James 2:13 - Syin Chin Bible

¹³ Banghang ziam cile hesuakna a nei ngawl mihing khat tungah thu a khen ciangin, Pathian in hesuakna a lak buatu hi; ahihang hesuakna in thukhenna zo hi.

James 2:13 Iomraidhean Croise

Pianciilna 42:21

Tuaciang khat le khat tung ah, “Hi hi, ih suapuipa Joseph tuabang ih vawtsiat hu in tu in ih thuak hi ; ngimna lian a thuak ih mu a, hu ngen in hong thuum napi ih nadon bua hi. Tua hu in tu in hi ngimna sungah ih om hi,” ci uh hi.

2 Khangtaanghthu 28:11

Hong ngai tavun! Hi thongtaakte sia na suapuinumeite le na suapui pasalte veu hi. Tha kik siat vun, tua ahibuale Topa a thin uuk in note daan hong pia tu hi,” ci hi.

Psalm Late 18:25

Topa awng, hong thumaante tungah na thumaan hi; a cialcingte ii tungah a kicingin na dik hi.

Psalm Late 85:10

Itna le thumaanna kisitua tu hi; thutang le kilemna kingawngkoai tu hi.

Paunakte 21:13

Mizawngte auna aw ngai tu na nial le, hu tu dei a, nangma ii hu ngetna aw hong kizaaksak ngawl tu hi.

Paunakte 22:16

Na hau natu in mihaute tungah letsong na pia a, ahibuale mizawngte na zothaw le nangma zongh na zawng tu hi.

Isaiah 27:11

Thingbaakte kongaw in taltan a, numeite in thingkang tu in tom uh hi. Banghang ziam cile mihingte in bangma tel ngawl ahikom amate a Bitphuapa Pathian in amate khuangai huai sa ngawl tu a, hesuakna lak ngawl tu hi.

Jeremiah 9:24

Mihing khat pawpo in a kisathei nuam ahile, keima hong heakna le hong telna kisakthei pui tahen, banghang ziam cile ka itna in kipin kho a, thumaan le thutang ka seam hi. Hite sia ka thin hong nuamsakte ahi hi. Topa keima in ka ci zo hi,” ci hi.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Matthew 5:7

“Ngual hesuak theite in mihing lungdamte ahi uh hi; Pathian in amate hesuak tu hi!

Matthew 6:15

Ahihang ngual khialna na maisak bua uh le na Pa zongh in note khialna hong maisak ngawl tu hi.

Luke 16:25

Ahizong Abraham in, ‘Na nuntak lai in nang sia na pha theampo hong kipia zo a, Lazarus ahile a sia theampo thuak hi. Tua thu phawk ta'n. Ahihang tu in ahile nang ii natna satna na thuak laitak ama in hi munah nuamsa in om hi.

Luke 6:37

Ngual tungah thu na khen heak vun, tua hile Pathian in no tungah thu hong khen ngawl tu hi, ngual na mawsak heak vun, tua hile Pathian in hong mawsak ngawl tu hi; Ngual mawna na maisak vun, tua hile Pathian in note mawna hong maisak tu hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

James 5:4

Na lo sungah naseam mihingte ii thaman na pia bua uh hi. Amate ii phunnate ngai vun! Na an uh hong laksakte ii auna sia Topa Vaanglianbel Pathian bil sungah theng zo hi.

Thukhente 1:7

Adonibezek in, “Kumpi sawmsali, a khutpite le a peangpite a kitante in ka sabuai nuai ah antaakte tawm uh hi. Amate tung a ka vawt teng Pathian in kei tungah tu in hong vawt hi,” ci hi. Jerusalem ah ama kipaipui a, tua munah thi hi.

Thukhente 5:27

A khupte top suk in, puksuk a, ama peang kungah tung ngawlin lum hi. Ama ii peang ah a khupte top sukin puk hi; lei ah pukin thi hi.