James 2:25 - Syin Chin Bible

²⁵ Numei pumpi zuak Rahab zongh tuabang ma hi. Ama in Pathian mai a thutang a sua sia a ngamtatna pan hi, Israel thudawpkute huna pia in lampi dang khat panin, a suataksak ngamtatna pan ahi hi.

James 2:25 Iomraidhean Croise

Matthew 1:5

Salmon ta Boaz hi. Boaz ii nu sia Rahab ahi hi. Boaz in a zi Ruth taw Obed hing a Obed ta Jesse hi.

Matthew 21:31

Tapate nii sung pan akua in a pa thu ni zaw ziam?” ci hi. “A tapa lianzaw sia in ni zaw hi” ci uh hi. Tuaciang Jesus in amate tungah, “Kei kong ci in ah: Shiadongte le numei paktatte in Pathian Ukna ngam sungah note sangin theng masa zaw tu hi.

Sawltakte 17:7

tuaciang Jason in, amate sia ama inn ah keam hi. Amate theampo in, Kumpilianpa ii thukhamte paltan a, Jesus a minnei kumpipa dang khat om hi ci uh hi,” ci in au uh hi.

Hebrew te 11:31

Pumpi zuak numei Rahab sia Pathian thu a ni ngawlte taw a kithalup khop ngawl natu in a keam sia upna ahi hi. Banghang ziam cile ama in, Israel te ii ngalvilte pawlvawt in zindo hi.

James 2:18

Ahizong khat po in, hi bangin ci thei tu hi, “Mihing khat in upna nei a, a dangkhat in ngamtatnate nei hi,” ci hi. Keima zo kikna in hi bang ahi hi. “Bangbangin mihing khat po in, ngamtatna om ngawl upna nei thei tu ziam? Ka upna sia ka ngamtatnate taw hong lak tu khi hi,” ka ci tu hi.

James 2:22

Hi thu mu thei ngawl nu ziam? A upna le a ngamtatna sia kithua khawm a; a upna sia a ngamtatnate tungtawnin khuangkhim hi.

James 2:24

Tua hi a, en vun, mihing khat sia ngamtatnate taw Pathian mai ah thutang suak a, a upna bek pan hi ngawl hi.

Joshua 2:1

Tua zawkciang Joshua in thudawpkute nii sia Acacia ngiaphual panin paisak a, Canaan ngam, a tuanin Jericho khuapi vilku tu in thupia hi. Amate ngeal sia khuapi sung hong thet uh ciangin pumpi kizuak numei Rahab ii inn ah zan taam uh hi.

Joshua 2:15

Rahab sia khuapi luphung pang sungah inn vawtin teang ahi bangma ama in pasal te nii khauzeen taw kongvang no panin khiasuk hi.

Joshua 2:16

“Mual tung ngam sang zuan tavun, tua ahi bua na po le kumpipa mihingte in hong mu tu hi. Tua munah amate ii hong heak kik dong ni thum sung buu tavun. Tuasia zawkciang na lampi na tawn thei kik tu uh hi” ci hi.

Joshua 2:4

“Mihing pawlkhat ahile ka inn ah hong pai peu hi, ahihang amate sia koisung pan hong pai ziam ka he bua hi. Khuapi kongpi a kikha ma nitum hunin amate heak kik zo hi. Amate zot natu kan se ngawl ka hi hang amate nung pan del memeang le uhte pha thei lai tu nu hi,” ci hi. (Tu in Rahab in hi thukankute nii sia a innkhum tungah huankhau kuung pawlkhat a koi te ii nuai ah seal hi.)

Joshua 6:17

Khuapi le a sungah a om theampo sia, Topa tungah piakkhiatna khat bangin kilalcipsak siat tu hi. Numei pumpi kizuak Rahab le a innkuanpuite bek kikhoaikhe tu hi, banghang ziam cile ama in ih thudawpkute hong sealsak hi.