James 2:5 - Syin Chin Bible

⁵ Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

James 2:5 Iomraidhean Croise

1 Kumpite 22:28

“Bangma tat ngawlin nong heak kik le Topa in kei tungtawn a hong pau ngawl hi tu hi,” ci in Micaiah in ci ngaw hi. Tuaciang ama in, “Ka ci sa teng kuama po in hong ngai tavun!” ci lai hi.

Job 34:10

No a tel thei pasalte awng, hong ngai tavun! Vaanglianbelpa Pathian in a maan ngawl naseam tu ziam?

Job 34:19

Ama in ngamukte sangah pang ngawl hi, mizawngte puavawk a, a haute maipha pia tuan ngawl hi, banghang ziam cile mi theampo ama ii bitphua sa vive hi.

Job 38:14

Puan kithepte le tungman tungah tazeik khet sia a kilangh bangin sun nitaang in mualte le ngamkuamte kilanghsak hi.

Pusuana 20:6

Ahizong kei hong it in, ka thukhamte a zuite ahile ka itna a khang tul tampite tungah ka lak tu hi.

Paunakte 13:7

Mihing pawlkhat sia a hau bangin kiheang ahihang, bangma a nei bua uh hi. A dang pawlkhat sia a zawng bangin kiheang ahihang, nei le lamh a nei uh hi.

Paunakte 7:24

Tu in, ka tapate awng, hong ngai tavun. Ka pauna hong nadon tavun.

Paunakte 8:32

“Tu in, khangmoite awng, hong ngai tavun. Ka ci bangin vawt vun, na lung uh dam tu hi.

Isaiah 14:32

Philistia ngam pan hong pai kamtaite tung bangbang son tu khu ziam? Topa in Zion khua kipsak zo hi, tuaciang a ngim nga ama ii mite sia tua munah ngammuanna nga tu hi, ci in amate ka son tu uh hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Zephaniah 3:12

A kiniamkhiak, a thinnip mite tualai ah ka nusia tu a, kei kungah hu ngenin hong pai tu hi.

Zechariah 11:11

Tua ahikom tua thuciamna sia, tua ni in kiphiat hi, tuu a zuak le a leite in kei hong en nginge a, ka sep ka vawtte tungtawnin Topa in thuson ahi hunlam he uh hi.

Zechariah 11:7

Tuu a lei, a zuakte in kei hong cial a, kei sia a kingo tu tuute a cingpa ka suak hi. Ciangkang nii ka la a: khat sia “Maipha piakna” ka ci a, a dang khat sia ‘Kilomkhatna’ ka ci hi. Tuaciang tuuhonte ka cing hi.

Matthew 11:5

mittawte khuamu in, peangbaite lampai thei a, a lauhuai vun natnate kidamsak in, nangongte khuaza thei a, a thisate kinungtasak kik in, a zawngte tungah Lungdamna Thupha kihil hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Mark 7:14

Jesus in mihonpite khatvei ma sam kikin, “Na vekpi in hong ngai tavun a, tel vun.

Luke 12:21

Tuaciang in Jesus ii a thukhupna ah, “Pathian muna ah hauna ahi ngawl leitung haunate amate atu a kholte sia tu a ih son sia pa bang ahi hi,” ci hi.

Luke 12:32

“Tuu honnote awng, lau heak vun. Banghang ziam cile na Pa in Ngam hong pia nuam hi.

Luke 16:22

Mizawngpa thi a vantunglalangte in, vantung anneakpoai Abraham kungah to tu in, puato uh hi. Sumhaupa zongh thi in kivui hi,

Luke 16:25

Ahizong Abraham in, ‘Na nuntak lai in nang sia na pha theampo hong kipia zo a, Lazarus ahile a sia theampo thuak hi. Tua thu phawk ta'n. Ahihang tu in ahile nang ii natna satna na thuak laitak ama in hi munah nuamsa in om hi.

Luke 22:29

ka Pa in ukna za hong piak bangma in no zong kong pia tu hi,

Luke 6:20

Jesus in a nungzuite en a, “No a zawngte in a lungdam te na hi uh hi. Pathian Ngam sia note aa ahi hi!

John 7:48

“Thuneite khat ahibuale Pharisee te khat in ama um hi ci in na he ngei uh ziam?

Sawltakte 7:2

Stephen in zo kik a, “Suapuite le pate awng, hong ngai tavun! Ih taanghpupi Abraham sia Haran ah teang tu in, a pai ma, Mesopotamia ah a ten laitakin, ama tungah vaanglian Pathian kilak a,

Romete 8:17

A tate ih hi zawk nungsang a mite atu a khealsia thuphate ih lua tu a, Christ atu a Pathian ii a koi nate zongh ih lua tu hi; banghang ziam cile Christ ii thuakna ih thuakpui le a minthanna zongh ih lua tu hi.

1 Corinth te 2:9

Ahitazong, laithiangtho in, “Kuama ii a mu ngeingawl a zaak ngeingawl, suak thei tu in a ngaisut ngeingawl thu sia, ama a itte atu in Pathian ii a vawtkhol sa ahi hi,” a ci bangma ahi hi.

2 Corinth te 4:15

Hite theampo sia note atu hi a; Pathian ii thuthiamna in mihing a tam vaialte tungah a thet ciangin, amate in Pathian minthan natu in lungdamko thungetnate a tamzaw nei tu uh hi.

2 Corinth te 6:10

hong heesak ahihang ka lung uh dam tawntung hi; a zawng bang ka hi uh hangin, mihing tam mamate ka hausak uh hi; neisa bangma nei ngawl tu bang ka hi uh hangin, na theampo a nei tatakte ka hi uh hi.

2 Corinth te 8:9

Topa Jesus Christ ii thuthiamna sia na heak uh hi; ama sia hau mama napi in, ama zawnna taw note a hau na sua thei natu in note atu in ama le ama a zawngin hong kivawt ahi hi.

Ephesus te 1:18

Bang lametna nei tu in note hong sam a, a mite a piak tu a, a kamciam thuphate bangza in nasia, ci in na heak natu in na thinsung uh hong kihonsak a, a khuavak na mu thei natu in kong ngetsak hi,

Ephesus te 3:8

Keima in Pathian ii mihingte sung pan a nobel sia sangin a nozaw lai pa ka hi hi; tua hi napi in, a kison zo ngawl Christ ii hauna Lungdamna Thupha Gentile te tungah a puak tu in Pathian in hamphatna hong pia hi,

1 Thessalonica te 2:12

Ama Ngam le a minthanna hong hawm tu in hong sam Pathian ii diksak nuntakna a nei tu in, kong hanthawn a, kong heeneam a, kong thawn top uh hi.

2 Thessalonica te 1:5

Tu a na thuakna teng in Pathian thukhen na sia thumaan a hina kilanghsak hi, tua in noma ii na ngimlaw uh ama Kumpi Ngam taw a kilawm hong suaksak tu hi,

1 Timothy 6:18

Nasep pha te hau a, a pha ngamtatna nei in, a sep natu, ngo takin midangte na a hop nop natu hil in.

2 Timothy 4:18

Topa in kei sia siatna theampo panin, hong suatak tu a, ama Vantung Ngam sungah muanhuai takin hong lato tu hi. Ama tungah vaangletna a tawntung le a tawntungin om tahen. Amen.

2 Timothy 4:8

Tu in thumaan thutang thukhenpa, Topa in tua Ni ciangin kei hong piak tu, Pathian mai ah thutang suana zawna thaman in kei hong ngak nginge hi. Kei bek hong pia tu hi ngawl a, ama hong pai kik tu itna taw a ngakte theampo zongh pia tu hi.

Hebrew te 11:26

Ama in Messiah hangin huasaakna a thuak tu sia, Egypt ngam ii hauna theampo sangin, kimanh zaw pek sa hi, banghang ziam cile ama in maisang thaman a saan pheang lai tu te mitsuan hi.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

James 1:16

Ka it suapuite awng, theamna um heak vun!

James 1:19

Ka it suapuite awng, hi thu ciamtee tavun! Mihing khat simin thu ngaina thu zaakna ah manlang tu a, ahizong pau papaih ngawl tu a thin uuk papaih ngawl tu kul hi.

James 1:9

A zawng Tapidawte a zawnna pan Pathian in a lapto ciangin a lungdam tu uh a,

1 Peter 1:4

tua ahikom a mite atu Pathian ii a koi, a thupha tam mamate a nei tu in ih kilamen hi. Ama in note atu in tua thuphate vantung ah keam a, tua munah muat thei ngawl, lal thei ngawl le vul thei ngawlin om hi.

2 Peter 1:11

Hisia tungtawnin ih Topa le Hunpa Jesus Christ ii tawntung Kumpi ngam sungah tum thei natu thu a cingin no hong kipia tu hi.

Thupualaakna 2:9

Na ngimna teng kong he hi; zawng hi ci in kong he hi — ahihang a tatak sia hau nu hi! Jew te khu hi a ci theamte ii no hong siatsonnate ka he hi; amate sia Satan ii neisa honkhat ahi uh hi.

Thupualaakna 21:7

Zawna a nga pawpo kei tung pan a saan tu thu in: Kei sia amate ii Pathian ka hi tu a, ama sia Keima tapa ahi tu hi.

Thupualaakna 3:18

Tua ahikom ngaisut kong piakna panin, na hau natu in kei kung pan khamh, khamh ciitak hong lei ta'n. A maizumhuai pumnguaktangin na om sia na kiseal natu in, puankaang zongh hong lei ta'n. Khua na mu thei natu in, na mittang na noi tu in, za pawlkhat hong lei ta'n.

Thukhente 9:7

Jotham in hi thu a zaak ciang Gerizim Mual tungah pai in, amate oksan hi. “Shechem mite awng, ka aw hong ngai tavun, tuaciang Pathian in no aw hong ngai tu hi.

1 Samuel 2:30

Keima, Israel te ii Topa Pathian in na innkuan le na phung sia keima thiampi seam tawntung tu hi, ci in a bosa hun sungah kamciam ka pia hi. Ahihang tu ahile kong cina pan, tuasia len nawn ngawl khi hi! Tua sangin kei hong patoai te ka patoai tu a, kei hong simmaw te ka ngaimawk vawt tu hi.

1 Samuel 2:8

Ama in mizawngte leivui panin laamto a, a kitasamhte a lungmanna panin phongto hi. Amate sia kumpipa tapate taw kithawlsakin, ki upat vawtna munah koi hi. Simlei ii phungkawng sia Topa aa hi; tuate ii tungah ama in leitung sato hi.