James 2:19 - Syin Chin Bible

¹⁹ Pathian khat bek om hi, ci in na um uh ziam? Pha hi! Doaite zongh in um a — kiitakna taw liing hi.

James 2:19 Iomraidhean Croise

Isaiah 43:10

“Israel mite awng, note in ka tetti te na hi uh hi; kei hong he in nong up natu le, keima bekma Pathian ka hi sia na tel natu uh in ka naseam tu in no kong teal hi. Keima simngawl pathian dang om ngawl hi; om ngeingawlin, maisang zongh ah om ngeingawl tu hi.

Isaiah 44:6

Israel dalin, a uk Topa, Vaanglianbelpa Topa in: “Keima in a masabel, a khakbel le khat bek ahi Pathian ka hi hi; keima simngawl pathian dang om ngawl hi.

Isaiah 44:8

Lau heak vun, ka mite awng! Taanghlai hun pan kipan tu hun dong hong piang tu thu ka sonkhol sa theampo note in na he uh a, tuaciang, note in ka tetti na hi uh hi. pathian dang a om ziam? Ka zaak ngeingawl a vaanglian pathian dang khat po om ziam?” ci hi.

Isaiah 45:6

Leimong khat pan leimong khat dongah a om mihing theampo in keima sia Topa ka hina thu le pathian dang om ngawl a hina thu a heak thei natu in hi bangin ka vawt ahi hi.

Isaiah 46:9

Nidang lai a, a piang thute phawk vun; keima bekma Pathian hi a, kei taw a kibang kuama dang om ngawl a hina thu phawk tavun.

Jonah 4:4

Topa in, “Na thin uuk thei natu in nang bang thu nei ni ziam?” ci hi.

Jonah 4:9

Ahihang Pathian in ama tungah, “Hi a kung hing huvau in na thin uuk thei natu nang bang thu nei ni ziam?” ci hi. Jonah in, “Thi ngam natu in thin uuk na — ka thin uuk thei natu thu nei leilam khi hi!” ci in zo kik hi.

Zechariah 14:9

Tua zawkciang Topa sia leitung theampo ii kumpipa in hong mang tu a; ama ii Pathian sia a kuama po in bia tu a, tua min taw ma in ama he tu uh hi.

Matthew 8:29

Thakhatin amate cik-au uh a, “Nang Pathian Tapa awng, ko bang hong law nuam ni ziam? A hun hong thet ma in, daan pia tu in hong pai ni ziam?” ci uh hi.

Mark 1:24

“Nazareth mi Jesus awng, kote bang hong nuammaw ni ziam? Ko hong lalcipsak tu in hi sungah hong pai na hi ziam? Nang akua na hi hunlam hong he khu hi — Nang sia a thiangtho Pathian kamtaipa ni hi,” ci hi.

Mark 12:29

Jesus in zo a, “A thupibel sia hisia hi, ‘Israel awng, ngai vun! Topa ih Pathian sia ama bekma Topa ahi hi.

Mark 5:7

“A saangbel Pathian Tapa awng! Kei bang hong law nuam ni ziam? Kei daan nong piak ngawl natu in Pathian min taw kong thuum hi,” ci in a aw neiza taw au hi.

Mark 7:9

“Noma ii kihilna te na kholet thei natu in Pathian thukhamte na nial zia uh na thiam uh hi.

Luke 4:34

“Aw Nazareth mi Jesus awng, ko bang hong law nuam ni ziam? Hong susiacip tu in hong pai ni ziam? Nang akua ci in hong he khu hi; nang sia Pathian ii a thiangtho kamtaipa ni hi!” ci hi.

John 17:3

Tuaciang in tawntung nuntakna ci sia in nangma bek Pathian a maan ahi sia heakna le na sawlpa Jesus Christ heakna ahi hi.

Sawltakte 16:17

Ama in Paul le ko hong zui a, “Hi mite in A saangbel Pathian naseamte hi! Note bangbangin kingum thei tu ci thu amate in hong thangsak hi!” ci in au hi.

Sawltakte 19:15

Ahihang thaa ngilo in amate tungah, “Jesus sia he khi hi, tuaciang Paul zongh he khi hi; ahihang no akua te nu ziam?” ci hi.

Sawltakte 24:25

Ahihang Paul in ngamtat phatna, pumpi kitekna le, Thukhen Ni hong thet natu thute kikuppui top a, Felix sia lau hi. “Tu in na pai phot ta'n, hunpha ka nga ciangin, kong sam kik tu hi,” ci hi.

Romete 3:30

Pathian sia khat hi a, Jew te zongh a upna uh tungtawnin, thutang suaksak a, Gentile te zongh a upna tungtawnin, thutang kisuaksak hi.

1 Corinth te 8:4

Tua ahiciang, milim biakna in a kizangh an neakna huvau ah: milim ih ci sia a om takpi ngawl khat ii taang ahi sia ih he hi; eite in Pathian khat bek om ahi hunlam ih he hi.

1 Corinth te 8:6

eite atu in Pa ahi Pathian khat bek om hi, ama sia na theampo a Bitphuapa hi a, ama atu in eite a nungta ih hi hi; tuaciangin Topa khat bek ahi Jesus Christ om a, ama tungtawnin na theampo kibitphua a, ama tungtawnin eite ih nungta hi.

Galatia te 3:20

Ahihang mihing khat nguak sepna sungah palai kul ngawl hi; tuaciang Pathian sia khat ahi hi.

Thuhil kikna 6:4

“Israel awng hi thu ciamtee vun! Topa — tuaciang Topa bek — eite Pathian ahi hi.

1 Timothy 2:5

Banghang ziam cile Pathian khat bek om a, Pathian le mihing hong kilemsak kik, mihing ahi Jesus Christ khat bek om hi.

James 2:8

Laithiangtho sungah a kimu Kumpi ngam ii thukham na zui uh le, a maan in na a seam na hi tu uh hi. Tua thukham in, “Noma le noma na ki it uh bangma in, na innpaam pa na it vun,” ci hi.

Jude 1:4

Pathian a nei ngawl mihing pawlkhatte ei sungah hong tum ku ahikom, amate ii pheangtatnate a kam zonna in, Pathian ii thuthiamna thute ahi ngawl lamin zeak a, eima bek ii To le Topa ahi Jesus Christ sia nial uh hi. Ngeitawng lai in Laithiangtho in amate puavawkna a thuakna thute sonkhol zo hi.

Jude 1:6

Amate thuneina ciaciang sungah a om po ngawl, a teenna a nusia vantunglalangte phawk tavun: amate sia leinuai khuazingna ah tawntung thikkol kibul a, amate tungah thu a kitan tu Pathian ii Ni lianpi ni dong atu in Pathian in koi hi.

Thupualaakna 20:10

Tua zawkciang amate a theam Doaimangpa sia nganhing le leilot kamsaangpa kivawkna meili le kaan sungah kivawk hi; tuaciangin amate sia sun taw zan taw a tawntung a tawntung ngim kipia tu hi.