James 2:20 - Syin Chin Bible

²⁰ Mihing mawmawte awng! ngamtatna om ngawl upna in, kimanna nei ngawl hi, ci thu a kilak tu na dei uh ziam?

James 2:20 Iomraidhean Croise

Paunakte 12:11

Nasep hanciam lotho mi khat in neak tu tam mama nei hi, ahihang kimanna om ngawl nasepnate taw hun bosakna in mawmawtna hi.

Jeremiah 2:5

Topa in: “Na taanghpupite in kei hong langpanin bang hong mawsiat ziam? Kei kung pan amate a puapialsak sia a bang ziam? Amate in a man nei ngawl milimte bia in amate mama a man nei ngawl suak uh hi.

Romete 1:21

Amate in Pathian he ahihang a upat tu bangin upat ngawl uh a, ama tungah lungdam a ko tu bangin ko ngawl uh hi. Amate khua ngaisutna mannung mama ngawl a, amate thinsung hawmin, khuazing taw kidim hi.

Romete 3:28

Banghang ziam cile mihing khat sia Pathian mai ah upna tungtawn bek in thutang suak thei bek a, Thukham sawl bang a sepna pan hi ngawl hi ci in ih he hi.

Romete 9:20

Ahihang lawmpa awng, Pathian kam a zo kik tu in nang akua na hi ziam? Tungbeal khat in a vawtpa munah, “Banghangin kei hi bangin hong vawt ni ziam?” ci in a dongh thei bua hi.

Galatia te 5:6

Banghang ziam cile Christ Jesus taw pumkhatin ka om uh ciang vunteap atna ahizong, at ngawlna ahizong bangma kitumdanna a omsak bua hi; a thupi sia in ki itna tungtawn a, na a seam upna ahi hi.

Galatia te 6:3

Khat po in ama sia bangma hi ngawl napi, hi a kisa le ama le ama kitheam hi bek hi.

Colossae te 2:8

Tua ahikom Christ sung pan ahi ngawl, vaannuai a uk thaa te ii mihingte tungah a piak susuk a mannung ngawl kitheamna, mihing ciimnate taw kuama in sila a hong mat ngawl natu in kikeam tavun.

1 Timothy 1:6

Mihing pawlkhat in hite panin lampial in a mawmawthuai kam kikupnate sungah ngammang uh hi.

Titus 1:10

Banghang ziam cile, tuabang mihing tam mama om a, a tuanin Jew biakna sung pan hong kikhealte in, amate ii thu nawnsante taw ngual langpanin theam uh hi.

James 1:26

Khat po in ama sia biakna kin mihing khat hi ing ci in a kingaisun ziam? Ama in a leei a uk zo buale ama ii a biakna sia a luithawthong suak a, ama le ama kitheam ahi hi.

James 2:17

Upna ih ci zongh ta bangma hi: ngamtatnate a om ngawl upna in ama nguak ahikom a thi ahi hi.

James 2:26

Tua ahikom thaa om ngawl pumpi sia a thi ahi bangma in, ngamtatna om ngawl upna sia zongh a thi hi.