James 2:1 - Syin Chin Bible

¹ Ka suapuite awng, a minthang Topa, ih Topa Jesus Christ thu umte na hi uh bangma in, a puasang omzia etna taw kuama doidan ngei heak vun.

James 2:1 Iomraidhean Croise

2 Khangtaanghthu 19:7

Topa zakta vun a, ngamtatna kidawm vun, banghang ziam cile Topa ih Pathian in thumaan ngawl thimthelna, mi doidan kingupna le sumnguk neaknate dei ngawl hi,” ci hi.

Paunakte 24:23

Mihing ciimte in hite zongh na ci lai hi: Thukhen pa khat atu in doidan nopna a nei sia maan ngawl hi.

Paunakte 28:21

Mi doidanna in khialna hi. Ahihang thukhenmang pawlkhat in sumnguk tawmno po deina ngawngawnin a maan ngawlin naseam tu hi.

Thiampite 19:15

Zum tung thusonnate na khen uh ciang “Thumaan le thutang taw thu khen vun; mizawngte ngum tuan heak vun, ahibuale sumhaute kiita heak vun.

Matthew 22:16

Tua zawkciang amate in, a nungzuite pawlkhat le Herod mihingte pawlkhat paisak uh hi. “Sya awng, thumaan na son hi ci in hong he khu hi. Pathian ii mihingte atu a deisak thutakte, mihingte in bang ngaisun ci patau ngawlin na hil hi. Banghang ziam cile mihingte maitang na zakta bua hi.

Sawltakte 10:34

Peter sia thuson tu hong kipan a, “Tu in Pathian in mihing theampo a kibangin ngaisun hi ci in ka phawk hi.

Sawltakte 20:21

Jew te le Gentile te tungah a kibangin a mawna tetek pan Pathian sangah kiheak kik a, ih Topa Jesus a up natu in, thupi takin kong phawksak hi.

Sawltakte 24:24

Ni tawmvei zawkciangin, Felix le Jew mi ahi a zi Drusilla hong pai uh hi. Ama in Paul samsak a, Jesus Christ ih upna huvau a thusonna ngai hi.

Sawltakte 7:2

Stephen in zo kik a, “Suapuite le pate awng, hong ngai tavun! Ih taanghpupi Abraham sia Haran ah teang tu in, a pai ma, Mesopotamia ah a ten laitakin, ama tungah vaanglian Pathian kilak a,

Romete 1:11

Note hong thakhosak tu, Thaa thupha hong hawm sawn tu in kong mu nuam mama hi.

1 Corinth te 2:8

Hi leitung a uk mihingte kuama in, hi ciimna thu a he bua uh hi. He hile, a minthang Topa sia thinglamtee tungah a thatlum buatu uh hi.

Thuhil kikna 1:17

Thukhenna te ah nguptuam paaituam nei heak vun; akua akua ahizong a vekpi a kibangin khensak vun. Kuama kiita heak vun, banghang ziam cile na thukhenna te sia Pathian kung pan hong pai hi. Thu khat pawpo note atu in a haksa lei le, hong paipui tavun a, keima ka khen tu hi,’ kong ci sa ahi hi.

Thuhil kikna 16:19

Amate in a thukhenna ah thumaan ngawlin khen ngawl tu a, nguptuam nei ngawl tu hi; amate in sumnguk la ngawl tu hi, banghang ziam cile letsong te in mipilte le a thumaante ii mit ngawngawn tawsak in, a maan ngawlin thu khensatsak hi.

Colossae te 1:4

Banghang ziam cile Jesus Christ na upna uh le Pathian ii mite theampo na itna uh ka za uh hi.

1 Timothy 1:19

na upna kholet in, thinsung thiangtho na nei ta'n. Mihing pawlkhat a thinsung uh pan a phaw thute ngai ngawlin a upna uh lalsak uh hi.

1 Timothy 5:21

Na nasep napo kuama nguptuam paihtuam nei ngawlin kong thupiakte na nit natu in Pathian mai, Christ Jesus mai le a thiangtho vantunglalangte mai ah ciliap huai takin kong sawl hi.

Titus 1:1

Pathian ii naseampa le Jesus Christ ii sawltakpa, keima Paul in lai kong thaak hi. Kei masia Pathian teal sate upna khantosak natu le, ih biakna ii hil thumaan thutak ah, a lampui tu in hong kiteal a, hong kipuak hi.

Titus 2:13

A lian ih Pathian le Hunpa Jesus Christ minthanna taw hong kilangh tu ih lam et thupha hong tun Ni ngak in, ih om laitak tuabangin ngamta tawng.

Hebrew te 1:3

Ama in Pathian' minthanna ii vaangtaang hong lengsak a, ama sia Pathian ii hina zia bang tatak ma hi in, vaannuai bup ama ii a vaang nei a kammal taw khosak hi. Mihingte ii mawnate atu in mawmaitsakna a nga sak zawkciangin Vaanglianpipa Pathian ii ziatsang vantung ah to hi.

Hebrew te 12:2

A kipatna pan a tawp dong upna a piangsak pa, a kicingsakpa Jesus mitsuan tawng. Ama sia thinglamtee hangin thinkiam ngawl hi! Ama a ngak nginge lungdamna hangin, thinglamtee tungah maizum thina sia pha maw sa ngawl zaw a, tu in Pathian tokhum ziatsang ah to hi.

James 1:16

Ka it suapuite awng, theamna um heak vun!

James 1:19

Ka it suapuite awng, hi thu ciamtee tavun! Mihing khat simin thu ngaina thu zaakna ah manlang tu a, ahizong pau papaih ngawl tu a thin uuk papaih ngawl tu kul hi.

James 2:3

Puan pha taw a kizeampa zatak piak zawkna taw, “Hi sung tona phabel tungah to in,” ci a, ahihang mizawngpa munah “Nang zia lai ah ding in, tua ahibuale ka peang kung suat tungah to in,” ci le uhte

James 2:9

Ahihang mihingte tungah a puasang omzia muna taw na en uh le, mawna vawt na hi uh a, tuaciang thukham in nang sia thukham paltan pa bangin hong mawsak hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

2 Peter 1:1

Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi:

Jude 1:16

Hi mihingte in a tawntungin, phunin ngual veu mawsiat uh hi; amate in a ngitlo nopna thinpuakte zui uh hi; amate le amate kisuangtaakin, a dei uh sia a nga thei natu in, ngualdangte sialpok uh hi.

Thupualaakna 14:12

Pathian thupiakte ni a, Jesus tungah a thumaan Pathian ii mihingte atu in thuak zawkna kisamh hi.