James 3:10 - Syin Chin Bible

¹⁰ Lungdamkona le haamsiatna kammalte sia kamhawng khat sung panin pusuak khawm hi. Ka suapuite awng, tubang hi tu kilawm ngawl hi!

James 3:10 Iomraidhean Croise

Pianciilna 20:9

Tua zawkciang Abimelech in Abraham samin, “Kote tungah bang teng hong vawt ni ziam? Kei le ka kumpi ngam sungah hi siatna nong tunsak natu in nang tungah bang khialna hong vawt khi ziam? Kei tungah nong vawt bangin kuama in hong vawt ngeingawl hi.

2 Samuel 13:12

“Tuabangin zawthawk thu taw ka minsiat natu hong ngamtasak heak in! Mu thadahuai mama hi!

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Romete 12:14

Hong vawtsiate thupha a saan natu in Pathian munah thungetsak vun — hi hi, Pathian in haamsiat ngawlin thupha a piak natu ngen vun.

1 Corinth te 3:3

banghang ziam cile note in hi leitung mihingte nuntak zia taw ma in na nungta lai uh hi. Note sungah ki eenna om a, khat le khat na kihau uh ciangin, hi thu in note leitung neisa na hi na uh le leitung om zia taw nungta na hina uh hong lak hi ngawl ziam?

1 Timothy 5:13

Amate in inn khat pan inn khat ah vak kawkoai in hunte a luithawthongin bosak uh hi; a siazaw lai thu in, amate in ngual ngen a, mihing theampo nuammawin, a pau tuak ngawl thute pau uh hi.

James 1:16

Ka it suapuite awng, theamna um heak vun!

James 1:19

Ka it suapuite awng, hi thu ciamtee tavun! Mihing khat simin thu ngaina thu zaakna ah manlang tu a, ahizong pau papaih ngawl tu a thin uuk papaih ngawl tu kul hi.

James 3:1

Ka suapuite awng, note sya seam nuam tam na om heak vun. Na heak uh bangma in ngualdang sangin ko syate tungah nasia zaw in thu hong kikhen tu hi.

James 3:11

Tuilim le tuikhaa sia ciktui naak khat sung pan pusuak khawm ngawl hi.

James 3:9

Leei sia ih Topa le Pa tungah lungdamkona in ih zangh a, Pathian taw a kisunin a kivawt ih mipuite haamsiatna in ih zangh si hi.

1 Peter 3:9

Ngitlona sia ngitlona taw thuk kik heak vun a, haamsiatna zongh haamsiatna taw thuk kik heak vun; tua hi ngawl zaw in thupha taw kithuk zaw vun, banghang ziam cile, note Pathian hong sap lai in piak tu a hong kamciam sia thupha hi zaw hi.