James 3:13 - Syin Chin Bible

¹³ Note sungah a ciim thutel thei na om uh ziam? Amate in tuasia a nuntakna pha taw ahizong, kiniamkhiakna le ciimna taw a pha sepnate taw ahizong lak tahen.

James 3:13 Iomraidhean Croise

Job 28:28

Pathian in mite mun ah, “Na ciim natu uh in, Topa thasia nanak tu nu hi. Na heak thei natu uh in siatna pial hamtang tu nu hi,” ci hi.

Psalm Late 107:43

A ciimte in hi thute ngaisun thei tahen; Topa ii itna kip ngaisun thei tahen.

Psalm Late 122:8

Ka mealheakte le ka ngualtamhte ka ngaisutna in Jerusalem tungah, “Kilemna om tahen!” ka ci hi.

Psalm Late 149:4

Topa in a mite tungtaang ah thinnopna nei hi; ama in a kiniamkhiak te zawna taw patoai hi.

Psalm Late 25:9

Ama in a kiniamkhiakte lam maan lakin ama deina hil hi.

Psalm Late 45:4

Thumaan le thutang khenna a huu tu in zawna sungah na uk theina vaang taw hong pai ta'n. Na thahatna in zawna lianpite hong ngasak tu hi.

Thuhilsya 8:1

Nate ii khiakna tatak sia mihing ciim khat bek in he hi. Ciimna in ama maitaisak a, a mai siatna teng bosak hi.

Thuhilsya 8:5

A thupiakte na nit lai tengin ngimna na thuak buatu a, tuaciang mihing ciim khat in koibang le bang hun ciang vawt tu ci sia he hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Isaiah 60:6

Midian le Ephah panin, kalaoh vanhpua honpite hong pai tu hi. Amate sia Sheba panin hong pai tu a, Khamh le ngimnamtui hong paipui tu hi. Mihingte in Topa sep sa thuphate son tu uh hi!

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Jeremiah 9:12

Keima in, “Topa awng, hi ngam sia kuama khualhaw ngawl natu in banghangin kisia cip a sennealngam bangin kongaw ziam? Akua in hi bang thute a tel thei tu za in ciim tu ziam? Midangte tungah sonsawn thei tu in akua tungah na thiang son zo ziam?” ci in ka dongh hi.

Jeremiah 9:23

Topa in, “Miciimte in amate ii ciimna, mi thahatte in amate ii thahatna, mihaute in amate ii haunate kisakthei pui heak hen.

Daniel 2:21

Ama in hunte le khua hunte uk hi; ama in kumpite panmun pia a, kumpite phiat hi; ciimna le pilna a pia pa sia ama ahi hi.

Zephaniah 2:3

Ama ii thupiakte a ni, ngam sungah a kiniamkhiak note theampo awng, Topa sangah hong kiheak tavun. A maan sia vawt vun a, Topa mai ah noma le noma kiniamkhiak vun. Tua hile Topa ii a thin uukna hong lak ni ciangin daan khak natu pan suakta tha tu nu hi.

Mi Simna 12:3

(Moses sia a kiniamkhiak mihing hi a, leitung ah a om midang khat pawpo sangin kiniamkhiak zaw hi.)

Matthew 11:29

Ka hakkol la in kisuanh vun, kei tung pan hong kisin tavun, banghang ziam cile keima in cingh in a kiniamkhiak pa ka hi hi; tua ahikom toithaina na nga tu uh hi.

Matthew 21:5

“Zion khuapi munah son vun, En vun, na kumpipa no kungah hong pai hi! Ama kiniamkhiak in laa tungah to a, laapui ii ta laano tungah to hi.”

Matthew 5:5

“A kiniamkhiakte in mihing lungdamte ahi uh hi; amate in Pathian kamciamte a saang tu uh hi!

Matthew 7:24

“Tua ahikom, kei kammal hite za a, a zaak uh bang a zuite sia suangpi tungah inn sa mihing ciimpa taw kibang hi.

1 Corinth te 6:5

Note atu in maizumhuai mama hi! Thu kinei Tapidaw puite kilaklaw ah thu a khen thei tu mihing ciim khat beak na pawl sungah om nanak tu hi.

2 Corinth te 10:1

Keima Paul in keima aituamin kong thuum hi — Note taw ka omkhop ciangin dikin cingh a, no taw a kikhuala a ka om ciangin hangsan hong kici hi. Christ cikna le thiamna hu in kei zongh note kung kong pai ciangin, ka hangsan a kul tu dong hong kivawt ngawl natu kong thuum hi;

2 Corinth te 8:24

Note kong kiphatsak pui na uhte thumaan hi ci in pawlpi theampo in a tel natu in amate tungah na itna uh na lak tavun.

Galatia te 5:23

kiniam khiakna le eima le eima ki uk zawknate piangsak hi. Hi te a langpan thukham bangma a om bua hi.

Galatia te 6:1

Ka suapuite awng, tatkhialna nam khat po taw mihing khat a kiman le, thaa taw a nungta note in, ama sia a dinmun maan ah na koi vun; ahihang cikna thiamna na zangh hamtang vun. Tuaciangin note zongh ze etna na thuak ngawl natu noma le noma ki en in kidawm vun.

Galatia te 6:4

Mihing khat simin ama le ama a ngamtatna kisit hen. A pha in a ngamta khat in ngualdang khat ii ngamtatna taw kiteengat ngawlin, ama ii ngamtat phatna tungah kisuangtaak thei tu hi.

Ephesus te 4:2

A tawntungin kiniamkhiak in, cinghkamh in, na thinsausak tavun. Khat le khat kidualna taw itna kilak tavun.

Philippi te 1:27

Tu in a thupi thu in na nuntakna uh sia Christ lungdamna thu ii dei bang tatak ahi natu thu ahi hi, tua hile kei kong pai thei a, kong pai maw zong note tupna kibang khat tungah kip takin a dingte hi a, deina khat bek taw lungdamna thu upna atu ngaldo khawmte na hi hunlam kong za tu hi.

Colossae te 3:12

Note sia Pathian ii mite na hi uh hi, ama in hong it a ama atu in hong teal hi. Tua ahikom note sia kiciliapna, cikna, kiniamkhiakna, thinneamna le thinsau nate puan bangin na silh uh kul hi.

1 Timothy 4:12

Khangmoi na hi hu in, kuama in na zawngsaksak heak in a, ahihang na pauna, na ngamtatna, na itna, upna le thiangthona sungah, thu umte ii ettee tu hi ta'n.

1 Timothy 6:11

Ahihang Pathian mihing ahi nangma in hite theampo na pial in. Thumaan thutanna, Pathian thu sungah nopsakna, upna, itna, thuak zawkna, ciknate na nei zawk natu hanciam in.

2 Timothy 2:25

Ama a langpante a puuaphat kik ciangin, thu khualna zangh tu hi. Banghang ziam cile Pathian in amate tungah kisii kikna pia in thumaan thutak a heak natu zongh hi thei tu hi.

Titus 3:2

Kuama siat son ngawlin, ngual taw kilem a, a kuama theampo tungah, cikna thiamna a lak tawntung natu na son in.

Hebrew te 13:5

Na nuntakna uh sia sum le vanh manpha deina taw na kipealsak vun a, tuaciangin na nei uh sia taw na lungkim vun. Banghang ziam cile Pathian in, “Bangma hunin kong taisan ngei buatu a, kong nusia ngei buatu hi,” ci hi.

James 1:21

Tua ahikom a kiihuai zongsang nate le seksolnate theampo vawk siat vun. Pathian tungah ki aap vun a, na thinsung ah hong khum a kammal na saang vun, tua in note hong ngum thei hi.

James 2:18

Ahizong khat po in, hi bangin ci thei tu hi, “Mihing khat in upna nei a, a dangkhat in ngamtatnate nei hi,” ci hi. Keima zo kikna in hi bang ahi hi. “Bangbangin mihing khat po in, ngamtatna om ngawl upna nei thei tu ziam? Ka upna sia ka ngamtatnate taw hong lak tu khi hi,” ka ci tu hi.

James 3:1

Ka suapuite awng, note sya seam nuam tam na om heak vun. Na heak uh bangma in ngualdang sangin ko syate tungah nasia zaw in thu hong kikhen tu hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

1 Peter 1:15

Tua hi ngawl zaw in, na sep na vawt theampo sungah note hong sam Pathian a thiantho bangma in thiangtho vun.

1 Peter 2:12

Pathian he ngawlte kawm ah na ngamtatna uh a phat mama hu in amate ii mihing tatsiate ci a hong zungkaw ciangin, na ngamtatna phate hong mu tu a, ama hong pai Ni ciangin, Pathian pok tu uh hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

1 Peter 3:4

tuate taangin na hoina sungah Pathian ii muna ah a man neibel ahi a tul thei ngawl, a dik cikna thiamna le thinsung pha na nei tu uh hi zaw hi.