tuabang a ngamta pasal sia zongh no kipawlna sung panin na hawlkhiat tu uh ahi hi.

1 Corinth te 5:6

Note na kiphatsak thei natu bangma om ngawl hi! Kam teptee khat ah “Tol tawmno khat in anvuinoai bup pawmsak hi,” ci hi.

2 Corinth te 12:20

No kung kong thet ciangin kong dei bang na hi ngawl na uh kong mu tu le, kei zongh nong dei uh bang ka hi ngawlna nong mu tu ka lau hi. Kihauna le ki eenna, thintomna le kaangsung heakna, kiselnona le kingensiatna, kiphatsakna le kilemngawlna te ka mu tu ka lau hi.

Galatia te 5:15

Ahihang ngamsate bangin na ngamta uh a, khat le khat kisuu in na kiliamsak uh le, tuasia ciang kidawm tavun, tua ahibuale khat le khat kilalcipsak tu nu hi.

Galatia te 5:20

milim biakna le bum le ai toaina te hi. Mihingte khat le khat kingalin kido uh hi; amate ki eangin, thin uukin, ultup uh hi. Amate a pawl a pawlin kikhen hi;

Galatia te 5:21

kidungawkna, zukhamna, sikvil loklenna le hite taw a kibang ngamtatna dangte nei uh hi. Kidop natu kong piak ngei bangin tu in kong ci hi: hi bang ngamtatna neite in Pathian Ngam lua ngawl tu hi.

Galatia te 5:26

Ei sia khat le khat tungah kiphasakin, kitaw in, ih ki eang buatu hi.

Galatia te 6:13

Vunteap at te ngawngawn zongh Thukham a zui bua uh hi; note vunteap hong atsak nopna thu in, pumpi tung a zeksa vawtna sungah na tum uh sia, a kisuantaak thei natu ahi hi.

Philippi te 1:15

Amate sung panin pawlkhatte ahile eenna le kingal vawtna thin taw Christ thuhil a, ahizong a dangte in thupha deina takpi taw hil uh hi.

Philippi te 2:3

Kaangsung atu tupna bek taw ahizong, kisak thei nopna lel taw ahizong bangma seam heak vun, tua hi ngawlzaw in, khat le khat ii tungah kiniamkhiakin noma sangin ngualdangte a phazaw in ngaisun tawntung zaw vun.

1 Timothy 2:4

mihing khat sim ngupna nga a, thumaan thutak a heak tu sia Pathian in dei hi.

1 Timothy 6:4

kiphatsakna taw a kidim hi a, bangma heak a nei bua hi. Ama in a pha ngawl kam kinialna le kihaunate kin a, tuasia in ki eenna, kikamtamna, kiselnona, thusia taw kimuanlaakna,

Titus 3:3

Banghang ziam cile, eima zongh khatvei lai in, a mawmaw, thu ni ngawl le a khial thei mi ih hi ngei hi. Ci le sa deina le nopsakna namcin ii sila ih hi ngei hi. Ih nuntakna sia hazatna le eenna taw ih zangh hi; ngual in hong ensan a, tuaciang ei zongh in ih ensan hi.

James 1:18

Ama ii piansaknate theampo sung pan a thupibel ih sua thei natu in, thumaan kammal tungtawnin, ama ii deina om babangin eite hong piangsak hi.

James 3:16

Ki eenna le duhopna omna munah buaina le siatna namcin zongh om hi.

James 5:19

Ka suapuite awng, note sung panin, khat po in, thumaan thutak panin, lampial a, a dang khat in hong ciapui kik le,