James 1:9 - Syin Chin Bible

⁹ A zawng Tapidawte a zawnna pan Pathian in a lapto ciangin a lungdam tu uh a,

James 1:9 Iomraidhean Croise

Psalm Late 62:9

Mihingte sia, husan khat bang bek hi siat hi; a lian a no a kibangin man nei ngawl hi. Khaikhin tungah koi leang bangma ngit ngawl hi; tuate sia husan khat sangin zaangzaw lai hi.

Paunakte 17:5

Mihing zawngte na nuisan le, amate a vawt Pathian a selno na hi hi. Midang khat ii kaamsiatna tungtaang ah diksa in na om le daan na thuak tu hi.

Paunakte 19:1

A leilot thei a mawmaw khat hi tu sangin, zawng napi a thumaan khat ih hi tu phazaw hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Luke 1:52

Ama in kumpi liante a tokhum uh panin khiasuk a, a niamte laamto hi.

Luke 10:20

Ahizong thaa ngilote ii na thu uh hong nit sia, lungdam heak vun, vantung a, na min uh a kiteptee hu in, lungdam zaw tavun,” ci hi.

Luke 14:11

Banghang ziam cile ama le ama a kiliansakte kiniamsak tu a, ama le ama a kiniamkhiak te kiliansak tu hi.”

Luke 9:48

“Mihing khat pawpo in, hi patangno sia ka min taw a saang le keima hong saang ahi hi; tuaciang kei hong saang sia in kei hong sawlpa saang ahi hi. Banghang ziam cile, no sungah a nobel sia in, a lianbel ahi hi,” ci hi.

Romete 8:17

A tate ih hi zawk nungsang a mite atu a khealsia thuphate ih lua tu a, Christ atu a Pathian ii a koi nate zongh ih lua tu hi; banghang ziam cile Christ ii thuakna ih thuakpui le a minthanna zongh ih lua tu hi.

2 Corinth te 6:10

hong heesak ahihang ka lung uh dam tawntung hi; a zawng bang ka hi uh hangin, mihing tam mamate ka hausak uh hi; neisa bangma nei ngawl tu bang ka hi uh hangin, na theampo a nei tatakte ka hi uh hi.

Thuhil kikna 15:11

Israel te sungah a zawng le a cimaw pawlkhat om tawntung tu ahiciang, tuate tungah ngo takin na piak natu uh in thu kong pia hi.

Thuhil kikna 15:7

“Topa na Pathian ii hong piakna ngamsung khua khat pawpo ah kisapna a nei Israel na mipui khat po a om le, haza heak vun a, na hu thada heak vun.

Thuhil kikna 15:9

Leiba maisak kum nai ahitazong sumpuk nuam ngawlin om heak vun. Tuabang khua ngaisutna siate na thinsung uh ah tumsak heak vun. Sum na puk nuam bua uh le amate in note hong langpanin Topa tungah ko tu a, tuaciang no a maw na suak tu uh hi.

Philippi te 3:14

Tua ahikom Jesus Christ tungtawnin tungsang nuntak natu Pathian hong sapna ahi, tel a nga zo tu in tang takin mungtupna sangah ka tai hi.

Philippi te 3:3

A maan vunteap atna a neite sia amate hi ngawl a, eima ih hi zaw hi, banghang ziam cile eite in Pathian sia ama Thaa taw ih bia a, Christ Jesus taw pumkhat a ih nuntakna sung ah, a lawpte ih hi hi. A puatham cii le sa limte tungtaang ah eite in muanna ih nei bua hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

Thupualaakna 2:9

Na ngimna teng kong he hi; zawng hi ci in kong he hi — ahihang a tatak sia hau nu hi! Jew te khu hi a ci theamte ii no hong siatsonnate ka he hi; amate sia Satan ii neisa honkhat ahi uh hi.

1 Samuel 2:8

Ama in mizawngte leivui panin laamto a, a kitasamhte a lungmanna panin phongto hi. Amate sia kumpipa tapate taw kithawlsakin, ki upat vawtna munah koi hi. Simlei ii phungkawng sia Topa aa hi; tuate ii tungah ama in leitung sato hi.