James 2:8 - Syin Chin Bible

⁸ Laithiangtho sungah a kimu Kumpi ngam ii thukham na zui uh le, a maan in na a seam na hi tu uh hi. Tua thukham in, “Noma le noma na ki it uh bangma in, na innpaam pa na it vun,” ci hi.

James 2:8 Iomraidhean Croise

1 Kumpite 8:18

ahihang Topa in ama munah, ‘Kei atu biakinn na sak nop sia maan ni hi,

2 Kumpite 7:9

Ahihang amate khat le khat ii tung ah, “Hi bangin ih ngamtat tu hi ngawl hi! Eima in thupha nga kasap, eima bek ii ih kep tu hi ngawl hi. Tua thu ih son natu in zingsang dong ih ngak le daan hong kipia nanak tu hi. Thakhatin pai in, kumpipa ii uliante munah ko tawng!” ci uh hi.

Thiampite 19:18

Kuama tungah phula heak vun a, kuama ngaimaw top heak vun. Noma le noma na ki it uh bangin na innpaamte it vun. Keima in Topa ka hi hi.

Thiampite 19:34

Na lawm Israel te na vawt uh bangin vawt vun a, noma na ki it uh bangin amate it vun. Khatvei lai in Egypt ngam ah ngamdangmi na hina thu phawk vun. Keima in Topa na Pathian ka hi hi.

Jonah 4:4

Topa in, “Na thin uuk thei natu in nang bang thu nei ni ziam?” ci hi.

Jonah 4:9

Ahihang Pathian in ama tungah, “Hi a kung hing huvau in na thin uuk thei natu nang bang thu nei ni ziam?” ci hi. Jonah in, “Thi ngam natu in thin uuk na — ka thin uuk thei natu thu nei leilam khi hi!” ci in zo kik hi.

Matthew 22:39

A niina a thupibel Thupiak sia tuasia taw ma in kibang hi: ‘Nangma le nangma na ki it bangin midangte zongh na it in.’

Matthew 25:21

‘Pha hi, a thumaan naseam pha pa awng, tawmno na zeakna tungah thumaan na hikom, tampi zeakna ah a uk tu in kong koi tu hi. Kei taw lungdam khawm tu in hong pai ta'n!’ ci hi.

Matthew 25:23

‘Pha hi, a thumaan naseam pha pa awng! Na tawmno tungah thumaan na hikom, na tampite uk tu in, kong koi tu hi. Kei taw lungdam khawm tu in hong pai ta'n!’ ci hi.

Matthew 7:12

“Noma tungah hong kivawt le na oai uh bangin, ngual tungah na vawt vun; tuasia in Moses Thukham le kamsaangte hilnate ii a khiakna ahi hi.

Romete 13:10

Ki itna in a innpaamte tungah, a ngamta khial ngei buatu hi; tua ahikom ki itna in Thukham buppi nitna ahi hi.

Galatia te 5:14

Banghang ziam cile Thukham buppi sia thupiak khat in kingawm hi: “Nangma le nangma na ki it bangin na innpaamte na it in.”

Galatia te 6:2

Khat le khat vanhngitte na kidawn tavun, tuabangin Christ ii thukham na zui tu uh hi.

Philippi te 4:14

Tua ahitazong, ka ngim nganate ah nong hu uh sia na phat mamana uh hi.

1 Thessalonica te 4:9

Noma thu up puite itna tu huvau lai at tu kul ka sa bua uh hi. Khat le khat na ki it natu in Pathian in no tung mama ah hong hil zo hi.

James 1:25

Ahihang mihingte a suaktasak a kicing thukham sia pha takin a et zawkciang thupi ngaisut tawntung a, a zaak sia a mangil kik paih sia hi ngawlin, a zui — a nuntak puite peuma sia Pathian in a sepna ah thupha pia tu hi.

James 2:12

Eite hong suatak thukham sia taw thu a kikhen tu mihingte bangin pau in, ngamta vun.

James 2:19

Pathian khat bek om hi, ci in na um uh ziam? Pha hi! Doaite zongh in um a — kiitakna taw liing hi.

James 4:11

Ka suapuite awng, khat le khat na kisonsia heak vun. Tapidaw suapui khat a sonsia ahibuale a tung a thu a khen sia in, Thukham sonsia a thukhen ahi hi. Thukham tungah thu na khen le, Thukham a zui nawn ngawl, Thukham tungah thukhenpa na hi uh hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.