James 2:6 - Syin Chin Bible

⁶ Ahihang note in mizawngte sia na thusim bua uh hi! A kuate in no hong zothaw a, thukhenmangte mai hong then ahi ziam? Mihaute hi!

James 2:6 Iomraidhean Croise

Job 20:19

banghang ziam cile ama in mizawngte nengcip in awlmaw ngawl a, tuaciang ngualdang khat po ii sak sa innte sut hi.

Psalm Late 10:10

Mat a thuak a cimawte kisucip hi; ngoltol thahatna in amate zo zo hi.

Psalm Late 10:14

Ahihang nang in a ngimna le a thuaknate na mu a, a hu tu in na kinging tawntung hi. A cimawte in nang tungah hong ki aap a, a kitaangsamh te na hu tawntung hi.

Psalm Late 10:2

Mi seksolte in kiphasak a, mizawngte vawtsia hi, amate ii thaangsia sungah amate ma awksak in.

Psalm Late 10:8

Khuanote sungah amate mama buu in, mawnei ngawl mite that tu in pang hi. Akua cimaw ziam ci in kankuu uh a;

Psalm Late 12:5

“Ahihang tu in hong pai tu khi hi,” Topa in ci hi, “Banghang ziam cile a cimawte kizothaw a, vawtsiatna a thuakte in na a sakna taw tau uh hi. Amate ii dei ngammuanna ka pia tu hi.”

Psalm Late 14:6

Ngitlo tatsiatna a vawtte in mihing kiniamkhiak pa ii ngealnate nawngkaisak hi, ahihang Topa sia ama ii kidalna ahi hi.

Paunakte 14:31

Mizawngte na nengcip le a vawt pa Pathian simmaw na hi hi; ahihang mizawngte tungah dikna in biakpiakna nam khat ahi hi.

Paunakte 17:5

Mihing zawngte na nuisan le, amate a vawt Pathian a selno na hi hi. Midang khat ii kaamsiatna tungtaang ah diksa in na om le daan na thuak tu hi.

Paunakte 18:23

Mizawng khat in a pau ciangin kamthiam a zak kul hi, ahihang mihau khat in ngual kam a zo ciangin kamkhal zangh hi.

Paunakte 22:16

Na hau natu in mihaute tungah letsong na pia a, ahibuale mizawngte na zothaw le nangma zongh na zawng tu hi.

Paunakte 22:7

Mizawngte in sumhaute ii sal ahi uh hi. Sum na pu le leeitopa ii sal na suak hi.

Thuhilsya 5:8

Kumpite in mizawngte vawtsia in amate hamphat natu te danh in thumaan ngawlin thu a khen na mu ciang lamdang sa heak in. Ulian khat pawpo, a tungsia a ulian sia in vuumsit a, amate ngeal sia a tung sawn a sia in vuumsit lalai hi.

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Amos 4:1

A thaneamte vawtsia a, mizawngte a nengniam, na pasalte ii zuhang hong piak tan tu a ngen, pha takin a kivaak, Bashan a khuipuite bangin a thau, no, Samaria numeite awng, hi thu ngai vun!

Amos 5:11

A zawngte na nengniam uh a, a antangte na suttol uh hi. Tua hu in noma saksa suanginn phate sungah na teang buatu uh a, noma ciin sapithuan hoite pan sapittui na ne buatu uh hi.

Habakkuk 3:14

A zawngkhalte a zawthawk uh ciang a oaiaam mite bangin kote hong thethaang tu in a ngalkapte vuipi bangin hong pai ciang na thaltangte in a ngalkaphonpi ukpa kaaplet hi.

Zechariah 7:10

No sungah hong teang ngamdangmite, meingong tangate ahizong, a cimaw dangte ahizong, zothaw ngawl tu nu hi. Khat le khat kisuksiat natu a nanamin sawm ngawl tu nu hi.’

John 8:49

Jesus in, “Doai vei ngawl khi hi, ka Pa ka thasia hi, ahihang note in kei nong thasia bua uh hi.

Sawltakte 13:50

Ahihang Jew te in khuapi sung lampui upate le Pathian a bia Gentile numei a ci thei thu neite hol uh hi. Amate in Paul le Barnabas vawtsiat kipan a, ngam puasia ah hawlkeak uh hi.

Sawltakte 17:6

Ahihang amate a mu ngawl uh ciang, Jason le thu um dang pawlkhat khuapi thuneite mai ah kai a, “Hi mite in mun theampo ah nawngkaisak uh hi! Tu zonghin amate ei khua ah hong pai uh a,

Sawltakte 18:12

Gallio sia Rome kumpite in Achaia ngamuk mangpa tu in a koi uh ciangin, Jew te hong kikhawmtua a, Paul manin, thukhenzum ah paipui uh hi.

Sawltakte 8:3

Ahihang Saul ahile Pawlpi sukthap natu hanciam hi; inn khat pan inn khat ah pai in, thu umte kaikeak a, pate zongh numeite zongh thonginn sung denna in nei hi.

1 Corinth te 11:22

Tuabangin na neak na dawn natu uh, inn tek nei hi ngawl nu ziam? Tua ahibuale Pathian ii pawlpi zawngsakin, a nei ngawlte na maizumsak nopna uh ziam? Hi thu huvau ah bang son tu in nong muangmaw uh ziam? No hong pok tu khi ziam? Hong pok ngawl het tu khi hi!

James 2:3

Puan pha taw a kizeampa zatak piak zawkna taw, “Hi sung tona phabel tungah to in,” ci a, ahihang mizawngpa munah “Nang zia lai ah ding in, tua ahibuale ka peang kung suat tungah to in,” ci le uhte

James 5:4

Na lo sungah naseam mihingte ii thaman na pia bua uh hi. Amate ii phunnate ngai vun! Na an uh hong laksakte ii auna sia Topa Vaanglianbel Pathian bil sungah theng zo hi.

James 5:6

Mawna nei ngawl mihingte mawsak in, na thatlum zo uh hi, tuaciang amate in no hong nalh ngawl uh hi.