James 2:21 - Syin Chin Bible

²¹ Ih taanghpupi ahi Abraham sia bangbangin Pathian mai ah thutang a na suak ziam? Ngamtatnate pan hi, biaknatau tungah a tapa Isaac a piak ciang tua ngamtatna tungtawnin thutang a na suak hi.

James 2:21 Iomraidhean Croise

Psalm Late 143:2

Kei na naseampa thusitna hong thuaksak heak in; nang muna ah a maw ngawl kuama a om bua hi.

Isaiah 51:2

Na taanghpupi Abraham le note pianna Sarah ngaisun vun. Abraham ka sap lai in, ama in ta sel hi, Ahihang keima in ama thupha ka pia a, tate ka pia hi; Ama ii suan le paalte ka pungsak hi.

Matthew 12:37

Noma kammalte mama in, na maw uh le na tan uh thu hong khen tu hi.”

Matthew 3:9

Na taanghpupi Abraham suan le paalte na hi uh hu in, daan thuak natu pan suakta tu in, kimuangmaw heak vun. No tungah hong ci khi hi, Pathian in hi suangte zongh la in Abraham suan le paalte suaksak thei hi!

Luke 1:73

Ih taanghpupi Abraham tungah a ciliap huai kamciam taw ih ngalte khut sung panin hong hut zawk natu le ngammuangin ama ii na seam tu in hong kamciam zo hi.

Luke 16:24

Tua ahikom ama in biakpui a, ‘Pa Abraham awng! Hong hesuak ta'n. Lazarus ii khutme dawn tui sungah pap in ka leei hong votsak tahen, banghang ziam cile hi mun meikuang sungah ngim nga mama khi hi’ ci hi.

Luke 16:30

Sumhaupa in zo kik a, ‘Tuabang bek kicing tham ngawl tu hi, pa Abraham awng! Ahizong a thisate khat tho kikin amate kungah pai le, tuasia ciangin a mawna uh pan kisiik pheang tu uh hi,’ ci hi.

John 8:39

Amate in, “Ko ii pa sia Abraham hi,” ci in zo uh hi. Jesus in, “Abraham ii tate hi takpi le uhte, ama ii vawt teng ma vawt tu nu hi.

John 8:53

Ih pa Abraham thi zo hi; Abraham sangin lianzaw khi hi a ci nuam na hi bua na ziam? Tuaciangin kamsaangte zongh thi zo hi. Nang akua kisa ni ziam,” ci uh hi.

Sawltakte 7:2

Stephen in zo kik a, “Suapuite le pate awng, hong ngai tavun! Ih taanghpupi Abraham sia Haran ah teang tu in, a pai ma, Mesopotamia ah a ten laitakin, ama tungah vaanglian Pathian kilak a,

Romete 3:20

Banghang ziam cile Pathian mai ah Thukham tanna hangin kuama thutang suak zo om ngawl a; Thukham nasepna in mihing khat mawnei ahi hunlam a kiheak natu ahi hi.

Romete 4:1

Tua ahile ih pianna pa ahi Abraham thuakna sa tungtaang ah bang ih son tu ziam?

Romete 4:12

Ama in vunteap atte ii pa zongh hi a, vunteap a at bek dom ngawlin, ih pa Abraham vunteap a at ma a, upna taw a nuntakna sungah ama bangma in a nungta te ii pa zongh ahi hi.

Romete 4:16

Pathian kamciam in upna bulphu in nei a, tua ahikom Abraham suan le paal Thukham tangte bek hi ngawlin — Abraham up bangin a umte theampo tungah man nei ngawlin a piak tu in kho takin vawt hi. Banghang ziam cile Abraham in eite theampo ii thaa lam sangah ih pa ahi hi.

Hebrew te 11:17

Pathian in Abraham a ze et lai in, a tapa Isaac sia sangaw biakpiakna bangin a pia ngamsak sia upna ahi hi. Abraham sia Pathian ii kamciam a piakna pa hi napi ama in a tapa khat bek a nei sia sangaw biakpiakna in nei tu kithoai hi.

James 2:18

Ahizong khat po in, hi bangin ci thei tu hi, “Mihing khat in upna nei a, a dangkhat in ngamtatnate nei hi,” ci hi. Keima zo kikna in hi bang ahi hi. “Bangbangin mihing khat po in, ngamtatna om ngawl upna nei thei tu ziam? Ka upna sia ka ngamtatnate taw hong lak tu khi hi,” ka ci tu hi.

James 2:24

Tua hi a, en vun, mihing khat sia ngamtatnate taw Pathian mai ah thutang suak a, a upna bek pan hi ngawl hi.

Joshua 24:3

Tuaciang noma ii taanghpupi Abraham ka la a, Euphrates ngunngal ngam pan Canaan ngam buppi kaantan in ka paipui hi. Suan le paal tam mama ka pia hi. Ama Isaac ka pia a,